அம்பானிக்கு செக் வைத்த ஏர்டெல்! இனி ஸ்டோரேஜ் பிரச்னையே இருக்காது! அன்லிமிடெட் கிளவுட் ஸ்டோரேஜ் இலவசம்

Updated: Tuesday, May 27, 2025, 16:02 [IST]

Subscribe to Oneindia Tamil

மும்பை: நமது நாட்டின் டாப் டெலிகாம் நிறுவனங்களில் ஒன்றான ஏர்டெல் நிறுவனம் இப்போது யூசர்களை கவர முக்கியமான இரு திட்டங்களை அறிவித்துள்ளன. வழக்கமாக ஓடிடி சப்ஸ்கிரிப்ஷன்கள் மட்டுமே இலவசமாக அறிவிக்கப்படும் நிலையில், இப்போது ஏர்டெல் அதை அடுத்த லெவலுக்கு எடுத்துச் சென்றுள்ளது. இது குறித்து நாம் விரிவாகப் பார்க்கலாம்.

இந்தியாவில் இப்போது உள்ள டாப் டெலிகாம் நிறுவனங்கள் என்றால் அது ஏர்டெல் மற்றும் ஜியோ தான். இரு நிறுவனங்களும் நாட்டில் தனது மார்க்கெட்டை விரிவுபடுத்தவும் யூசர்களை பிடிக்கவும் பல்வேறு நடவடிக்கைகளை எடுத்து வருகிறது.

Airtel announced not only free OTT Subscription but also Google cloud storage for its users

ஏர்டெல் vs ஜியோ

டெலிகாம் நிறுவனங்கள் யூசர்களை ஈர்க்க பல்வேறு சலுகைகளை உடன் இணைத்து வழங்கி வருகிறது. அதாவது டெலிகாம் சேவைகளுடன் சேர்த்து ஓடிடி உள்ளிட்ட சலுகைகளை வாரி வழங்கி வருகிறது. ஜியோ வசம் ஜியோ ஹாட்ஸ்டார் இருப்பதால் அது அவர்களுக்குப் பெரிய வாய்ப்பை ஏற்படுத்தித் தந்துள்ளது.

ஏர்டெல்

இப்போது ஏர்டெல் நிறுவனம் ஜியோவுக்கு செக் வைக்கும் வகையில் இரண்டு முக்கியமான அறிவிப்புகளை வெளியிட்டுள்ளது. முதலில் ஏர்டெல் நிறுவனம் வெறும் ரூ.100க்கு ஓடிடி சலுகையை அறிவித்துள்ளது. அதாவது நீங்கள் ரூ.100க்கு ரீசார்ஜ் செய்தாலே உங்களால் ஓடிடி சலுகையைப் பெற முடியும். அதாவது உங்களுக்கு நீங்கள் ரூ.100க்கு ரீசார்ஜ் செய்தாலே போதும். உங்களுக்கு 5 ஜிபி டேட்டா ஒரு மாத வெலிடிட்டி உடன் கிடைக்கும்.

அத்துடன் 30 நாட்களுக்கு ஜியோ ஹாட்ஸ்டார் மொபைல் சப்ஸ்கிரிப்ஷன் என்பதே இதன் சிறப்பம்சம். இப்போது ஐபிஎல் தொடர் இறுதிக்கட்டத்தை எட்டியுள்ள நிலையில், அதை பார்த்து ரசிக்க இந்த பிளான் நிச்சயம் கை கொடுக்கும்.

ஸ்டோரேஜ் பிரச்சினை

இதை விட முக்கியமாக இன்னொரு அறிவிப்பை ஏர்டெல் வெளியிட்டுள்ளது. இப்போது நம்மில் பெரும்பாலானோருக்கு டேட்டாவை விட ஸ்டோரேஜ் தீர்வது தான் பெரிய பிரச்சினை. மொபைலில் என்ன தான் 128 ஜிபி, 256 ஜிபி ஸ்டோரேஜ் இருந்தாலும் கூட அவை ஈஸியாக காலியாகிவிடுகிறது. போகும் இடமெல்லாம் நாம் இஷ்டத்திற்குப் போட்டோ, வீடியோக்களை எடுப்பதே இதற்குப் பிரதான காரணம்! ஸ்டோரேஜ் பிரச்சினையை நிச்சயம் நம்மில் பலரும் எதிர்கொண்டு இருப்போம்.

கிளவுட் ஸ்டோரேஜ்

இந்த சிக்கலுக்குத் தீர்வு காணும் வகையில் ஏர்டெல் நிறுவனம் கூகுள் நிறுவனத்துடன் கை கோர்த்து இருக்கிறது. இதன் மூலம் ஏர்டெல் யூசர்கள் கூகுள் கிளவுட் சேவையை இலவசமாகப் பயன்படுத்திக் கொள்ளலாம். 6 மாதங்களுக்கு 100 ஜிபி வரை கிளவுட் ஸ்டோரேஜ் பயன்படுத்தலாம். ஸ்டோரேஜ் இல்லாமல் பலரும் சிரமப்படும் நிலையில், அவர்களுக்கு இது பேருதவியாக இருக்கும்.

அது ஓகே, என்ன ரீசார்ஜ் செய்தால் இந்த ஸ்டோரேஜ் சலுகையைப் பெறலாம் என நீங்கள் கேட்கலாம். போஸ்ட் பெய்ட் மற்றும் ஏர்டெல் வை-பை சேவையைப் பயன்படுத்துவோருக்கு இந்த கூகுள் கிளவுட் சேவை இலவசமாகக் கிடைக்கும் எனத் தெரிவிக்கப்பட்டுள்ளது. மேலும், இதை அதிகபட்சம் 5 பேர் வரை ஷேர் செய்தும் பயன்படுத்திக் கொள்ளலாம் எனத் தெரிவிக்கப்பட்டுள்ளது.

அதேநேரம் ப்ரீபெய்ட் வாடிக்கையாளர்களுக்கு இந்த சலுகை எப்போது கிடைக்கும் என்பது குறித்து எந்தவொரு தகவலும் வெளியாகவில்லை. ஏர்டெல் இப்போது கூகுள் ஸ்டோரேஜ்ஜை இலவசமாக வழங்கும் நிலையில், ஜியோவும் விரைவில் இதுபோல கூகுள் கிளவுட் ஸ்டோரேஜ்ஜை இலவசமாக வழங்கும் என எதிர்பார்க்கப்படுகிறது.