கோமதி சக்கரத்தை சிவப்பு துணியில் கட்டி.. வீட்டில் பணம் சேர உதவும் கோமதி சக்கரங்கள்.. இப்படி வையுங்க

Updated: Monday, July 7, 2025, 20:08 [IST]

Subscribe to Oneindia Tamil

சென்னை: ஆன்மீகத்தில் கோமதி சக்கரம் மிகுந்த முக்கியத்துவம் பெற என்ன காரணம்? நகையாக இதை அணிய முடியுமா? எப்போது அணியலாம்? தொழில் விருத்திக்கு கோமதி சக்கரத்தை எப்படியெல்லாம் பயன்படுத்தலாம்? இவைகளை பற்றி வாஸ்துவில் தெளிவாகவே சொல்லப்பட்டுள்ளது. பிசினஸ் செய்பவர்கள் இந்த கோமதி சக்கரத்தை எப்படி பயன்படுத்தலாம்? இவைகளை பற்றி இங்கே சுருக்கமாக பார்க்கலாம்.

கோமதி நதியில் இயற்கையாக உருவாகும் இந்த ஓடு, விஷ்ணுவின் சுதர்சன சக்கரத்தைக் குறிப்பதால் ஆன்மீகத்தில் தெய்வ சக்தியை பெற்றுள்ளது. எனவேதான், லட்சுமி பூஜையில் கோமதி சக்கரத்தை பயன்படுத்துவார்கள்..

ரகசிய கல் - பலன்கள்

கோமதி சக்கரம் என்பது ஒரு தெய்வீக கல் ஆகும்.. வட மாநிலங்களில் பிரபலமாக உள்ள ஸ்ரீமகாலட்சுமி அம்சம் பொருந்திய இந்த வகைக் கல், தென் மாநிலங்களில் அதிகம் அறியப்படாமல் இருப்பதற்கு காரணம், அதனை ரகசியமாக பலரும் பயன்படுத்தி வந்ததுதானாம். வீட்டிற்கு செல்வத்தையும், செழிப்பையும் ஈர்க்க உதவும் வாஸ்து கல்லாகும்..

கோமதி சக்கரத்தை பூஜையில் பயன்படுத்தும்போது, அதிலுள்ள சுழி ஆகாயத்தை பார்த்ததுபோல் வைக்கவேண்டுமாம்.. பூஜைக்கு பிறகு எப்படி வேண்டுமானாலும் வைக்கலாம். பூஜையில் வெறுமனே வைத்துவிடாமல், சிவப்பு பட்டுத்துணியில் வைத்து அதை ஒரு வெள்ளி அல்லது செம்பு தட்டில் வைக்க வேண்டும்.

தோஷம் நீக்கும் சக்கரம்

குடும்பத்தை சுற்றியிருக்கும் தோஷங்களை இந்த கோமதி சக்கரம் நீக்குவதாக நம்பப்படுகிறது.. தீய சக்திகள் மற்றும் எதிர்மறை ஆற்றல்களிலிருந்தும் குடும்பத்தை பாதுகாப்பதாக நம்பப்படுகிறது.

வீடு மட்டுமல்ல, தொழில் செய்யும் இடங்களிலும் இந்த கோமதி சக்கரத்தை வைக்கலாம்.. ராகு கேது போன்ற கிரக தோஷங்களை சமநிலைப்படுத்த, இது உதவுகிறது..

அதாவது, பசுவின் திருஷ்டி சக்தியே இந்த கோமதி சக்கரமாகும். எனவே, இதனை வீட்டின் எந்த பாகத்தில் வைத்தாலும் திருஷ்டி விலகுமாம். இந்த சுழியில் நாகலட்சுமி குடிகொண்டிருப்பதாக நம்பப்படுவதால், இதனால் நாகதோஷங்கள் விலகிவிடுமாம். பெரும்பாலும், சிவப்பு வண்ண துணியின் மீது வைத்துதான்,இந்த கோமதி சக்கரத்தை பயன்படுத்துவார்கள். அப்போதுதான், மகாலட்சுமியின் அருளை பூரணமாக பெற முடியும்.

நிதி நிலைமை சீராகும்

பீரோ அல்லது பணப்பெட்டியில் கோமதி சக்கரத்தை வைப்பதால், நிதி சிக்கல் சீராகும்.. நேரடியாகவே இதனை பயன்படுத்தாமல், சிவப்பு துணியில் 11 கோமதி சக்கரங்களை சுற்றி வைக்கலாம்.. இதனால் பணம் தங்கியிருக்கும்..

எனவே, வீடு அல்லது அலுவலகம் அல்லது கடைகளில் கதவுக்கு அருகில் கோமதி சக்கரங்களை வைக்கலாம்.. அதேபோல, வாசலுக்கு அருகில் புதைத்து வைக்கலாம்.. கதவின் மேற்புறத்திலும் ஒட்டி வைக்கலாம்.இதனால் தீய சக்தி இருந்தாலும் விலகிவிடும்.

தொழிலில் உள்ள தடை நீங்க

பிசினஸில் ஏதாவது தடையிருந்தால் தலையணைக்கு அடியில் இதனை வைத்து தூங்கலாம். அல்லது 11 கோமதி சக்கரங்களை பூமியில் புதைத்து வைத்தாலும் தொழிலில் லாபத்தை பார்க்கலாம்..

எனவேதான், சொந்தமாக தொழில் செய்பவர்கள், கோமதி சக்கரத்தை சிலர் மோதிரமாக செய்து அணிந்து கொள்வார்கள்.. ஆனால் அப்படி அணியும்போது, வெள்ளிக்கிழமை அல்லது பௌர்ணமி தினத்தில் மோதிரத்தை அணிந்து கொள்ளலாம். கழுத்தில் அணியும் சங்கிலி வடிவிலும் இந்த கோமதி சக்கரத்தைப் பயன்படுத்தலாம்.

கோமதி சக்கரத்தை விலைக்கு வாங்குவதை காட்டிலும், பெரியோர்களிடமிருந்தோ அல்லது உறவினர்களிடமிருந்தோ அன்பளிப்பாக பெறுவது கூடுதல் சிறப்பானது என்பார்கள்.. ஒருவேளை விலைக்கு வாங்குவதாக இருந்தாலும் நல்ல நாளாக பார்த்து வாங்குவது நல்லது.