திமுகவில் இருந்து முல்லைவேந்தன் "டிஸ்மிஸ்"! பழனிமாணிக்கம், இன்பசேகரன் "சஸ்பென்ட்" ரத்து!!

By Mathi

Updated: Saturday, July 19, 2014, 17:14 [IST]

Subscribe to Oneindia Tamil

சென்னை: திமுகவில் இருந்து முன்னாள் அமைச்சர் முல்லைவேந்தன் நிரந்தரமாக நீக்கப்படுவதாக திமுக அறிவித்துள்ளது.

லோக்சபா தேர்தலில் திமுக தோல்வி அடைந்த நிலையில் முன்னாள் மத்திய அமைச்சர் பழனி மாணிக்கம், முன்னாள் அமைச்சர் முல்லைவேந்தன் உள்ளிட்ட பலரை சஸ்பென்ட் செய்து விளக்க நோட்டீஸ் அனுப்பியது.

இதற்கு பழனிமாணிக்கம் உள்ளிட்ட பலரும் விளக்கம் கொடுத்தனர். இதனால் பலர் மீதான சஸ்பென்ட் நடவடிக்கை ரத்து செய்யப்பட்டது.

இந்த நிலையில் திமுக பொதுச்செயலர் அன்பழகன் இன்று வெளியிட்ட அறிக்கையில், முன்னாள் அமைச்சர் முல்லைவேந்தன் திமுகவில் இருந்து நிரந்தரமாக நீக்கப்படுகிறார். எஸ்.எஸ்.பழனிமாணிக்கம் மற்றும் தருமபுரி இன்பசேகரன் ஆகியோர் மீதான சஸ்பென்ட் நடவடிக்கை ரத்து செய்யப்படுகிறது. பழனிமாணிக்கம், இன்பசேகரன் இருவரும் திமுகவில் தொடர்ந்து நீடிப்பார்கள் என்று தெரிவித்துள்ளார்.