ரிஷபம் மாதாந்திர ராசிபலன் - Taurus Monthly Horoscope in Tamil

ரிஷப ராசி அன்பர்களே...!

ஆடி மாத ஆரம்பத்தில் சில சிக்கல்களில் இருந்து விடுபடுவீர்கள். எந்த காரியமாக இருந்தாலும் யோசித்து செய்ய வேண்டும். நிதானமும் பொறுமையும் மிக முக்கியம். கணவன் மனைவிக்கிடையே இருந்த கருத்து வேறுபாடுகள் மறையும். ஒருவரை ஒருவர் அனுசரித்து செல்வீர்கள். குடும்பத்தில் பிள்ளைகளால் சந்தோஷம் உண்டாகும். உறவினர்கள் வருகையால் ஒரு சுபிட்சமான நிலை வீட்டில் காணப்படும். சுப நிகழ்ச்சிகளுக்கான ஏற்பாடுகளை செய்வீர்கள்.

எதிர்பாராத இடத்திலிருந்து பணம் கைக்கு வரும். பழைய கடன்களை அடைப்பீர்கள். வங்கி இருப்பு உயர்ந்து காணப்படும். வீட்டிற்கு தேவையான பொருட்களை வாங்கும் நிலை உண்டாகும். மின்சார பொருட்கள் வாங்குவீர்கள். உறவினர்களின் ஒத்துழைப்பு பக்கபலமாக அமையும். பிள்ளைகள் ஆசைப்பட்ட பொருளை வாங்கி கொடுப்பீர்கள். கோயில் தரிசனம் செய்வீர்கள். சகோதரரின் முக்கியமான தேவையை நிறைவேற்றி வைப்பீர்கள். குடும்பத்துடன் உறவினர் வீட்டுக்கு சென்று வருவீர்கள். பிள்ளைகளால் கல்விச் செலவுகள் அதிகரிக்கலாம்.

அலுவலகத்தில் உங்கள் வேலைத் திறமை பாராட்டப்படும். ஏதாவது ஒரு இடையூறு ஏற்பட்டு அதை சமாளிப்பார்கள். மாத நடுப் பகுதியில் முக்கியமான பொறுப்பு உங்களுக்கு வந்து சேரும். அதிகாரிகள் பக்கபலமாக இருப்பார்கள். அரசுப் பணியில் இருப்பவர்கள் எந்த வேலையும் கவனமாக கையாள வேண்டும்.

தொழில் போட்டியை சமாளிப்பீர்கள். வியாபாரம் சிறப்பாக நடக்கும். உங்களுக்கு எதிராக நடப்பவர்களை அன்பான போக்கால் மாற்றுவீர்கள். வியாபாரத்தில் ஏற்படும் சிக்கல்களை சாதுரியமாக சமாளிப்பீர்கள். அவசரப்பட்டு யாருக்கும் கடன் கொடுக்க வேண்டாம்.

குடும்ப நிர்வாகத்தை கையில் வைத்து இருக்கும் பெண்மணிகளுக்கு பெருமை தரும் மாதமாக இது அமையும். தக்க சமயத்தில் கணவன் தேவையை பூர்த்தி செய்வீர்கள். வேலைக்குச் செல்லும் பெண்கள் மகிழ்ச்சிகரமாக இருப்பார்கள். வேலை இடத்தில் அனுசரணையான போக்கு காணப்படும்.

அதிர்ஷ்டம் தரும் நாள்கள்:  ஜூலை 18 19 21 25 26 30 ஆகஸ்ட் 2 3 5 7 9 10 13 15

அதிர்ஷ்ட எண்கள்: 6,1,2,9

சந்திராஷ்டம நாள்கள்: ஜூலை 27 பிற்பகல் முதல் 28 29 மாலை வரை.

பரிகாரம்: விநாயகர் வழிபாடும், 'விநாயகர் அகவல்'
பாராயணம் செய்வதும் நன்மை தரும்.