துபாயில் கம்பம் அமீரக நண்பர்கள் அமைப்பின் கூட்டம்
துபாய்: துபாயில் அனிஸுர் ரஹ்மான் இல்லத்தில் கம்பம் அமீரக நண்பர்கள் கூட்டம் 7.11.2014 அன்று ஜும்ஆ தொழுகைக்குப் பின் நடைபெற்றது.
திருச்சி ஜமால் முஹம்மது கல்லூரி முன்னாள் துணை முதல்வர் பேராசிரியர் முனைவர். பீ.மு. தலைமை வகித்தார். துவக்கமாக அனீஸ் இறைவசனங்களை ஓதினார். தாஹா வரவேற்புரை நிகழ்த்தினார்.
கம்பம் அமீரக நண்பர்கள் அமைப்பின் தலைவர் ஜனாப் செய்யது அபுதாகீர் கடந்த ஆண்டில் மேற்கொண்ட கல்வி உதவித் தொகை பற்றி எடுத்துரைத்தார்.
கம்பம் கூடலூர் ஆசிரியர் ஜனாப் சாகுல் ஹமீது சிறப்பு விருந்தினராக கலந்து கொண்டு வாழ்த்துரை வழங்கினார். அவர் கம்பம் அமீரக நண்பர்கள் அமைப்பின் கல்வி மேம்பாட்டுப் பணிகளை பாராட்டினார்.
பேராசிரியர் முனைவர் மன்சூர் தலைமை உரையில் கம்பத்தில் மாணவர் வழி காட்டி நிகழ்ச்சி நடத்திட வேண்டியதன் அவசியத்தை வலியுறுத்தினார்.
நிர்வாகக் குழு உறுப்பினர் மெரிட் கான் நன்றி கூறினார். நிகழ்ச்சிக்கான ஏற்பாடுகளை செயலாளர் அப்துல் ஹாதி உள்ளிட்டோர் செய்திருந்தனர்.
Click it and Unblock the Notifications
Sign in with Google