தனுசு மாதாந்திர ராசிபலன் - Sagittarius Monthly Horoscope in Tamil

தனுசு ராசி அன்பர்களே...!

மாதத் தொடக்கத்தில் மங்கலகரமான செய்திகள் வந்து சேரும். இதுவரை இருந்த பிரச்சனைகள் நீங்கி குடும்பத்தில் சந்தோஷம் பெருகும். கணவனின் மனமறிந்து மனைவி நடப்பதால் பிரச்சனைகள் தள்ளிப் போகும். இருப்பினும் ஒருவரை ஒருவர் அனுசரித்து நடப்பது நல்லது. குடும்பத்தில் குழப்பத்தை உண்டு பண்ண உறவினர்களில் சிலர் முயற்சி செய்யலாம். அதிலிருந்து சாமர்த்தியமாக விடுபட வேண்டும். சகோதர சகோதரிகளின் வருகையால் வீட்டில் சந்தோஷமான சூழ்நிலை நிலவும்.

பணப்பற்றாக்குறை இல்லாத மாதமாக இது திகழும். புதிய ஆடைகள் வாங்கி மகிழ்ச்சி அடைவீர்கள். வீட்டை புதுப்பித்து வர்ணம் பூசி அழகு படுத்துவீர்கள். வீட்டிற்கு தேவையான குளிர்சாதன பெட்டி, ஏர் கண்டிஷனர் போன்றவற்றை வாங்கி பொருத்துவீர்கள். மனைவியின் ஆசைப்படி சில பொருட்களை வாங்குவீர்கள். சிலர் தொழில் காரணமாக குடும்பத்தை விட்டு பிரிந்து செல்லக்கூடிய நிலை ஏற்படலாம். மேலும் பிள்ளைகளின் படிப்புக்காக பெரிய மனிதரின் உதவியை நாட வேண்டிய சூழ்நிலை ஏற்படும். வேலை காரணமாக அரசியல் நண்பரின் உதவியை கேட்பீர்கள்.

அலுவலகத்தில் பணிச்சுமை அதிகரிக்கும். உங்கள் வேலையில் மிகுந்த கவனமாக இருக்க வேண்டும். சிலருக்கு எதிர்பார்த்த இடமாற்றம் ஏற்படக்கூடும். அதிகாரிகளின் ஆதரவை எதிர்பார்க்க முடியாது. மாத இறுதிப் பகுதி அரசு பணியாளர்களுக்கு சுமையை ஏற்படுத்தலாம். கவனமாக வேலை செய்ய வேண்டும்‌

வியாபாரம் விறுவிறுப்பாக நடந்தாலும் வருமானப் பற்றாக்குறை சிரமப்படுத்தும். தொழிலில் உத்வேகத்துடன் செயல்படுவீர்கள். போட்டியாளர்களை முறியடித்து வெற்றி பெறுவீர்கள். பாதிப்புகளிலிருந்து வெளி வருவீர்கள். கொடுக்கல் வாங்கலில் மட்டும் எச்சரிக்கையாக இருக்க வேண்டும்.

குடும்பப் பெண்களுக்கு மகிழ்ச்சியும் வருத்தமும் கலந்து நடக்கும். நகை வாங்க முடியாத வருத்தம்... அதே நேரத்தில் நல்ல காரியங்கள் நடக்கும் சந்தோஷம்... இரண்டும் இருக்கும். வேலைக்குச் செல்லும் பெண்களுக்கு சாதகமான சூழ்நிலை நிலவும். சலுகைகளும் கிடைக்கும்.

அதிர்ஷ்டம் தரும் நாள்கள்:  ஏப்ரல் 15 17 19 21 23 25 27 29 மே 1 3 5 7 9 11 13

அதிர்ஷ்ட எண்கள்: 3,7,6,1

சந்திராஷ்டம நாள்கள்: ஏப்ரல் 24 அதிகாலை முதல் 25 26 இரவு வரை.

பரிகாரம்: தக்ஷிணாமூர்த்தி  வழிபாடும், 'ஓம் அறிவுக் குருவே போற்றி,
ஓம் அழிவிலானே போற்றி'
பாராயணம் செய்வதும் நன்மை தரும்.