விக்ரமனை பற்றி லைவில் முதல் முறையாக பேசிய அசீம்.. சண்டை, பிரச்சனைகளுக்கு காரணம் இதுதானாம்

பிக் பாஸ் தமிழ் சீசன் 6 டைட்டில் வின்னர் அசீம் தானும் விக்ரமனும் நல்ல நண்பர்கள் எங்களுக்குள் கருத்து வேறுபாடு இல்லை என்று கூறி இருக்கிறார்.

சென்னை: பிக் பாஸ் தமிழ் சீசன் 6 நிகழ்ச்சி டைட்டில் வின்னரான அசீம் முதல் முறையாக விஜய் டிவி இன்ஸ்டாகிராம் லைவ் மூலமாக ரசிகர்களின் கேள்விகளுக்கு பதில் கூறியிருக்கிறார்.

பிக் பாஸ் நிகழ்ச்சிக்கு பிறகு விக்ரமனை பற்றி அசீம் நாங்கள் இருவரும் டாஸ்க் விஷயங்களில் மட்டும்தான் சண்டை போட்டு இருக்கோம். ஆனால் எங்கள் இருவருக்கும் கருத்து ஒன்று தான் என்று கூறி இருக்கிறார்.

என்னையும் விக்ரமனையும் பற்றி தவறாக பல்வேறு கருத்துக்கள் சமூக வலைத்தளத்தில் பரவுகிறது ஆனால் நாங்கள் இருவரும் நட்பாக இருக்கிறோம் பார்க்கும் இடங்களிலும் பேசிக்கொள்வோம் என்று அசீம் கூறியிருக்கிறார்.

அசீமின் முதல் லைவ்

பிக் பாஸ் தமிழ் சீசன் 6 நிகழ்ச்சி முடிவடைந்து ஒரு வாரம் ஆகிவிட்ட நிலையில் முதல் முறையாக இந்த சீசனில் டைட்டில் வின்னர் அசீம் விஜய் டிவி மற்றும் டிஸ்னி ஹாட் ஸ்டாரின் பேஜில் லைவில் ரசிகர்களின் கேள்விக்கு பதில் அளித்து இருக்கிறார். ஏற்கனவே இந்த சீசனில் ரன்னராக இருந்த விக்ரமன் பேட்டி கொடுத்திருந்த நிலையில் டைட்டில் வின்னர் பேட்டி கொடுக்கவில்லையே என்று ரசிகர்கள் அதிகமாக கேள்வி எழுப்பிக் கொண்டு காத்திருந்தனர். தற்போது ரசிகர்களுக்கு இன்ப அதிர்ச்சி கொடுக்கும் விதமாக அசீம் பேசி இருக்கிறார்.

நல்ல நண்பர்கள்

அதில் ரசிகர்கள் பல நாட்களாக எதிர்பார்த்து இருந்த கேள்விகளை எல்லாம் அசீம் இடம் கேட்டுக் கொண்டிருந்தனர். அப்போது விக்ரமன் பற்றி அசீமிடம் கேட்கும் போது விக்கிரமனும் நானும் நல்ல நண்பர்கள்தான் பிக் பாஸ் வீட்டிற்குள் நாங்கள் இருவரும் டாஸ்க் விஷயத்தில் மட்டும்தான் சண்டை போட்டு இருக்கிறோம். மத்த நேரங்களில் நாங்கள் ஒன்றாகத்தான் இருப்போம். நாங்கள் இருவரும் ஒரே பெட்டில் தான் தூங்கினோம். அதனால் இரவு நேரத்தில் கூட நாங்கள் பல விஷயங்களை ஷேர் செய்து பேசிக்கொண்டிருப்போம். டாஸ்க் தாண்டி எங்கள் இருவருக்கும் கருத்து ஒன்றாகத்தான் இருக்கிறது.

ரசிகர்களிடம் வேண்டுகோள்

வெளியே இருக்கும் சிலர் தான் எங்களுக்குள் பிரச்சனை என்கிற மாதிரி மாயையை உருவாக்கி விட்டார்கள். மத்தபடி எங்களுக்குள் அப்படி ஒரு பிரச்சனை எதுவும் கிடையாது. எங்கள் இருவருக்கும் ஒரே கருத்து கொள்கை தான் இருக்கிறது. அதில் வேறுபாடு எதுவும் இல்லை. எங்கள் இருவருக்கும் டாஸ்க் விஷயத்தில் மட்டும்தான் சண்டை வந்திருக்கிறது. மத்தபடி வெளி உலகத்தை சார்ந்தது கிடையாது. உள்ளே நடக்கும் டாஸ்க்கள் மற்றும் சில வார்த்தைகளில் பிரதிபலிப்பாக தான் சண்டைகள் ஏற்படுகிறது. அதனால் அதை வைத்து இவர்கள் இப்படித்தான் என்று யாரையும் ஜட்ஜ் செய்யாதீர்கள் என்று ரசிகர்களுக்கு வேண்டுகோள் வைத்திருக்கிறார்.

வெளியே தான் தப்பா மாறிடுச்சி

நானும் விக்ரவனும் வெரி குட் ப்ரண்ட் அவருக்கும் எனக்கும் கோபத்தினால் மட்டும்தான் சண்டை வந்திருக்கு, தவிர கொள்கை ரீதியில் எந்த சண்டையும் வந்தது கிடையாது. எனக்கு பிடிச்ச விஷயத்தை விக்ரமிடம் நான் கூறியிருக்கிறேன். விக்ரமன் என்ன கோபப்பட்டாலும் தன்னிலை மாறாமல் இருக்கிறார் என்று நான் பாராட்டி இருக்கிறேன். அதுபோலத்தான் எனக்கு இப்பவும் விக்ரமனோடு எந்த பிரச்சனையும் கிடையாது .இப்போதும் வெளியே செல்லும்போது நான் விக்கிரமனை பார்த்தால் ஹாய் விக்ரம் எப்படி இருக்கீங்க என்று நான் கேட்பேன். அவரும் என்னிடம் அப்படித்தான் கேட்பார் ஆனால் வெளியே ப்ராஜெக்ட் பண்ணினது தப்பா பண்ணிட்டாங்க என்று கூறி இருக்கிறார்.

English summary

Azeem, the title winner of Bigg Boss Tamil Season 6, answered the questions of the fans through Vijay TV Instagram Live for the first time.About Vikraman after the Bigg Boss show, Azeem and I used to fight only on task matters. But he said that we both have the same opinion.