Vijay Dharapuram Campaign LIVE: மேடையில் நடித்து நடித்து ஸ்டாலினுக்கு பழக்கமாகிவிட்டது- விஜய் பேச்சு

திருப்பூர்: இடைத்தேர்தல் நடைபெற உள்ள தாராபுரம் சட்டமன்றத் தொகுதியில், தவெக வேட்பாளர் சத்யபாமாவை ஆதரித்து முதலமைச்சர் ஜோசப் விஜய் இன்று பிரசாரம் மேற்கொள்கிறார்.

மதுராந்தகம் (தனி), தாராபுரம் (தனி) ஆகிய சட்டப்பேரவை தொகுதிகளுக்கான இடைத்தேர்தல் வரும் அக்டோபர் 6 ஆம் தேதி நடைபெற உள்ளது. தவெக, திமுக, அதிமுக, நாதக, இடதுசாரிகள் என 5 முனை போட்டி நிலவுவதால் இடைத்தேர்தல் களம் சூடுபிடித்துள்ளது. அரசியல் கட்சிகளின் தலைவர்கள் தீவிர பிரச்சாரம் மேற்கொண்டு வருகின்றனர்.

அந்த வகையில், இன்று (செப். 30) தாராபுரம் சட்டப்பேரவை தொகுதியில், தமிழக முதலமைச்சரும், தமிழக வெற்றிக் கழகத்தின் தலைவருமான ஜோசப் விஜய் பரப்புரை மேற்கொண்டுள்ளார். தவெக வேட்பாளர் சத்யபாமாவை ஆதரித்து விஜய் பிரச்சாரம் மேற்கொள்கிறார்.

சென்னையில் இருந்து விமானம் மூலம் கோவை வந்த விஜய், கோவையில் இருந்து தாராபுரத்திற்கு விஜய் அவரது பிரச்சார வேனில் பயணம் செய்தார். தாராபுரம் மாருதிநகரில் பரப்புரை மேற்கொள்கிறார் விஜய். இதனால், சாலையில் இருபுறமும் திரண்டு நிற்கும் பொதுமக்கள் விஜய்க்கு உற்சாக வரவேற்பு அளித்து வருகின்றனர்.

English summary

Dharapuram By election Vijay campaign LIVE: Chief Minister Joseph Vijay is campaigning today in the Dharapuram Assembly constituency—where a by-election is set to take place—in support of TVK candidate Sathyabhama.