சென்ற இதழின் தொடர்ச்சி... ரிக்வேதகால ஆரியர்கள்-2

கலாச்சார மாத இதழ் - மார்ச் 2005

ந. பெரியசாமி கவிதை

தொலைக்காட்சி பெட்டியை

கண்ணுற ஏதுவாய்

அமைந்த நாற்காலி

சுகம் சொக்கும் பஞ்சுமெத்தை

சிரிக்கும் ஒயர் பூக்கள்

ரசித்து ரசித்து வாங்கிய

பீங்கான், மண் பொம்மை

ஈ எறும்பு அண்டாத

மெழுகு பழங்களோடு

அலங்கார அலமாரி

நேசித்த தலைவர்

காலாண்டரை சாக்கிட்டு

கவர்ந்த நடிகை

பிடித்த பெயிண்டிங்கென

ரசனைக்கேற்ற சுவர்படங்களுடன்

கெளரவம் காக்கும்

விசாலமான முன்அறை

தவணையில் பிறந்த
பொருட்கள் புடைசூழ
அடைசல்களை தன்னுள் அடைகாக்கும்
கட்டிலுள்ள தூங்கும் அறை
தனியாக இடம் தந்து
தவறாமல் வணங்குகிறோம்
அருள் தருவாய் ஆண்டவனே
மனம் உரும் பூஜை அறை

ஆக்க அரிக்க
கழுவ கமுக்கவென
நிறைந்த இடர்பாடுகளோடு
அழுக்கேறிய எண்ணெய் பிசுக்குகளின்
சுவாசம் திணற
மிச்ச சொச்ச இடத்தில்
சுருக்கப்பட்ட அடுப்பறை

வாஸ்த்துக்காக
இடித்துக் கட்டிய கழிப்பறையுடன்
தொங்கும் பூட்டை
நம்பிக் கிடக்கின்றன வீடுகள்

நினைவுகள் வசிக்க
தேவையாயிருக்கின்றன
மயிலின்
தோகைத் துணுக்குகள்.