விருச்சிகம் மாதாந்திர ராசிபலன் - Scorpio Monthly Horoscope in Tamil

விருச்சிக ராசி அன்பர்களே...

வைகாசி மாதம் ஆரம்பம் அற்புதமான பலன்களை தருவதாக அமையும். குடும்ப ஒற்றுமை மேலோங்கும். கணவன் மனைவி உறவு பலப்படும். சின்ன சின்ன முரண்பாடுகள் இருந்தாலும் ஒருவரை ஒருவர் அனுசரித்துச் செல்வது நல்லது. உறவினர்களுடன் இருந்த கசப்பான உணர்வுகள் மறைந்து போகும். எப்படி இருந்தாலும் குடும்பத்தில் சந்தோஷமான சூழ்நிலையே காணப்படும். சுப நிகழ்ச்சிகள் நடக்கும். உறவினர்களின் வருகையும் அதிகரிக்கும். வீட்டில் மகிழ்ச்சியும் உற்சாகமும் பெருக்கெடுக்கும்.

வருமானம் அதிகரித்து கையிருப்பு உயரும். முக்கிய பொருட்களை வாங்குவீர்கள். நகை வாங்கும் ஆர்வம் அதிகரிக்கும். ஆபரண யோகம் உண்டாகும். வீட்டிற்கு தேவையான மின்சார பொருட்களை வாங்குவீர்கள். மின்னணு சாதனங்களையும் கொள்முதல் செய்வீர்கள். உறவுகளால் நன்மைகள் உண்டாகும். வீட்டில் உள்ளவர்களின் ஆசையை நிறைவேற்றுவீர்கள். வெளியூர் பயணங்கள் மேற்கொள்வீர்கள். குடும்பத்துடன் சந்தோஷமாக புண்ணிய தலங்களை தரிசிக்கும் வாய்ப்பு உண்டாகும். பிள்ளைகளின் நலனுக்காக அரசியல்வாதி ஒருவரின் சிபாரிசை நாட வேண்டியிருக்கும்.

வேலை இடத்தில் அதிகமாக உழைப்பை போட வேண்டிய சூழ்நிலை உண்டாகும். நிதானமாக வேலை பார்க்க வேண்டும். இடமாற்றம் ஏற்படுவதற்கான வாய்ப்பு உண்டு. அதிகாரிகளின் ஒத்துழைப்பு கிடைப்பது கடினம். மாத இறுதியில் அரசுப் பணியாளர்கள் மிகவும் கவனத்துடன் வேலை பார்க்க வேண்டும்‌.

வியாபாரம் சரளமாக நடக்கும். தொழிலில் புதிய முயற்சிகள் வெற்றி தரும். போட்டியாளர்களை கருத்தில் கொள்ள வேண்டாம். பாதிப்பு எதுவும் இருக்காது. பணம் வரவு செலவுகளில் தவறு நடக்காமல் பார்த்துக் கொள்ளவும்.

குடும்ப பொறுப்பை கையில் வைத்திருக்கும் பெண்களுக்கு மகிழ்ச்சியான செய்திகள் வந்து சேரும். தேவைப்பட்ட பொருட்களை வாங்கும் யோகம் ஏற்படும். வேலைக்குச் செல்லும் பெண்களுக்கு எதிர்பார்த்த பதவி உயர்வு, ஊதிய அதிகரிப்பு போன்ற சலுகைகள் கிடைக்கக்கூடும்.

அதிர்ஷ்ட எண்கள்: 9,3,8,5

அதிர்ஷ்டம் தரும் நாள்கள்: மே 20,21,23,25,29,30 ஜூன் 3,5,9,10, 12, 13

சந்திராஷ்டம நாள்கள்: மே 19 பிற்பகல் முதல் 20 21 காலை வரை.

பரிகாரம்: முருகப்பெருமான் வழிபாடும், 'ஓம் முத்தமிழ் வடிவே முதல்வா போற்றி, அகத்தியருக்கு அருளிய ஆண்டவா போற்றி'
பாராயணம் செய்வதும் நன்மை தரும்.