விருச்சிகம் மாதாந்திர ராசிபலன் - Scorpio Monthly Horoscope in Tamil

துலாம் ராசி அன்பர்களே...

மாதத்தின் ஆரம்பத்தில் சில தவிர்க்க முடியாத சங்கடங்கள் உண்டாகலாம். இருப்பினும் அதிலிருந்து விடுபட உறவினர்களின் ஒத்துழைப்பு கை கொடுக்கும். எதையும் யோசித்து செய்வது நல்லது. கணவன் மனைவிக்கிடையே ஒற்றுமை மிக முக்கியம். குடும்பத்தில் குழப்பம் வருவதற்கு அதுதான் முக்கிய காரணம். ஒருவர் ஒருவர் புரிந்து கொண்டு நடக்க வேண்டும். இருப்பினும் குடும்பத்தில் மகிழ்வான நிகழ்ச்சிகள் நடைபெறும். உறவினர்களின் வருகை உற்சாகத்தை கொடுக்கும். விட்டுப்போன உறவுகளை புதுப்பித்துக் கொள்ள வேண்டிய நிலை உண்டாகும்.

பொருளாதார முன்னேற்றம் ஏற்படும். கையில் தாராளமாக பணம் புழங்கும். வங்கி இருப்பு அதிகரிக்கலாம். வீட்டிற்கு அத்தியாவசிய பொருட்களை  வாங்குவீர்கள். மின்னணு சாதனங்கள் வாங்கக்கூடிய நிலை உருவாகும். மனைவி பிள்ளைகளின் ஆசைகளை தட்டாமல் நிறைவேற்றி வைப்பீர்கள். வெளிநாடு செல்வதற்கான வாய்ப்பு சிலருக்கு உண்டாகும். குடும்பத்தினர் மகிழ்ச்சியில் அதிக அக்கறை காட்டுவீர்கள். பிள்ளைகளின் கல்வித்தரம் மேம்படும் அரசியல்வாதிகளின் ஒத்துழைப்பு கிடைக்கும்.

வேலை இடத்தில் கவனத்தை சிதற விடக்கூடாது. சக ஊழியர்களுடன் ஒத்துப் போக வேண்டும். மேலதிகாரிகளின் கட்டளையை நிறைவேற்ற தவறக்கூடாது. மாத பிற்பகுதியில் மகிழ்ச்சியான செய்தி கிடைக்கும். பதவி உயர்வு, சம்பள அதிகரிப்பு ஆகியவை ஏற்படும். பிற்பகுதியில் கவனத்துடன் வேலை செய்ய வேண்டும்.

வியாபாரத்தில் புதிய நுணுக்கங்களை புகுத்துவீர்கள். கூட்டு முயற்சியில் தொழிலை மேம்படுத்த முயற்சி செய்வீர்கள். போட்டியாளர்களின் கனவுகளை சிதறடிப்பீர்கள். பாதிப்புகள் எதுவும் அதிகம் இருக்காது. கணக்கு வழக்குகளை கவனமாக கையாள வேண்டும்.

இல்லறப் பொறுப்பில் இருக்கும் பெண்களுக்கு மகிழ்ச்சியும் உற்சாகமும் ஏற்படும். ஆசைப்பட்ட ஆடைகள் வாங்குவீர்கள். தங்கம் விலை ஏறினாலும் கையிருப்புக்கு தகுந்தாற் போல் வாங்குவீர்கள். வேலைக்குச் செல்லும் பெண்கள் வெற்றிகரமாக பணி செய்வார்கள்.

அதிர்ஷ்ட எண்கள்: 6,9,4,3

அதிர்ஷ்டம் தரும் நாள்கள்: ஜூன் 15 17 19 21 23 24 27 29 ஜூலை 1 5 6 8 9 11 12 14

சந்திராஷ்டம நாள்கள்: ஜூலை 12 காலை முதல் 13 14 அதிகாலை வரை.

பரிகாரம்: பெருமாள்  வழிபாடும்,
'ஓம் ஹரி ஹரி போற்றி,
ஓம் ஸ்ரீ ஹரி போற்றி'
பாராயணம் செய்வதும் நன்மை தரும்.