தக் லைஃப் தோல்வி! கமல்ஹாசன் மனநிலை இதுதான்! அப்படி சொன்னாரு! வெளிப்படையாக பேசிய ஸ்ருதிஹாசன்
சென்னை: திரையரங்குகளில் வெற்றிகரமாக ஓடிக்கொண்டிருக்கும் சூப்பர் ஸ்டார் ரஜினிகாந்தின் 'கூலி' படத்தில் நடிகை ஸ்ருதிஹாசன் 'பிரீத்தி' என்ற முக்கியமான கதாபாத்திரத்தில் நடித்திருந்தார். அவரது கதாபாத்திரம் ரசிகர்களிடையே பெரும் வரவேற்பைப் பெற்றுள்ள நிலையில் அவர் தனது தந்தை நடிகர் கமல்ஹாசனின் 'தக் லைஃப்' பட தோல்வி குறித்து மனம் திறந்து பேசியுள்ளார்.
கூலியில் ஸ்ருதிஹாசன்
'கூலி' படத்தில் ஸ்ருதிஹாசன் ரஜினியுடன் படம் முழுவதும் பயணிக்கும் ஒரு முக்கியமான கதாபாத்திரத்தில் நடித்திருந்தார். அவரது நடிப்புக்கு ரசிகர்கள் மத்தியில் நல்ல வரவேற்பு கிடைத்திருப்பதால் அவருக்கு கோலிவுட் திரையுலகில் இதுபோன்ற ரோல்கள் தொடர்ந்து கிடைக்கும் என்று எதிர்பார்க்கப்படுகிறது.
ஸ்ருதிஹாசனின் கருத்து
இந்நிலையில் ஸ்ருதிஹாசன் அளித்த பேட்டி ஒன்று இணையத்தில் வைரலாகி வருகிறது. அதில் தக் லைஃப் படத்தின் தோல்வி கமலை பதித்தா என்று கேள்வி எழுப்பப்பட்டிருக்கிறது. அதற்கு ஸ்ருதிஹாசன் பதிலடிக்கையில்,"சினிமாவில் வெற்றி, தோல்வி என பல விஷயங்களைப் பார்த்தவர் எனது தந்தை கமல் ஹாசன். அதனால் 'தக் லைஃப்' பட தோல்வி அவரைப் பாதிக்கவில்லை" என்று ஸ்ருதிஹாசன் கூறியுள்ளார்.
கமலின் எளிமை
"அவர் சினிமாவில் சம்பாதிக்கும் எல்லா பணத்தையும் சினிமாவிலேயேதான் போடுகிறார். கார் வாங்குவது, வீடு கட்டுவது போன்ற ஆசைகள் அவருக்கு இல்லை. இதுபோன்ற 'நம்பர் கேம்' (வசூல் கணக்கு) எனது தந்தையை ஒருபோதும் பாதிக்காது" என்று ஸ்ருதிஹாசன் மேலும் தெரிவித்துள்ளார்.
தக் லைஃப் தோல்வி ஒரு பார்வை
'நாயகன்' படத்திற்குப் பிறகு தமிழ் சினிமாவின் இருபெரும் ஜாம்பவான்களான கமல் மற்றும் மணிரத்னம் இருவரும் நீண்ட இடைவெளிக்குப் பிறகு இணைந்த படம் 'தக் லைஃப்'. இந்தப் படத்தில் சிம்பு, த்ரிஷா, ஜோஜு ஜார்ஜ், ஐஸ்வர்யா லக்ஷ்மி, அசோக் செல்வன் என பெரிய நட்சத்திரப் பட்டாளமே நடித்திருந்தது. ரசிகர்கள் மத்தியில் பெரும் எதிர்பார்ப்பை ஏற்படுத்திய இந்தத் திரைப்படம் வெளியீட்டுக்கு பிறகு கடுமையான எதிர்மறை விமர்சனங்களைச் சந்தித்தது. இதனால் 'தக் லைஃப்' ஒரு மிகப்பெரிய தோல்வியைத் தழுவியது.
கமலின் அடுத்த திட்டங்கள்
கமல்ஹாசனுக்கு விக்ரம் படத்தின் வெற்றிக்கு பிறகு 'இந்தியன் 2' மற்றும் 'தக் லைஃப்' ஆகிய படங்களின் தோல்விக்குப் பிறகு தனது அடுத்தப் படத்தை நிச்சயம் ஹிட்டாக்க வேண்டும் என்பதில் கமல் உறுதியாக இருக்கிறார். அடுத்ததாக பிரபல சண்டைக் கலைஞர்களான அன்பறிவ் மாஸ்டர்கள் இயக்கத்தில் நடிக்க உள்ளார்.
லோகேஷ் கனகராஜுடன் கூட்டணி
இதற்கிடையில் இயக்குநர் லோகேஷ் கனகராஜ் இயக்கத்தில் கமல் நடிக்கவுள்ளதாக தகவல்கள் வெளியாகி உள்ளன. அதுவும் நீண்ட இடைவெளிக்குப் பிறகு ரஜினியுடன் இணைந்து அவர் இப்படத்தில் நடிக்க உள்ளதாக கூறப்படுகிறது. 'கூலி' படம் கலவையான விமர்சனங்களைப் பெற்று வரும் நிலையில் ரஜினி மற்றும் கமல் இருவரையும் வைத்து லோகேஷ் ஒரு படத்தை இயக்க உள்ளதாக வெளியான தகவல் ரசிகர்கள் மத்தியில் பெரும் எதிர்பார்ப்பைக் கிளப்பியுள்ளது.
Click it and Unblock the Notifications
Sign in with Google