காரில் ரூ. 20 லட்சம் பிடிபட்ட விவகாரம்.. சேலம் பாஜக நிர்வாகி வீட்டில் அதிரடி ரெய்டு- வீடியோ

சேலம்: சேலம் குமாரசாமிப்பட்டி மெயின் ரோட்டில் கடந்த 26ம் தேதி இரவு அஸ்தம்பட்டி போலீசார் வாகன சோதனை நடத்தினர். அப்போது அந்த வழியாக வந்த பாஜக நிர்வாகியின் கார் ஒன்றில் ரூ.20.5 லட்சம் ரொக்கம் சிக்கியது. அதில் ரூ.18 லட்சத்து 50 ஆயிரத்திற்கு புதிய 2000 ரூபாய் நோட்டுகள் ஆகும். அதனைத் தொடர்ந்து அந்த காரில் இருந்த பெரமனூரை சேர்ந்த திருமண மண்டப உரிமையாளரும், பாஜக இளைஞர் அணி கோட்ட பொறுப்பாளருமான அருண், அவரது நண்பர் சின்ன கொல்லப்பட்டியை சேர்ந்த யுவனேஷ் ஆகியோரிடம் போலீசார் விசாரணை நடத்தினர். அப்போது அவர்களிடம் பணத்திற்குரிய உரிய ஆவணங்கள் இல்லாததால், கைப்பற்ற பணம் கருவூலத்தில் ஒப்படைக்கப்பட்டது. பின்னர் இது தொடர்பாக வருமான வரித்துறையினருக்கும் தகவல் தெரிவிக்கப்பட்டது. அதனைத் தொடர்ந்து அருண் வீட்டில் வருமான வரித்துறையினர் சோதனை நடத்தினார்கள்.

English summary

Police seized a sum of Rs. 20.55 lakh, including 926 currency notes of Rs. 2,000 denomination, from a BJP functionary during a vehicle-check on Kumarasamipatti main road here late on Saturday evening.