வேல்டு ரெக்கார்ட்: மம்முட்டி,மோகன்லால் படத்திற்கு கிடைக்காத பெருமை..இளம் நடிகருக்கு குவியும் வாழ்த்து

Updated: Friday, January 7, 2022, 19:26 [IST]

Subscribe to Oneindia Tamil

சென்னை:நெட்பிளிக்ஸ் ஓடிடியில் வெளியான மின்னல் முரளி படம் மலையாளத் திரையுலகில் புதிய சாதனையை நிகழ்த்தி இருக்கிறது.

மலையாளத் திரையுலகின் மன்னர்களான மம்முட்டி, மோகன்லால் படத்திற்கு கிடைக்காத இந்த பெருமை இளம் நடிகர் டொவினோ தாமஸின் திரைப்படத்திற்கு கிடைத்திருப்பது அனைவரையும் ஆச்சரியத்தில் ஆழ்த்தியுள்ளது.

பாசிட்டிவான விமர்சனங்கள்

கடந்த ஆண்டு டிசம்பர் மாதம் பிரபல மலையாள இளம் நடிகர் டொவினோ தாமஸ் நடிப்பில் வெளிவந்த மின்னல் முரளி திரைப்படம், வெளி வந்ததிலிருந்து பாசிட்டிவான விமர்சனங்களையே பெற்று வந்தது. பல செலிபிரிட்டிகளும் படத்தையும் படத்தின் ஹீரோவையும் புகழ்ந்து தங்கள் சமூக வலைதள பக்கங்களில் கருத்துக்களை ஷேர் செய்திருந்தனர்.

அனைவரையும் கவரும் படம்

சூப்பர் ஹீரோ கதையில் டொவினோ தாமஸ் சிறப்பாக நடித்து இருப்பதாகவும் குழந்தைகள் முதல் பெரியவர் வரை அனைவரையும் கவரும் விதத்தில் படம் இருப்பதாக பல தனியார் யூடியூப் சானல்களும் படம் குறித்து ரிவ்யூவ் கொடுத்திருந்தனர்.உலக சினிமாக்களுக்கு ரேட்டிங் அளிப்பதில் புகழ் பெற்ற பிரபல தனியார் இணைய தளமான ஐ..எம் .டி.பியில் 8.3 அளவிற்கு ரேட்டிங் பெற்றுள்ள இந்தப் படம் மலையாள சினிமாவில் இருந்து முதன்முதலாக ஓடிடியில் ஒரு சாதனையை நிகழ்த்தியுள்ளது.

புது உத்வேகம்

மின்னல் முரளிபடம் ரசிகர்களால் விரும்பி பார்க்கப்படும் படங்களின் பட்டியலில் தொடர்ந்து இரண்டாவது வாரமாக நெட்பிளிக்ஸ் இல் உலக அளவில் மூன்றாவது இடத்தையும் இந்திய அளவில் முதலிடத்தையும் ரசிகர்களின் பேராதரவுடன் பெற்றுள்ளது.சுமார் 30 நாடுகளின் சினிமாக்களுக்கு இடையில் மலையாள சினிமா பெற்றுள்ள இந்த கொளரவம் மலையாள ஓடிடி சினிமா தளத்திற்கு புது உத்வேகத்தை அளித்துள்ளது.

புது சாதனை

கதையை மட்டுமே நம்பி அதை மட்டுமே மையமாக வைத்து பெரும்பாலும் குறைந்த அளவு பட்ஜெட் படங்களே தயாரிக்கப்பட்டு வரும் மலையாள சினிமா, உலக அளவில் இந்த இடத்தைப் பெற்றுள்ளதற்கு படக்குழுவினருக்கு பல்வேறு செலிபிரிடிகள் தங்களது வாழ்த்துக்களை தெரிவித்து வருகின்றனர். மிகப்பெரிய பட்ஜெட் படங்களே உலக அளவில் பேசப்படும் என்ற நிலைமாறி சிறிய பட்ஜெட் படங்களும் நன்றாக இருந்தால் அந்த லெவலை எட்டமுடியும் என்று மின்னல் முரளி படக்குழுவினர் நிரூபித்துள்ளதாக கருத்து தெரிவித்து வருகின்றனர்.