கையில் குழந்தை.. உடல் எடை குறைந்து, ஆளே அடையாளம் தெரியாத அளவிற்கு மாறிய பவித்ரா லட்சுமி
சென்னை: நடிகை பவித்ரா லட்சுமி கையில் குழந்தையோடு இருக்கும் புகைப்படம் மற்றும் வீடியோக்கள் இணையத்தில் வைரலாகி வருகிறது. அதில் நடிகர் ஒருவரின் குழந்தையை பவித்ரா லட்சுமி கையில் வைத்திருக்கும் நிலையில் பவித்ரா உடல் எடை குறைந்து இருப்பது பற்றி பலரும் கேள்வி எழுப்பி வருகிறார்கள்.
பவித்ரா லட்சுமி சின்னத்திரை ரசிகர்களுக்கு மட்டுமல்லாமல் சோசியல் மீடியா ரசிகர்களுக்கும் நன்கு பரீட்சையமானவர்தான். அவருடைய க்யூட்டான அழகுக்கு முன்பு ரசிகர்களும் கண்களுக்கு எதுவுமே பெரிதாக தெரியவில்லை என்று அவருடைய போஸ்டர்களுக்கு ரசிகர்கள் கவிதைகளை கொட்டி வருவதை பார்க்க முடிகிறது.
ஆரம்ப காலம்
பவித்ரா லட்சுமி உயரத்தில் சிறியவராக இருந்தாலும் என்னுடைய திறமை பெரியது என்று நிரூபித்து வருகிறார். பொதுவாக பெண்கள் என்றாலே குட்டையாக இருந்தால் பேரழகி என்று பலர் வர்ணிப்பார்கள். காரணம் குட்டையாக இருப்பவர்களுக்கு சீக்கிரத்தில் வயது தெரியாது, அவர்கள் இளமையாக தான் எப்போதும் இருக்கிறார்கள் என்ற ஒரு கருத்து மக்கள் மத்தியில் இருக்கிறது. அது பவித்ரா விஷயத்தில் உண்மை என்று பலரும் கூறி இருக்கிறார்கள்.
சினிமாவில் அறிமுகம்
பவித்ரா மாடலிங்கில் காலடி எடுத்து வைத்து அழகு போட்டிகளிலும் பங்கேற்று இருக்கிறார். அதிலும் 2016 ஆம் ஆண்டு மெட்ராஸ் ராணி என்னும் பட்டத்தை பெற்றிருக்கிறார். அதுமட்டுமல்லாமல் தமிழ்நாட்டில் இருக்கும் கோயம்புத்தூர் தான் இவருடைய சொந்த ஊர். தமிழ் பெண்களும் நடிப்பில் சளைத்தவர் அல்ல என்று பவித்ரா லட்சுமி நிரூபித்துக் கொண்டிருக்கிறார். அதுபோல இவர் டைம் என்ன பாஸ் என்ற திரைப்படத்தின் மூலமாகத்தான் சினிமாவில் காலடி எடுத்து வைத்திருந்தார்.
அம்மாவின் இழப்பு
அதுபோல பல ஷார்ட் பிலிம்களிலும் நடித்து இளைஞர்களின் ஃபேவரைட் ஹீரோயினாக வலம் வந்தார். பவித்ரா படங்களில் நடித்து பிரபலமானதை விடவும் விஜய் டிவியில் குக் வித் கோமாளி நிகழ்ச்சியின் மூலம் பிரபலமாகிவிட்டார். பவித்ராவின் சின்ன வயதிலேயே அவருடைய அப்பா இறந்துவிட்டார். ஆனாலும் அவருடைய அம்மாவின் அரவணைப்போடு வளர்ந்த நிலையில் கடந்த வருடத்தில் அவருடைய அம்மா காலமான செய்தி அவருடைய ரசிகர்களை வருத்தம் அடைய செய்து வைத்திருந்தது.
வாக்குவாதம்
இத்தனை நாட்களாக துணையாக இருந்த ஒரே உறவும் இன்றி பவித்ரா தனியாக தவித்து வருவது குறித்து பலரும் அவருக்கு ஆறுதல் கூறி வந்தனர். பவித்ரா அவருடைய உறவினர்கள் மற்றும் நண்பர்களோடு அடிக்கடி புகைப்படங்கள் மற்றும் வீடியோக்கள் எடுத்து வெளியிட்டு வருகிறார். சமீபத்தில் கூட அவர் வீட்டில் வளர்த்து வரும் நாய் தனியார் நிறுவனம் ஒன்றில் கவனிக்க விடப்பட்டிருந்த போது நாய்க்கு ட்ரிம்மர் போடும் போது காயம் ஏற்பட்டிருக்கிறது. அதனால் அந்த ட்ரெயினருடன் பவித்ரா வாக்குவாதத்தில் ஈடுபட்ட வீடியோவை தன்னுடைய சோஷியல் மீடியா பக்கத்தில் பகிர்ந்து இருந்தார். இது வைரல் ஆகி வருகிறது.
பவித்ராவின் போட்டோஸ்
அதைத்தொடர்ந்து இப்போது பவித்ரா கையில் குழந்தையோடு இருக்கும் புகைப்படங்களும் சோஷியல் மீடியாவில் வைரலாகி வருகிறது. அது நடிகர் ரியாஸ் என்பவரின் குழந்தையாம். அவருக்கு இரட்டை குழந்தைகள் பிறந்திருக்கும் நிலையில் குழந்தையை பார்ப்பதற்காக மருத்துவமனைக்கு சென்று இருந்த பவித்ரா அந்த குழந்தையை கொஞ்சி விளையாடியிருக்கிறார்.
ரசிகர்களின் அட்வைஸ்
ஆனால் பவித்ரா உடல் எடை குறைந்து இருப்பதை பார்த்ததும் ரசிகர்கள் பவித்ராவுக்கு என்ன ஆச்சு ஏன் இப்படி உடல் எடை குறைந்துவிட்டார் என்று கமெண்ட் போட்டு வருகிறார்கள். அதோடு பவித்ரா உடல்நிலையை கவனித்துக் கொள்ள வேண்டும் என்பது பலருடைய உரிமையான அட்வைஸ் ஆக இருக்கிறது.
Click it and Unblock the Notifications
Sign in with Google