மேஷம் மாதாந்திர ராசிபலன் - Aries Monthly Horoscope in Tamil

மேஷம் ராசி அன்பர்களே!

ஐப்பசி மாத தொடக்கம் பல நன்மைகளை கொண்டு வரப் போகிறது. குடும்பத்தில் சிக்கல் சிரமங்கள் வராமல் பார்த்துக் கொள்ளுங்கள். எந்த பிரச்சினையாக இருந்தாலும் மனம் விட்டுப் பேசுங்கள். குடும்பத்தில்  திருப்திகரமான சூழ்நிலையே நிலவும். உறவினர்கள் உங்களுக்கு ஒத்தாசையாக இருப்பார்கள். பல முக்கியமான கட்டத்தில் உங்கள் தேவையை பூர்த்தி செய்வதற்கு அவர்கள் முன்வருவார்கள். வீட்டில் திருப்தியான சூழ்நிலையை நிலவும்.

ஏதாவது ஒரு வகையில் வருமானம் பெருகும். கையில் காசு பணம் புரளும். தங்கம் விலை ஏறினாலும் கையில் இருக்கும் காசுக்கு தகுந்த மாதிரி ஆபரணங்கள் வாங்குவீர்கள். வீட்டிற்கு தேவையான பொருள்களையும் அவசியம் கருதி வாங்கி போடுவீர்கள். சிலர் தெய்வதரிசனங்களுக்காக வெளி மாநிலங்கள் செல்லக்கூடும். குடும்பத்தினரின் சந்தோஷத்திற்காக சுற்றுலா அழைத்துச் செல்வீர்கள். பிள்ளைகளின் மேல் படிப்பிற்காக அரசியல்வாதியின் உதவியை நாடலாம். கடன் உதவியும் உரிய நேரத்தில் கிடைக்கும்.

அலுவலகத்தில் உங்களுடைய பொறுப்பு கூடும். அதனால் பணிச்சுமையும் அதிகரிக்கும். எந்த சூழ்நிலையிலும் அலட்சியமாக வேலை பார்க்காதீர்கள். அதிகாரிகள் ஒத்தாசையாக இருப்பார்கள் என்று நம்ப வேண்டாம். அரசு பணியில் இருப்பவர்களுக்கு மாத பிற்பகுதியில் சிரமங்கள் ஏற்படலாம். எச்சரிக்கையாக இருப்பது நல்லது.

தொழில் வியாபாரம் எதிர்பார்த்ததை விட ஏற்றமாக இருக்கும். போட்டியாளர்கள் இடையூறு செய்தாலும் அதனால் வியாபாரத்திற்கு பாதிப்பு எதுவும் ஏற்படாது. இருப்பினும் கொடுக்கல் வாங்கல் பிரச்சனைகளில் கவனமாக இருப்பது நல்லது.

இல்லத்தைக் கட்டியாளும்  இல்லத்தரசிகளுக்கு ஏற்றம் தரும் மாதமாக இருக்கும். நினைத்ததை நடத்தி முடிப்பீர்கள். வேலைக்குச் செல்லும் பெண்களுக்கு வெற்றிகரமான மாதம். அலுவலகத்தில் எதிர்பார்த்த பதவி உயர்வு தானாக வரும். இடமாறுதலும் சலுகையும் ஏற்படலாம்.

அதிர்ஷ்டம் தரும் நாள்கள்:  அக்டோபர் 19 22 23 25 29 30 நவம்பர் 1 2 7 8 10 14 16

அதிர்ஷ்ட எண்கள்: 9,7,6,1

சந்திராஷ்டம நாள்கள்: நவம்பர் 10 காலை முதல் 11 12 13 மாலை வரை

பரிகாரம்: முருகப்பெருமான் வழிபாடும், 'கந்தசஷ்டிக் கவசம்'
பாராயணம் செய்வதும் நன்மை தரும்.