Just In

யுபிஎஸ்சி தேர்வு முடிவுகள் வெளியீடு.. மொத்தம் 1016 பேர் தேர்ச்சி! தமிழகத்தில் யார் முதலிடம்!
இந்து சமய அறநிலையத் துறை அதிகாரியுடன் 24 நாட்கள் உல்லாசம்.. நிர்மலா தேவி வழக்கில் ஏப்.26ல் தீர்ப்பு
வீங்கிப்போன கால்கள்.. மிகவும் களைப்படைந்த முகம்.. திருமாவளவனை பார்த்து கலங்கும் விசிகவினர்
ஐஸ்வர்யா ராய் பாட்டை, இயக்குனர் ஷங்கர் மகளுக்கு வழங்கிய வைரமுத்து.. இணையத்தை கலக்கும் ட்விட்டர் பதிவு
மோடி தான் மீண்டும் பிரதமர்.. குஷ்புக்கு பதிலாக பிரசாரத்தில் இறங்கிய நடிகர் சுந்தர் சி
நிறுத்துங்க..’இதை’ செய்யாத பாஜகவுடன் எதற்கு கூட்டணி..! ஷாக் ஆன செளமியா.. பதறிப் போன பாமக தலைகள்!

அன்று போயஸ் கார்டன்... இன்று கோபாலபுரம்... மோடியின் திட்டம் என்ன?

2015ஆம் ஆண்டு போயஸ்கார்டன் சென்று விருந்துண்டார் மோடி. சென்னை வந்துள்ள பிரதமர் மோடி இன்று கோபாலபுரத்தில் கருணாநிதியை சந்திக்கிறார்.

By Mayura Akilan

Updated: Monday, November 6, 2017, 12:23 [IST]

மோடி - ஜெயலலிதா நட்பு

மறைந்த முதல்வர் ஜெயலலிதா, பிரதமர் மோடி இடையேயான நட்பு நீண்டகாலமாகவே உள்ளது என்றாலும் 2014 ஆம் ஆண்டு லோக்சபா தேர்தலின் போது மோடியா? லேடியா என்று பிரச்சாரம் செய்தார் ஜெயலலிதா. தேர்தலில் வெற்றி பெற்று பிரதமராகப் பதவியேற்ற பின்னர் அரசு நிகழ்ச்சியில் கலந்து கொள்வதற்காக கடந்த 2015ஆம் முதல் முறையாக சென்னை வந்தார் பிரதமர் மோடி. சென்னை விமான நிலையத்திற்கே சென்று பிரதமர் மோடியை வரவேற்றார் அப்போதைய முதல்வர் ஜெயலலிதா.

ஜெ., வீட்டில் விருந்து

ஆகஸ்ட் 7, 2015ல் சென்னை பல்கலைக் கழகத்தில் கைத்தறி தின நிகழ்ச்சிகளை முடித்துக் கொண்டு நேராக முதல்வர் ஜெயலலிதாவின் போயஸ் தோட்டம் இல்லத்துக்கு பிரதமர் மோடி சென்றார். அங்கு பிரதமர் மோடியை இருகரம் கூப்பி வரவேற்று சால்வை அணிவித்தும் பூங்கொத்து கொடுத்தும் முதல்வர் ஜெயலலிதா வரவேற்றார்.

நினைவுப்பரிசு கொடுத்த ஜெயலலிதா

ஜெயலலிதா இல்லத்தில் பிரதமர் மோடிக்கு மதிய உணவு விருந்தளிக்கப்பட்டது. இதனைத் தொடர்ந்து பிரதமர் மோடிக்கு நினைவுப் பரிசு பூங்கொத்து கொடுத்து வீட்டு வாசல் வரை வந்து வழியனுப்பி வைத்தார் முதல்வர் ஜெயலலிதா.

ஈவிகேஎஸ் இளங்கோவன் விமர்சனம்

இந்த சந்திப்பையும், போயஸ் கார்டனில் மோடி விருந்து சாப்பிட்டதையும் தவறாக சித்தரித்து பேசினர் காங்கிரஸ் கட்சியினர். பாஜக மற்றும் அதிமுக நடுவே கள்ள உறவு உள்ளது என்றெல்லாம் பேசினார் ஈவிகேஎஸ் இளங்கோவன்.

தீவிரமாக எதிர்க்கும் திமுக

மத்தியில் ஆளும் பாஜக அரசையும், பணமதிப்பு நீக்கம், ஜிஎஸ்டி அமலாக்கத்தை கடுமையாக எதிர்க்கிறது திமுக. காங்கிரஸ் கட்சி அறிவித்துள்ள கருப்பு தின போராட்டத்திலும் பங்கேற்கிறது திமுக. திமுக சார்பில் கொண்டாடப்பட்ட எந்த விழாவிற்குமோ பாஜகவிற்கு அழைப்பு விடுப்பதில்லை.

கருணாநிதியை சந்தித்த மோடி

அரசியல் ரீதியாக எத்தனையோ கருத்து வேறுபாடுகள் இருந்தாலும், சட்டசபை பொன்விழா நாயகர், வயதில் மூத்த அரசியல் தலைவர் கருணாநிதியை அவரது இல்லத்திற்கே சென்று சந்தித்தார் பிரதமர் மோடி. 2015ல் போயஸ்கார்டன் சென்ற மோடி, 2017ல் கோபாலபுரம் சென்று கருணாநிதியை சந்தித்துள்ளார். இது மிக முக்கியமான சந்திப்பாக கருதப்படுகிறது.

காங்கிரஸ் கருத்து என்ன?

மோடியின் தமிழக வருகை அரசியல் மாற்றத்தை ஏற்படுத்தும் என்று தமிழிசை அடிக்கடி கூறி வந்தார். அதிமுக இரு அணிகளிடையே கட்டப்பஞ்சாயத்து செய்கிறார் மோடி என்றெல்லாம் விமர்சித்தார் மு.க.ஸ்டாலின். இந்த சூழ்நிலையில் கோபாலபுரத்திற்கு மோடியின் வருகை காங்கிரஸ் கட்சியினரின் வயிற்றில் புளியை கரைக்கத்தான் செய்யும்.