எல்லா ரேஸிலும் மு.க. அழகிரியை வென்ற ஸ்டாலின்!

By Lakshmi Priya

Updated: Tuesday, August 28, 2018, 8:43 [IST]

Subscribe to Oneindia Tamil

Recommended Video

அழகிரியை வீழ்த்திய ஸ்டாலின்- வீடியோ

சென்னை: அழகிரியின் சலசலப்புக்கெல்லாம் அஞ்சாமல் ரேஸில் முந்தி திமுக தலைவர் என்ற டைட்டிலை ஸ்டாலின் வென்றுள்ளது தொண்டர்களிடையே பெரும் மகிழ்ச்சியை ஏற்படுத்தியுள்ளது.

திமுக தலைவர் கருணாநிதி உயிருடன் இருந்தபோதே அவருக்கு பிறகு தான்தான் வாரிசு என்று மிதப்பில் இருந்தார் அழகிரி. ஆனால் கட்சிக்கு உண்மையாக உழைத்தவர் ஸ்டாலின் என்ற முறையில் அவருக்கு அடுத்தடுத்த பொறுப்புகள் வந்தன. மேலும் எல்லா ரேஸ்களிலும் அழகிரியை ஸ்டாலின் முந்தினார்.

இந்நிலையில் ஒரு கட்டத்தில் அழகிரி தனது ஆதரவாளர்களுக்கு கட்சியில் முக்கிய பதவிகள் வழங்கப்படவில்லை என்ற பிரச்சினையை எழுப்பினார். இதையடுத்து கட்சியின் விதிகளை மீறி செயல்பட்டதாக அழகிரியை கருணாநிதி திமுகவிலிருந்து கடந்த 2014-ஆம் ஆண்டு நீக்கினார்.

கேட்கவில்லை

இதையடுத்து அழகிரியிடம் தங்கை கனிமொழி, தயாளு அம்மாள் உள்ளிட்டோர் சமாதானம் பேசினர். எனினும் அவர் கேட்கவில்லை. அவ்வப்போது கோபாலபுரத்துக்கு வந்து தலையை காட்டினார் என்றாலும் திமுகவில் அழகிரியை மீண்டும் சேர்த்து கொள்ளவில்லை. இதையடுத்து சட்டமன்ற தேர்தலின் போது திமுகவுக்கு எதிராக கருத்துகளை தெரிவித்திருந்தார்.

திமுக தலைவர்

இந்நிலையில் திமுக தலைவர் கருணாநிதி கடந்த 7-ஆம் தேதி உடல்நலக் குறைவால் பாதிக்கப்பட்டு மரணமடைந்தார். இதையடுத்து அவசர அவசரமாக பொதுக் குழு கூடயிருந்தது. அதற்கு முதல் நாள் கருணாநிதியின் சமாதிக்கு அஞ்சலி செலுத்த சென்ற அழகிரி கருணாநிதியின் உடன்பிறப்புகள் தன் பக்கம் இருப்பதாக தெரிவித்தார்.

பின்விளைவுகள்

வரும் செப்டம்பர் 5-ஆம் தேதி கருணாநிதியின் சமாதிக்கு பேரணியாக செல்கிறார் அழகிரி. அப்போது தன்னுடன் 75 ஆயிரத்திலிருந்து ஒரு லட்சம் தொண்டர்கள் வருவர் என்று தெரிவித்திருந்தார். இதையடுத்து நேற்றைய தினம் அவர் அளித்த பேட்டியில் திமுகவில் தான் சேர்வதை சிலர் தடுக்கின்றனர் என்றும் என்னை சேர்க்காவிட்டால் பின்விளைவுகளை சந்திக்க நேரிடும் என்று வெளிப்படையாகவே மிரட்டினார் அழகிரி.

திமுக தலைவர்

இந்த நிலையில் அழகிரியின் சலசலப்புகளுக்கு அஞ்சாமல் உடன்பிறப்புகளின் ஆதரவோடு ஸ்டாலின் போட்டியின்றி தலைவராக அறிவிக்கப்படுகிறார். இது முழுக்க முழுக்க திமுகவில் அழகிரி நீக்கப்பட்டதாலேயே நடந்துள்ளதாக தொண்டர்கள் கருதுகின்றனர். அவர் திமுகவில் நீடித்திருந்தாலோ அல்லது மீண்டும் சேர்க்கப்பட்டிருந்தாலோ கருணாநிதியின் மறைவுக்கு பிறகு நிச்சயம் பெரும் பிரச்சினையை கிளப்பியிருப்பார் என்று கூறப்படுகிறது.