Coolie vs war2 box office: கூலிக்கு அதிர்ச்சி கொடுத்த வார் 2! 7வது நாள் வசூல் நிலவரம்! இத்தனை கோடி வித்தியாசம்

சென்னை: நடிகர் ரஜினிகாந்த் நடிப்பில் வெளியான 'கூலி' திரைப்படமும், ஹிருத்திக் ரோஷன் மற்றும் ஜூனியர் என்.டி.ஆர். நடிப்பில் வெளியான 'வார் 2' திரைப்படமும் ஒரே நேரத்தில் வெளியாகி திரையரங்குகளில் மோதிக்கொண்டன. இரண்டு படங்களும் முதல் வாரத்தை வெற்றிகரமாக முடித்துள்ள நிலையில், அவற்றின் ஏழாவது நாள் வசூல் குறித்த தகவல்கள் வெளியாகி உள்ளன.

வார் 2 பட வசூல்

இயக்குநர் அயன் முகர்ஜி இயக்கத்தில் வெளியான 'வார் 2' திரைப்படம், இந்தியாவில் முதல் நாளில் ₹52 கோடி வசூல் ஈட்டியது. இரண்டாம் நாளில், அதன் வசூல் 11.25% அதிகரித்து, ஒரு நல்ல தொடக்கத்தைக் கொடுத்தது. ஆனால், சனிக்கிழமை முதல் படத்தின் வருமானம் கணிசமாக குறைந்தது. ஏழாவது நாளில், இப்படம் வெறும் ₹5.50 கோடி மட்டுமே வசூலித்து, அதன் முதல் வார வசூலை இந்தியாவில் ₹199 கோடியாக முடித்தது. 'வார் 2' படத்திற்கு ரசிகர்களிடமிருந்து கிடைத்த வரவேற்பு குறைவாக இருந்ததால், தெலுங்கில் இப்படத்தின் விநியோகஸ்தரான நாக வம்சி, நஷ்டத்தை ஈடுகட்ட தனது சொத்துக்களை விற்கப் போவதாக வதந்திகள் பரவின. ஆனால், அவர் அந்த வதந்திகளை மறுத்துள்ளார்.

கூலியின் வசூல் நிலவரம்

'கேஜிஎஃப் 2', 'பதான்', 'ஜவான்' போன்ற படங்கள் வார நாட்களிலும் தொடர்ந்து நல்ல வசூலை ஈட்டி ₹1000 கோடி சாதனையை எட்டின. ஆனால் ரஜினிகாந்த், அமீர் கான், நாகார்ஜுனா போன்ற பல நட்சத்திரங்கள் நடித்த 'கூலி' திரைப்படம் முதல் நான்கு நாட்களில் பெரிய வசூலைக் குவித்தாலும் வார நாட்களில் சற்று திணறி வருகிறது.

கூலி பட வசூல் ₹464.5 கோடி

ரஜினிகாந்த் நடிப்பில் வெளியான 'கூலி' திரைப்படம், முதல் நாளில் ₹65 கோடி வசூல் ஈட்டி, சிறந்த தொடக்கத்தை அளித்தது. ஆனால், இரண்டாம் நாளில் இருந்து படத்தின் வசூல் கணிசமாக சரிந்தது. இருப்பினும், திங்கட்கிழமைக்குள் ₹200 கோடியை எட்டியது. ஏழாவது நாளில், இப்படம்
Sacnilk இணையதளத்தின் தகவலின்படி 'கூலி' திரைப்படம் 7வது நாளில் இந்தியாவில் ஒட்டுமொத்தமாக வெறும் ₹6.5 கோடி மட்டுமே வசூலித்துள்ளது. மொத்தமாக இந்தியாவில் இதன் வசூல் ₹222.5 கோடியாக உள்ளது. ஆனால் உலகளவில் படம் ₹464.5 கோடி வசூல் ஈட்டியிருப்பதாக கூறப்படுகிறது. இது இந்தியாவை விட வெளிநாடுகளில் ரஜினியின் செல்வாக்கு அதிகம் என்பதை காட்டுகிறது.

உலகளாவிய வெற்றி

'லியோ' திரைப்படம் 7 நாட்களில் உலகளவில் ₹461 கோடி வசூல் செய்திருந்த நிலையில், 'கூலி' திரைப்படம் இதுவரை ₹464.5 கோடி வசூல் ஈட்டியிருப்பதாக தகவல்கள் கூறுகின்றன. இது இந்தியாவில் குறைவான வசூல் இருந்தாலும், வெளிநாடுகளில் ரஜினியின் செல்வாக்கு அதிகம் என்பதை காட்டுகிறது.

சவால்களை சந்திக்கும் கூலி

'கூலி' திரைப்படம் அதிகமான வன்முறைக் காட்சிகள் காரணமாக தணிக்கைக் குழுவால் 'ஏ' சான்றிதழ் பெற்றது. இதனால் தயாரிப்பு நிறுவனமான சன் பிக்சர்ஸ், 'யு/ஏ' சான்றிதழ் வழங்கக் கோரி சென்னை உயர்நீதிமன்றத்தில் மனு தாக்கல் செய்துள்ளது. சன் பிக்சர்ஸ் நிறுவனம், 'கூலி' படத்தில் உள்ள அதிரடி காட்சிகள், 'கேஜிஎஃப்' மற்றும் 'பீஸ்ட்' போன்ற படங்களுக்கு 'யு/ஏ' சான்றிதழ் வழங்கப்பட்டதைப்போல, நியாயமற்ற முறையில் 'ஏ' சான்றிதழ் பெற்றிருப்பதாக வாதிட்டுள்ளது.

போலி வசூல் குற்றச்சாட்டுகள்

'கூலி' படத்தின் வசூல் போலி என்று சமூக வலைதளங்களில் விமர்சனம் செய்யப்பட்டு வருகிறது. சிலர் 'லியோ' படத்தின் வசூலையே போலி என்று கூறி வரும் நிலையில் 'கூலி' வசூல் அதனை விட மோசமாக இருக்கும் என கூறி வருகின்றனர். அதேபோல இந்த ஆண்டு வெளியான 'கேம் சேஞ்சர்' பட வசூலைப் போல 'கூலி' படத்திற்கும் போலி போஸ்டர்கள் வெளியிடப்படுவதாகவும் சிலர் விமர்சனம் செய்து வருகின்றனர்.

ரசிகர்கள் 'கூலி' படத்தின் ஒரு வார வசூல் அறிவிப்பை சன் பிக்சர்ஸ் நிறுவனம் இன்று வெளியிடும் என எதிர்பார்க்கின்றனர்.

English summary

Coolie vs war2 box office: Rajinikanth’s Coolie and Hrithik Roshan–Jr. NTR starrer War 2 released simultaneously, leading to a major box office clash. War 2, directed by Ayan Mukerji, had a strong ₹52 crore opening but witnessed a steady drop in collections, earning ₹199 crore in India by the end of its first week. On the other hand, Coolie opened bigger with ₹65 crore on Day 1 but also saw declining weekday collections, managing ₹222.5 crore in India and an impressive ₹464.5 crore globally in seven days. Despite lower domestic earnings, Rajinikanth’s international fanbase boosted the film’s worldwide success. However, Coolie faces challenges due to its “A” certificate from the censor board, limiting family audiences. Sun Pictures has approached the Chennai High Court seeking a U/A certificate, arguing that similar high-action films like KGF and Beast were granted U/A ratings.