Kollu Thuvaiyal: வயிறு தட்டையாக கொள்ளு பயிறு! துவையல் செய்வது எப்படி? சூடான சாதத்தில்... !

சென்னை: "இளைத்தவனுக்கு எள்ளு கொழுத்தவனுக்கு கொள்ளு" என்று ஊரில் ஒரு சொலவடை உள்ளது. அந்த வகையில் உடலில் உள்ள கொழுப்பு குறைய கொள்ளு தானியத்தை சேர்த்துக் கொள்வது நல்லது, குறைந்தது வாரத்திற்கு ஒரு நாளாவது இதை சேர்த்துக் கொள்ளலாம்.

கொள்ளு தானியத்தை வைத்து பொடி, குருமா குழம்பு, ரசம், துவையல் உள்ளிட்டவைகளை செய்யலாம். அந்த வகையில் கொள்ளு பருப்பை வைத்து ஒரு சூப்பரான துவையல் ரெசிபியை பார்க்கலாம்.

தேவையான பொருட்கள்

கொள்ளு- 2 டேபிள் ஸ்பூன்

உளுத்தம் பருப்பு- 2 டேபிள் ஸ்பூன்

பூண்டு - 10 முதல் 12 பற்கள்

காய்ந்த மிளகாய் - 4

புளி, உப்பு- சிறிதளவு

எண்ணெய் - வறுக்க தேவையான அளவு

செய்முறை

• ஒரு வாணலியில் எண்ணெய் விட்டு அது காய்ந்ததும் கொள்ளு பருப்பை போட்டு வறுக்கவும், அத்துடன் உளுத்தம் பருப்பையும் சிவக்க வருத்துக் கொள்ளவும்
• பின்னர் பூண்டு, காய்ந்த மிளகாய் சேர்த்து வறுக்கவும்
• சிறிதளவு உப்பு, புளி சேர்த்து வதக்கி ஆற வைத்து கொரகொரப்பாக அரைத்துக் கொள்ளவும்.

இந்த கொள்ளு துவையலை சூடான சாதத்தில் போட்டு பிசைந்து சாப்பிட்டால் சைட் டிஷ்ஷே வேண்டாம். இட்லி, தோசை, தயிர் சாதத்திற்கு தொட்டுக் கொண்டால் நல்ல காம்பினேஷனாக இருக்கும்.

கொள்ளு உடலில் உள்ள கொழுப்பை வெளியேற்றி உடல் ஆரோக்கியம் பெற வழிவகுக்கும். வெள்ளை உளுந்துவிற்கு பதிலாக கருப்பு உளுந்தையும் பயன்படுத்தலாம்.

English summary

As the Tamil proverb says, “Sesame for the lean, horse gram for the stout.” Adding horse gram (kollu) to your diet helps reduce body fat and improve metabolism. Nutrition experts suggest consuming it at least once a week for better health and weight management.