பாண்டியன் ஸ்டோர்ஸ் ஸ்டாலின் என் தம்பி தான்! ரத்த சொந்தம்.. ஆனால், நடிகை தேவி பிரியா எமோஷனல்

சென்னை: நடிகை தேவி பிரியா பல சீரியல்களில் வில்லியாகவும், குணச்சித்திர வேடங்களிலும் நடித்திருக்கிறார். சீரியலில் மட்டுமல்லாமல் பல திரைப்படங்களிலும் நடித்திருக்கிறார். அவர் சமீபத்தில் ஒரு பேட்டியில் பேசும் போது தன்னுடைய சகோதரர் குறித்து பேசி இருந்தார். அவருடைய சகோதரர் வேறு யாருமில்லை விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் பாண்டியன் கேரக்டரில் நடித்துக் கொண்டிருக்கும் நடிகர் ஸ்டாலின் தானாம், அவர் குறித்து எமோஷனலாக தேவி பிரியா பேசிய பேட்டி இணையத்தில் வைரல் ஆகி வருகிறது.

90ஸ் கிட்ஸ்களில் மறக்க முடியாத வில்லி என்றால் நடிகை தேவி பிரியா தான். காரணம் அந்த நேரத்தில் சீரியல் கொஞ்சம் கொஞ்சமாக மக்களை ஆட்கொண்டிருந்தது. அந்த சமயத்தில் சிறுவர்கள் முதல் பெரியவர்கள் வரை எல்லோரும் டிவி முன்னாடி தான் தஞ்சம் அடைந்து கொண்டு இருந்தார்கள். அப்போது எந்த சேனலை மாற்றினாலும் அதில் தேவி பிரியா தான் வில்லியாகவும், அன்பான கேரக்டரிலும் நடித்து கலக்கி கொண்டு இருந்தார்.

தேவி பிரியாவின் நடிப்பு

இப்போது அதிகமாக சீரியலில் நடிக்கவில்லை என்றாலும் ஒரு சில சீரியல்களில் நடித்துக் கொண்டு, வெள்ளித்திரை கதாநாயகிகளுக்கு டப்பிங் ஆர்டிஸ்ட் ஆகவும் பணியாற்றிக் கொண்டிருக்கிறார். இவர் வில்லியாக நடிக்கும் போது கோபத்தையும் வெறுப்பையும் இயல்பான தனது கண்ணிலேயே கொண்டு வந்து மிரட்டுவார். அவருடைய கண்ணழகை புகழாத ரசிகர்களே இல்லை என்று சொல்லலாம். அந்த அளவிற்கு இவருடைய கண்கள் ரசிகர்களை வசியம் பண்ணி வைத்திருந்தது.

முதல் சீரியல்

அது மட்டுமல்லாமல் உதட்டுக்கு மேலே செயற்கையாக இவர் வைக்கும் சின்ன மச்சான் கூட இவருக்கு செம அழகு தான். சன் டிவியில் நடிகை பானுப்பிரியாவின் நடிப்பில் வெளியான சத்தி சீரியலில் தான் இவர் அறிமுகமானார். முதல் சீரியலிலேயே தன்னுடைய திறமையை நன்கு வெளிப்படுத்தி ரசிகர்களின் நன்மதிப்பை பெற்று விட்டார். அதற்கு பிறகு பாரதிராஜாவின் சீரியலில் நடித்து மேலும் பிரபலமானார்.

போலீஸ் கேரக்டர்

குணசித்திர வேடங்களில் மட்டுமல்லாமல் பெண் போலீஸ் கேரக்டரிலும் நடித்து இருக்கிறார். குழந்தை பருவத்திலிருந்து இவருக்கு போலீஸ் ஆகணும் என்பதுதான் இவருடைய ஆசையாம். ஆனால் அந்த நேரத்தில் இவரால் பன்னிரண்டாம் வகுப்புக்கு மேலே படிக்க முடியாத சூழல் இருந்திருக்கிறது. இருந்தாலும் தொலைதூர கல்வியில் பி ஏ இங்கிலீஷ் படித்து முடித்து இருக்கிறார். இதனால் பல சீரியலில் இவர் போலீஸ் கேரக்டரில் நடித்திருக்கிறார்.

தேவி பிரியா பேட்டி

தேவி பிரியாவிற்கு போல்டான கேரக்டர் மட்டுமல்லாமல் காமெடியான கேரக்டரும் கச்சிதமாக பொருந்திவிடும். ஒரு கேரக்டர் கிடைத்துவிட்டால் அந்த கேரக்டராகவே மாறிவிடும் நபர்களில் இவரும் ஒருவர். அதனாலேயே இவர் நடிக்கும் கேரக்டரின் பெயர் சொல்லியே மக்களும் இவரை கூப்பிடுகிறார்கள். அதையே இவரும் சந்தோஷமாக ஏற்றுக் கொள்வாராம். தன்னுடைய நடிப்புக்கு கிடைக்கும் அங்கீகாரம் தான் அது என்று பல இடங்களில் தேவி பிரியா பேசியிருக்கிறார்.

தேவி பிரியா பற்றிய சர்ச்சை

சில வருடங்களுக்கு முன்பு இவர் பற்றி சில சர்ச்சைகளும், வதந்திகளும் பரவி வந்தது. ஆனாலும் தேவிப்பிரியா தொடர்ந்து தன்னுடைய தன்னம்பிக்கையால் சீரியலில், சினிமாவிலும் பிஸியாக நடித்துக் கொண்டிருக்கிறார். இந்த நிலையில் சமீபத்தில் ஒரு நிகழ்ச்சியில் தன்னுடைய சகோதரர் குறித்து பேசி இருந்தார். அவருடைய சகோதரர் வேறு யாரும் இல்லை விஜய் டிவியில் ஒளிபரப்பாகி வரும் பாண்டியன் ஸ்டோர்ஸ் சீரியலில் பாண்டியனாக நடித்த கொண்டிருக்கும் ஸ்டாலின் தான்.

நடிகை தேவிபிரியாவின் தம்பி

ஸ்டாலின் இவருடைய சொந்த தம்பி தான். ஆனால் இவருடைய கூட பிறந்த தம்பி கிடையாதாம். இது பற்றி தேவி பிரியா பேசும் போது, ஸ்டாலின் சித்தப்பா, பெரியப்பா முறையில் எனக்கு தம்பி. ரத்த சொந்தம் என்றாலும் இருவரும் அடிக்கடி சந்தித்துக் கொள்வதே கிடையாது. ஆனால் போன் செய்து மணி கணக்கில் பேசிக்கொள்வோம், என்னுடைய தம்பி என் பக்கத்தில் இருந்தால் எனக்கு நேரம் போவதே தெரியாது. அவனுக்கும் அப்படித்தான் சொல்லுவான். நான் பக்கத்தில் இருந்தால் ஏதாவது புரணி பேசிக் கொண்டிருப்போம். எங்கள் இருவருக்கும் நல்ல பாசம் இருக்கிறது என்று நடிகர் ஸ்டாலின் குறித்து நெகிழ்ச்சியாக தேவி பிரியா பேசியிருக்கிறார்.

English summary

Devi Priya, known for her roles as a villain and character artist in various TV serials and films, recently shared emotional insights about her brother in a viral interview. She revealed that her brother is none other than actor Stalin, who plays the character Pandian in the popular Vijay TV serial Pandian Stores. Her heartfelt words about their bond have touched many fans online.