"மூளையே இல்லாத மாதிரி பேசுனாரு!" சர்ச்சைக்கு கிழித்தெறிந்த கெளரி கிஷன்! '96' குட்டி ஜானுவின் ஆவேசம்!

Updated: Monday, November 3, 2025, 18:27 [IST]

Subscribe to Oneindia Tamil

சென்னை: 'குட்டி ஜானு'ன்னு கொஞ்சப்பட்ட நடிகை கெளரி கிஷன் ஒரு சாதாரணக் கேள்விக்காக இவ்வளவு டென்ஷனா ஆகியிருக்காங்கன்னா, அதுக்குப் பின்னால ஒரு நியாயம் இருக்கத்தான் செய்யுது. நடிகர்கள்கிட்ட சிலர் கேட்கிற கேள்விகள்ல இப்போ நடந்த ஒரு சம்பவம் தான், கெளரி கிஷனைப் பொது மேடையிலயே கொந்தளிக்க வெச்சிருக்கு!

யார் இந்த கெளரி கிஷன்

கெளரி கிஷன் பற்றி சொல்லணும்னா, இவரை 2018ல வெளியான '96' படத்துல, இளவயது ஜானுவாப் பார்த்தவுடனே நம்ம எல்லாரோட மனசையும் கொள்ளை அடிச்சுட்டார். முதல் படத்திலேயே அவ்ளோ பெரிய ரீச் கிடைச்சது. அதைத் தொடர்ந்து, மலையாளத்துல 'மார்க்கமாளி', தெலுங்குல 'ஜானு'ன்னு பல மொழிகள்ல கலக்கினார். முக்கியமா, 2021ல தளபதி விஜய் நடிச்ச 'மாஸ்டர்' படத்துல ஒரு முக்கியமானக் கதாபாத்திரத்துல நடிச்சது, இவரோட சினிமா கரியருக்கு ஒரு பெரிய திருப்புமுனையா அமைஞ்சது.

அதர்ஸ் படமும், சர்ச்சைக் கேள்வியும்

கெளரி கிஷன் இப்போ அபின் ஹரிஹரன் இயக்கத்துல, 'அதர்ஸ்'ங்கிறப் படத்துல நடிச்சிருக்காங்க. இந்தப் படம், இப்போ இருக்கிற முக்கியமானப் பிரச்சனையான செயற்கைக் கருத்தரிப்புச் சிகிச்சையில நடக்கிற மோசடிகளை மையமா வைத்து உருவாகியிருக்கு. இந்தப் படத்துல ஆதித்யா மாதவன், அஞ்சு குரியன், முனிஸ்காந்த்ன்னுப் பெரியப் பட்டாளமே நடிச்சிருக்காங்க.

சமீபத்தில் இந்தப் படத்தோட பத்திரிகையாளர் சந்திப்புலதான் அந்தச் சலசலப்பானச் சம்பவம் நடந்துச்சு. படத்தின் கதாநாயகன் ஆதித்யா மாதவனிடம் ஒரு பத்திரிகையாளர் எழுப்பியக் கேள்விதான் பிரச்னைக்குக் காரணம்: "பாடல் காட்சியில் கதாநாயகி கெளரி கிஷனைத் தூக்கிச் சுற்றி வருகிறீர்களே? அவர் ரொம்ப 'வெயிட்'டா (உடல் எடையுடன்) இருந்தாரா?"

ஆதித்யாவின் பதில்

இந்தக் கேள்விக்குப் பதில் சொன்ன ஆதித்யா, "ரொம்ப 'வெயிட்'டா இல்லை. நான் ஏற்கனவே 'ஜிம்' உடலமைப்பு கொண்டவன். அதனால, அவரோட உடல் எடை எனக்குப் பெரிசாத் தெரியலை"ன்னு கூலாச் சொல்லிட்டார். அந்த நேரத்துல பெரிசாப் பேசப்படாத இந்தக் கேள்வி, அப்புறம் பூதாகரமா வெடிச்சிருக்கு. இது நடிகை கெளரி கிஷனுக்குப் பெரிய மன உளைச்சலைக் கொடுத்திருக்கு.

ஆவேச பேட்டி

ஒரு நேர்காணலில் இந்தப் பிரச்சனை பத்திக் கெளரி கிஷன் ஓப்பனாகப் பேசியிருக்காங்க.
"அந்தப் பத்திரிகையாளர் செஞ்சது ரொம்பத் தவறு. அவர் மூளையே இல்லாதவர் மாதிரிப் பேசியிருந்தாரு. நான் அவர் நம்பரை வாங்கிப் பேசலாம்னு நினைச்சேன். ஆனா, அது வெறும் ஆர்க்யூமென்ட்டாகத்தான் மாறுமே தவிர, அதனால அவர் மாறப் போறது இல்லை."

வேதனையின் உச்சம்

"அவர் ஏன் அந்தக் கேள்வியை கேட்டார் என்று தெரியலை"ன்னு கெளரி கிஷன் ரொம்பவும் வேதனையோட பதிவு செஞ்சிருக்காங்க. பொதுவா, நடிகைகள் கிட்ட அவங்களுடையத் தொழில் திறமையைப் பத்தி பேசுறதை விட்டுட்டு, உடல் எடை, அழகுன்னுப் பேசறது சரியில்லன்னு நிறையப் பேர் கமெண்ட் பண்ணிட்டு வராங்க. 'அதர்ஸ்' படம் வருகிற 7ஆம் தேதி ரிலீஸ் ஆகப் போற இந்த நேரத்துல, இந்தக் கேள்விக்குப் பதில் சொன்னதுக்காக ஆதித்யாவுக்குப் பாராட்டும், கேள்வி கேட்டவருக்குக் கண்டனமும் குவிஞ்சுட்டு இருக்கு!