அட இது யார் பார்த்த வேலை.. மீண்டும் கில்லி முத்துப்பாண்டியின் காதல்.. திரிஷாவின் சிறப்பான செயல்
சென்னை:"செல்லம் ஐ லவ் யூ" இந்த டயலாக்கை தமிழ் சினிமா ரசிகர்கள் அவ்வளவு எளிதில் மறந்து விட முடியாது.
முத்துப்பாண்டியாக பிரகாஷ் ராஜ் கில்லி படத்தில் தெறிக்கவிட்ட இந்த வசனம் இன்றளவும் கேட்டவுடன் மக்கள் முகத்தில் சின்ன புன்னகையை வர வைக்கும் அளவிற்கு எவர்கிரீன் வசனமாக உள்ளது.
இந்த டயலாக்கை தனது ட்விட்டர் பக்கத்தில் சமீபத்தில் தாம் நடித்த திருச்சிற்றம்பலம் படத்தை வைத்து எடிட் செய்யப்பட்ட வீடியோவோடு பதிவிட்டுள்ளார் பிரகாஷ்ராஜ். திரிஷாவும் அதனை ரீட்விட் செய்தது தான் ஹைலைட்டே..!!!
மறக்க முடியாத கில்லி
விஜயை ஒரு முழு நேர ஆக்சன் ஹீரோவாக மாற்றி அவரது கேரியரை உச்சத்திற்கு கொண்டு சென்ற படம் கில்லி. படம் மட்டுமல்ல படத்தில் உள்ள பாட்டுகளும் பட்டி தொட்டி எங்கும் மிகப்பெரிய ஹிட் ஆனது. ஹீரோயினாக அந்த நேரத்தில் வளர்ந்து வந்த திரிஷாவிற்கும் இந்த படம் திருப்புமுனையாக அமைந்தது. படத்தில் 'அப்படி போடு' பாடலில் திரிஷா ஆடிய டான்ஸை பார்த்து தமிழ்நாடே அப்ப சொக்கி போனது. தில், தூள் என்று இரண்டு மெகா ஹிட் படத்தை கொடுத்த இயக்குனர் தரணிக்கு கில்லி படம் ஹட்ரிக் வெற்றியாய் அமைந்திருந்தது.
பிரகாஷ் ராஜின் பிரமாதமான பெர்பாமன்ஸ்
அஜித்தின் ஆசை படத்தில் சாஃப்ட்டான பிளேபாயாக வில்லத்தனம் செய்திருந்த பிரகாஷ்ராஜ், இந்தப் படத்தில் மதுரை முத்து பாண்டியாக முரட்டு காதலனாக அவதாரம் எடுத்திருந்தார். பிரகாஷ் ராஜை சிறந்த வில்லன் நடிகராக காட்டிய திரைப்படம் கில்லி. அந்த படத்தில் அவர் பேசிய வசனங்களும் பிரகாஷ்ராஜின் மேனரிசமும் என்றும் மறக்க முடியாத வகையாக இருந்து வருகிறது.
தனுஷின் அப்பாவாக பிரகாஷ்ராஜ்
கில்லி படம் வெளிவந்து 18 ஆண்டுகள் முடிவடைந்து விட்டது. அதன் பிறகு வில்லனாகவும், குணச்சித்திர நடிகராகவும் பல உச்சத்தை தொட்டுவிட்டார் பிரகாஷ்ராஜ். திரிஷாவும் இன்று வரை முன்னணி கதாநாயகியாக பொன்னியின் செல்வன் படம் வரை நடித்திருக்கிறார். சமீபத்தில் தனுஷ் நடிப்பில் வெளியான திருச்சிற்றம்பலம் படத்தில் தனுஷின் அப்பாவாக பிரகாஷ்ராஜ் நடித்திருந்தார். இந்தப் படத்தில் அவரது மனைவியாக ரேவதியும் நடித்திருந்தார். படத்தின் ஒரு சீனில் பிரகாஷ்ராஜ் இறந்து போன தனது மனைவி ரேவதியை நினைத்து பீல் பண்ணுவது போல் ஒரு காட்சி இருக்கும்.
தரமான வீடியோ எடிட்டிங்
பிரகாஷ் ராஜ் திருச்சிற்றம்பலம் படத்தில் தனது இறந்து போன மனைவியை நினைத்து பீல் பண்ணும் காட்சியையும்,18 ஆண்டுகளுக்கு முன்பு வெளிவந்த கில்லி படத்தில் திரிஷாவை லவ் டார்ச்சர் செய்வதையும் வைத்து நமது மீம்ஸ்கிரியேட்டர்கள் அருமையாக ஒரு வீடியோ எடிட் செய்து சமூகவளைதளங்களில் பரவ விட்டுள்ளனர். பார்ப்பதற்கு ஒரிஜினல் ஆகவும் நகைச்சுவையாக இருக்கும் இந்த வீடியோவை பிரகாஷ்ராஜ் தனது ட்விட்டர் பக்கத்தில் ஷேர் செய்துள்ளார். இதைப் பார்த்த திரிஷாவும் லவ் ஃபெயிலியர் ஆன தனது மாமா முத்துப்பாண்டியை எண்ணி சிரித்தபடி ரீட்வீட் செய்துள்ளார்.
Click it and Unblock the Notifications
Sign in with Google