விஜய் டிவி பிரபலத்தோடு பாக்கியலட்சுமி சீரியல் நடிகைக்கு திருமணம்.. மறைத்த ரகசியம் லீக் ஆகிவிட்டது

சென்னை: பாக்கியலட்சுமி சீரியலில் அமிர்தாவாக நடிக்கும் ரித்திகா விஜய் டிவி பிரபலம் ஒருவரை திருமணம் செய்ய இருக்கிறாராம்.

பார்ப்பதற்கு பக்கத்து வீட்டு பெண் போல பார்த்ததும் ரசிகர்களை கவர்ந்து விடும் ரித்விகா குக் வித் கோமாளி நிகழ்ச்சியின் மூலமாக தனது சமையல் திறமையை காட்டி தன்னுடைய கலகலப்பான திறமையின் மூலமாக ரசிகர்களை கவர்ந்தவர் தான். தற்போது சீரியலில் நடித்து வருகிறார். இந்த நிலையில் இவருக்கு திடீரென திருமணம் நிச்சயிக்கப்பட்டிருக்கிறதாம்.

பாக்கியலட்சுமி அமிர்தா

விஜய் டிவியில் ஒளிபரப்பாகி வரும் பாக்கியலட்சுமி சீரியலில் அமிர்தாவாக நடித்து வரும் ரித்விகா நிஜ வாழ்க்கையில் திருமண பந்தத்தில் அடி எடுத்து வைக்க இருக்கிறாராம். சீரியலில் இவருக்கும் எழிலுக்கும் திருமணம் எப்போது நடக்கும் என்று ரசிகர்கள் ஆர்வத்தோடு எதிர்பார்த்துக் கொண்டிருக்கும் போது இவருடைய நிஜ திருமண செய்தி பலருக்கும் இன்ப அதிர்ச்சியை கொடுத்திருக்கிறது. இதுவரைக்கும் சிங்கிளாக வலம் வந்து கொண்டிருந்த ரித்திகா விஜய் டிவியை சேர்ந்த பிரபலம் ஒருவரை தான் திருமணம் செய்ய இருக்கிறாராம்.

வதந்திக்கு விளக்கம்

பாக்கியலட்சுமி சீரியலுக்கு வருவதற்கு முன்பு தொகுப்பாளராகவும், குக் வித் கோமாளி நிகழ்ச்சியில் ஒரு குக்காகவும் பலருக்கும் தெரிந்தவர் தான் ரித்திகா. குக் வித் கோமாளி நிகழ்ச்சியில் இவருடன் பாலா நிகழ்ச்சியின் கண்டெண்டுக்காக பேசி பழகுவதை வைத்து பலரும் இவர்கள் இருவரும் காதலித்து வருவதாக செய்திகளை பரப்பி வந்தனர் .அதை குறித்து கோபமாக வீடியோ ஒன்றை வெளியிட்டு நண்பர்களாக பழகுபவர்கள் எல்லாம் காதலித்து விடுவார்களா? ஒன்றாக சேர்ந்து நடித்தாலோ அல்லது வேலை செய்தாலோ உடனே காதல் என்று சொல்லி விடுவார்களா? நான் யாரை காதலிக்க வேண்டும் என்பது எனக்கு தெரியும் அதனால் இப்படி யாரும் பேசாதீர்கள் என்று விளக்கம் கொடுத்திருந்தார்.

விரைவில் திருமணம்

அது மட்டுமல்லாமல் விஜய் டிவியில் ஒளிபரப்பாகும் பல நிகழ்ச்சிகளில் ரித்திகா கலந்து கொண்டிருக்கிறார். இவருக்கு தற்போது விரைவில் திருமணம் நடக்க இருப்பதாக தகவல்கள் வெளியாகி இருக்கிறது. இந்த நிலையில் இவர் திருமணம் செய்து கொள்ளப் போகும் நபர் விஜய் டிவியில் முக்கிய பொறுப்பில் இருக்கும் வினு என்ற நபர் தானாம். அவரைத்தான் ரித்திகா காதலித்து வந்ததாகவும் செய்திகள் வெளியாகி இருக்கிறது.

மாப்பிள்ளை இவர்தான்

ரித்திகாவின் திருமணம் எப்போது என்று வெளியாகவில்லை என்றாலும் நவம்பர் 27ஆம் தேதி மாலை வரவேற்பு நடைபெற இருக்கிறதாம். இதில் சின்னத்திரை பிரபலங்கள் பலரும் கலந்து கொள்ள இருக்கிறார்களாம். அது மட்டுமல்லாமல் ரித்விகா திருமணம் செய்து கொள்ள போகும் வினு விஜய் டிவியில் கிரியேட்டிவ் டைரக்டராக பணியாற்றி வருகிறாராம். அதுபோல ரித்திகாவும் விஜய் டிவியில் நடித்து வருவதால் இவர்களுக்குள் காதல் திருமணமாகத்தான் இருக்கும் என்று பலரும் கூறி வருகிறார்கள்.

English summary

Rithika Vijay, who plays Amritha in Baakkiyalakshmi serial, is getting married to a TV celebrity. Rithika, who looks like the girl next door, has captivated the fans by showing her cooking skills through the show Cook with comali and has captivated the fans with her lively talent. He is currently acting in a serial. In this situation, he is suddenly married.