Dhanush: உங்களை விட என் மகன் ஒரு படி மேலே வருவான்! நடிகரின் அம்மா சொன்ன வார்த்தை! தனுஷ் கலங்கி போயிட்டாரே!
சென்னை: நடிகர் தனுஷ் தான் இயக்கி நடித்திருக்கும் இட்லி கடை படத்தை பல்வேறு நகரங்களில் படக்குழுவுடன் சேர்ந்து விளம்பரம் செய்து வருகிறார். சமீபத்தில் மதுரையில் நடந்த நிகழ்ச்சி, வெறும் திரைப்பட விழா என்பதைத் தாண்டி, உணர்ச்சிப்பூர்வமான தருணங்களால் நிறைந்து இருந்தது. அந்த மேடையில், படத்தின் குழந்தை நட்சத்திரமான தீகன்னின் அம்மா பேசிய வார்த்தைகளைக் கேட்டு, தனுஷ் கண்கலங்கிப் போனார்.
நடிகரின் அம்மாவின் உருக்கமான பேச்சு
மதுரை விழாவில் மேடைக்கு வந்த குழந்தை நட்சத்திரம் தீகன்-இன் அம்மா, மிகுந்த உணர்ச்சிவசப்பட்டுப் பேசினார். "நான் இருந்தாலும் இல்லாவிட்டாலும் நீ எப்பொழுதும் தனுஷ் சாருக்கு விஸ்வாசமாக இருக்கணும். அதை ஞாபகம் வச்சுக்கோ" என்று அவர் தன் மகனுக்கு அறிவுரை சொன்னார். பிறகு, "நீ எத்தனை படங்களில் நடித்திருந்தாலும் இந்தப் படம்தான்டா எனக்கு ரொம்பப் பெருமை" என்று தன் மகிழ்ச்சியைத் தெரிவித்தார்.
அவர் தொடர்ந்து பேசியபோது, "என் பையன் கண்டிப்பாக பெரிய ஹீரோவாக ஆவான் சார். உங்களுக்கு இருப்பது போன்று என் பையனுக்கு ஒரு கூட்டம் இருக்கு. என் வயிற்றில் இருக்கும்போதே உங்களைத்தான் நினைச்சேன். நான் அப்படி பிள்ளை பெத்தேன். என் பையனை பாருங்களேன் அப்படித்தான் இருப்பான். அதனால் தனுஷ் சாரை விட ஒருபடி என் பையன் மேலே வருவான்" என்று அவர் பேசியபோது, தனுஷ் சந்தோஷமாகக் கைதட்டிப் புன்னகைத்தார். இறுதியாக, "நாங்க உங்களுக்கு ஒவ்வொரு நிமிஷமும் உண்மையாக இருப்போம் சார்" என்று அவர் நெகிழ்ச்சியுடன் பேசியதைக் கேட்ட தனுஷின் கண்களில் கண்ணீர் திரண்டது.
தனுஷ் உதவியாளர் பேச்சு
திரைப்பட உலகில் துரோகமும், விசுவாசமும் இயல்பானவை. இட்லி கடை படத்தின் இசை வெளியீட்டு விழாவில், இசையமைப்பாளர் ஜி.வி. பிரகாஷ் குமார், தனுஷுக்குத் துரோகம் செய்த அந்த நான்கு பேரின் பெயர் கொண்ட பட்டியலில் தான் ஒருபோதும் சேர மாட்டேன் என்று பேசியிருந்தார். இந்த நிலையில், தீகனின் அம்மா விசுவாசம் பற்றிப் பேசியது, மீண்டும் அந்த நான்கு பேர் பற்றிய விமர்சனங்களை சமூக வலைத்தளங்களில் தூண்டிவிட்டுள்ளது.
உண்மையில், தனுஷ் ஒரு கலைஞனாக மட்டுமல்லாமல், பலருக்கும் உதவி செய்யும் ஒரு நல்ல மனிதராகவும் இருக்கிறார். அவர் செய்த உதவிகள் பலவும் வெளியில் சொல்லப்படுவதில்லை. பல சினிமா கலைஞர்கள், தொழில்நுட்ப வல்லுநர்கள் மற்றும் புதிய திறமையாளர்கள் எனப் பலருக்கும் அவர் ரகசியமாக உதவி செய்திருக்கிறார். அவரது படக் குழுவில் உள்ளவர்களின் குடும்பத் தேவைகளுக்கு உதவுவது, சிலரின் மருத்துவச் செலவுகளை ஏற்பது எனப் பல உதவிகளை அவர் அமைதியாகச் செய்துள்ளார். அதனால் தான் திரையுலகினர் பலரும் தனுஷ் மீது மிகுந்த மரியாதை வைத்திருக்கிறார்கள்.
இட்லி கடையும் தனுஷின் புதிய திட்டமும்
இட்லி கடை படத்தின் டிரெய்லர் வெளியானதும், ரசிகர்கள் மத்தியில் நல்ல வரவேற்பு கிடைத்தது. "தனுஷ் தம்பி படம் நல்லா இருக்கும் போலயே, நாமும் தியேட்டருக்குப் போகலாம்" என்று குடும்ப ஆடியன்ஸ் முடிவு செய்திருப்பது படத்துக்கு ஒரு பிளஸ் பாயிண்டாக அமைந்துள்ளது. இட்லி கடையை தன் வொண்டர்பார் ஃபிலிம்ஸ் நிறுவனம் மூலம் தயாரித்திருக்கும் தனுஷ், இட்லி கடையை பெரிய அளவில் விளம்பரம் செய்தால் அது வசூலாக மாறும் என்று நினைக்கிறார். இந்த நம்பிக்கையுடன் பல நகரங்களுக்கும் சென்று ரசிகர்களை நேரில் சந்தித்து ஆதரவு திரட்டி வருகிறார்.
மேலும், துணை முதல்வர் உதயநிதி ஸ்டாலினின் மகன் இன்பன், தனது ரெட் ஜெயண்ட் மூவீஸ் நிறுவனம் மூலம் இந்தப் படத்தை விநியோகம் செய்திருக்கிறார் என்பதும் குறிப்பிடத்தக்கது. ஒட்டுமொத்தத்தில், இட்லி கடையின் வெற்றி, தனுஷின் நடிப்புக்கும், அவரது தயாரிப்புத் திறனுக்கும், மேலும் அவரின் மனித நேயத்துக்கும் கிடைத்த அங்கீகாரமாக இருக்கும் என்று எதிர்பார்க்கலாம்.
Click it and Unblock the Notifications
Sign in with Google