மூதாட்டியின் நடன வீடியோவை மோடியின் தாய் என டுவீட்டிய கிரண்பேடி.... வறுத்தெடுத்த நெட்டிசன்கள்!
மூதாட்டி ஒருவர் நடனமாடும் வீடியோவை பிரதமர் மோடியின் தாயார் தீபாவளிக் கொண்டாட்டம் என்று டுவீட்டிய புதுச்சேரி மாநில துணை நிலை ஆளுநர் கிரண்பேடியை நெட்டிசன்கள் வறுத்தெடுத்துவிட்டனர்.
Recommended Video
சென்னை : மூதாட்டி ஒருவர் நடனமாடும் வீடியோவை பிரதமர் நரேந்திர மோடியின் தாயார் என்று டுவீட்டிய புதுவை துணை நிலை ஆளுநர் கிரண்பேடியை நெட்டிசன்கள் செமையாக வறுத்தெடுத்துவிட்டனர்.
புதுச்சேரி துணை நிலை ஆளுநர் கிரண்பேடி தன்னுடைய டுவிட்டர் பக்கத்தில் ஒரு வீடியோவை பதிவிட்டிருந்தார். அந்த வீடியோவிற்கு அவர் அளித்திருந்த விளக்கம் கிரண்பேடியை சர்ச்சையில் சிக்க வைத்துள்ளது.
தள்ளாத 97 வயதிலும் எவ்வளவு உற்சாகமாகத் தீபாவளி கொண்டாடுகிறார் இந்தத் தாய். நரேந்திர மோடியின் தாயார் ஹிராபென்மோடி தன்னுடைய வீட்டில் நடனமாடி தீபாவளியைக் கொண்டாடிய வீடியோ என்று கிரண்பேடி டுவீட்டி இருந்தார்.
|
பழைய வீடியோ
கிரண்பேடியின் இந்த டுவீட்டை பார்த்து பலரும் அவரை வறுத்தெடுத்து விட்டனர். இந்த வீடியோ நவராத்திரி முதலே உலா வருவதாகவும், வீடியோவை பதிவிடுவதற்கு முன்னர் ஒரு முறை சரிபார்த்திருக்கலாமே என்று நெட்டிசன்கள் கருத்துகளை தெறிக்க விட்டு வருகின்றனர்.
|
வீடியோவில் இருப்பது யார்?
இது உண்மையில் பிரதமர் நரேந்திர மோடியின் தாயாரே அல்ல என்று மற்றொரு நெட்டிசன் பதிவிட்டுள்ளார். மேலும் இந்த வீடியோ அக்டோபர் மாதம் முதலே சமூக வலைதளங்களில் பகிரப்பட்டு வருவதாகவும் அவர் கூறியுள்ளார்.
|
பணிக்கு ஏற்றதல்ல
துணை நிலை ஆளுநர் போன்ற மதிப்புமிக்க பொறுப்பில் இருக்கும் நீங்களே இப்படி செய்யலாமா என்று பலரும் தங்களது ஆதங்கத்தை கொட்டியுள்ளனர். மேலும் இது தங்களின் சிறந்த பணிக்கு ஏற்றதாக இல்லை என்றும் அவர்கள் விமர்சித்துள்ளனர்.
|
பொய் தகவலுக்கு இடமில்லை
சமூகவலைதளத்தில் பொய்யான தகவலை எப்போதுமே பதிவிட முடியாது. அப்படி பதிவிட்டால் அது உடனடியாக வெட்டவெளிச்சமாகிவிடும் என்று மற்றொரு நெட்டிசன் பட்டென உண்மையை போட்டு உடைத்துள்ளார்.
Click it and Unblock the Notifications
Sign in with Google