மெர்சலை கலாய்க்க நினைத்து, வாங்கி கட்டிக் கொண்ட எஸ்.வி.சேகர்!

மெர்சல் குறித்து டுவிட்டரில் கேள்வி கேட்ட எஸ்.வி.சேகருக்கு அதிர வைக்கும் பதில்களை டுவீட்டியுள்ளனர் நெட்டிசன்கள்.

சென்னை : இந்த ஆண்டின் சிறந்த காபி பேஸ்ட் நிபுணர் யார் என்று டுவிட்டரில் கேள்வி கேட்ட எஸ்.வி.சேகரை நெட்டிசன்கள் செமையாக கலாய்த்துத் தள்ளிவிட்டனர்.

மெர்சல் படத்தில் ஜிஎஸ்டி குறித்து வரும் வசனங்களை நீக்க வேண்டும் என்று பாஜகவின் தமிழிசை சவுந்தரராஜன் திரியை கொளுத்திப் போட்டார். இந்தத் திரி தீ பிடித்து இப்போது பாஜகவின் மத்தத் தலைவர்கள் அனைவரும் மெர்சல் படத்திற்கு எதிர்ப்பு தெரிவித்து வருகின்றனர்.

தமிழிசையைத் தொடர்ந்து இல.கணேசன், பொன். ராதாகிருஷ்ணன், எச். ராஜா உள்ளிட்டோர் மெர்சல் படத்திற்கு எதிரான தங்களது கண்டனங்களைத் தெரிவித்துள்ளனர். இந்நிலையில் பாஜகவைச் சேர்ந்த எஸ்.வி.சேகரும் மெர்சல் படத்தை மறைமுகமாக கிண்டலடிக்கும் விதமாக இந்த ஆண்டின் சிறந்த 'காபி & பேஸ்ட்' நிபுணர் யாரு? என்று கேட்டு ஒரு டுவீட்டை தட்டி விட்டிருந்தார். அட்லி பல படங்களின் காட்சிகளை மெர்சல் படத்தில் காண்பித்ததாக விமர்சனங்கள் எழுந்த நிலையில் இவ்வாறு அவர் கூறியுள்ளார்.

ஒட்டுமொத்த பா.ஜ.க வையும் இப்டி மொளகாப்பொடிய மூஞ்சில தூவினாப்ல கதறவிட்ட @Atlee_dir தான்.. இன்னும் நல்லா கதறுங்க..உங்க புண்ணியத்துல படம் இன்னும் ரெண்டு நாள் முன்னாடியே நூறு கோடி கலெக்ட் பன்னிடும்..

— Rockstar AK™ 😎 (@RJAadhi) October 20, 2017

பாஜவை அலறவிட்ட அட்லி

எஸ்.வி.சேகரின் இந்த டூவீட்டிற்கு பலர் பதிலை பறக்க விட்டுள்ளனர். ஒட்டுமொத்த பா.ஜ.க வையும் இப்டி மொளகாப்பொடிய மூஞ்சில தூவினாப்ல கதறவிட்ட அட்லி தான்.. இன்னும் நல்லா கதறுங்க..உங்க புண்ணியத்துல படம் இன்னும் ரெண்டு நாள் முன்னாடியே நூறு கோடி கலெக்ட் பன்னிடும் என்று நக்கலடித்துள்ளார் இவர்.

சந்தேகமே வேண்டாம்... காங்கிரசின் திட்டங்களின் பெயர்களை மட்டும் மாற்றி புதுத்திட்டமாகக் காண்பித்த மோடியரசுதான்...

— Chinthan (@epchinthan) October 20, 2017

மோடியரசு தான்

காங்கிரசின் திட்டங்களை 3 வருடமாக காப்பியடிக்கும் பாஜக தான் என்று மற்றொரு நெட்டிசன் கலாய்த்துள்ளார். திட்டங்களின் பெயர்களை மட்டும் மாற்றி புதுத்திட்டமாகக் காண்பித்த மோடியரசுதான் அது என்று அவர் பதிவிட்டுள்ளார்.

Unga paiyan nadicha moka manal kayiru poi paaru !!

— Shree Ram (@SriCenax) October 20, 2017

மொக்க மணல் கயிறு

மெர்சல் படத்தை கிண்டலடித்திருக்கும் எஸ்.வி. சேகர், அவருடைய மகன் படத்தை பார்க்க வேண்டும் என்று பதில் பதிவிட்டுள்ளார் இந்த வலைபதிவாளர். உங்க பையன் நடிச்ச மொக்க மணல் கயிறு பாருங்க என்று பதில் டுவீட்டியுள்ளார்.

அஇஅதிமுக டூ பாஜக கட்சிதாவல் நிபுணர் யாரோ ??

— அன்புடன்அனில் (@AnbudanAnil) October 20, 2017

கட்சித் தாவல் நிபுணர் யார்?

கட்சி விட்டு கட்சி மாறிய எஸ்.வி.சேகருக்கே ஒரு கேள்வி கேட்டுள்ளார் இந்த நெட்டிசன். ஆமா அஇஅதிமுக டூ பாஜக கட்சிதாவல் நிபுணர் யாரோ ?? என்று அவர் பதில் கேள்வி எழுப்பியுள்ளார்.

English summary

S.Ve.Shekher trolled by Netizens for his question in twitter which indirectly giggling Mersal that who is the best copy and paste expert for this year.