கும்பம் ராசிக்கான இந்த மாத ராசிபலன் நவம்பர் 17 முதல் டிசம்பர் 17 வரை (This Month Kumbham rasipalan): கும்பம் ராசிகாரர்களுக்கு இந்த மாதம் எப்படி இருக்கும்? இந்த மாதத்தில் நீங்கள் நினைத்த காரியங்கள் நிறைவேறுமா? உங்களின் பலம், பலவீனம், கவனமாக இருக்க வேண்டிய விஷயங்கள் குறித்து இந்த பக்கத்தில் படித்து தெரிந்து கொள்ளுங்கள்.
கும்ப ராசி அன்பர்களே...!
கார்த்திகை மாதம் கணிசமான நன்மைகள் நடக்கும் மாதமாக திகழப் போகிறது. கணவன் மனைவி இருவரும் புரிந்து கொண்டு நடப்பதால் இல்லறம் மகிழ்ச்சியாக நடக்கும். அதே நேரத்தில் அடுத்தவரின் பேச்சைக் கேட்டு சிரமங்களில் சிக்கிக் கொள்ளக் கூடாது. திருமணம் போன்ற சுப நிகழ்ச்சிகளில் கலந்து கொள்வதற்கான வாய்ப்பு அடிக்கடி ஏற்படும். உறவினர்கள் அனுசரணையாக நடந்து கொள்வார்கள். உறவினர்களின் வீட்டுக்கு நீங்களும் உங்கள் வீட்டிற்கு அவர்களும் வருவதால் உற்சாகம் பெருக்கெடுத்து ஓடும்.
எதிர்பார்த்த இடத்தில் இருந்து தடையில்லாமல் பணம் வந்து சேரும். வேலை காரணமாக சிலர் வெளிநாடு செல்ல வேண்டிய நிலை ஏற்படலாம். நீண்ட காலமாக ஆசைப்பட்ட புண்ணிய தலங்களுக்கு குடும்பத்துடன் சென்று வருவீர்கள். வீட்டிற்கு தேவையான பொருட்களையும் வாங்கி போடுவீர்கள். பிள்ளைகளின் எதிர்காலத்திற்காக சிரமப்பட்டாவது நகைகள் வாங்கும் சூழ்நிலை ஏற்படும். உறவினர்களால் சில நன்மைகள் உண்டாகும். குடும்பத்துடன் குளிர் பிரதேசங்களுக்கு சென்று வருவீர்கள். பிள்ளைகளின் வேலைக்காக பெரிய மனிதரின் உதவியை நாட வேண்டிய கட்டாயம் ஏற்படும்.
அலுவலகத்தில் கடுமையான வேலைப்பளு உங்களை சிரமப்படுத்தலாம். இருந்தாலும் அதை சமாளிப்பீர்கள். சிலருக்கு எதிர்பார்த்த பதவி உயர்வு ஏற்படலாம். அதிகாரிகளின் ஒத்துழைப்பால் பணியிடத்தில் நன்மையான பலன்களை பெறுவீர்கள். மாத பிற்பகுதியில் அரசு பணியாளர்கள் மிகவும் எச்சரிக்கையாகவும் கவனமாகவும் இருக்க வேண்டும்.
தொழில் சிறப்பாக நடக்கும். வியாபாரம் விறுவிறுப்பாக நடந்து வருமானத்தை அதிகரிக்கும். போட்டியாளர்களின் இடையூறுகளை தாண்டி வருவீர்கள். புதிய முயற்சியில் வியாபாரத்தை பெருக்குவீர்கள். கொடுக்கல் வாங்கல், பண வரவு செலவுகளில் எச்சரிக்கை தேவை.
இல்லறத்தை நல்லறமாக்கும் மகளிருக்கு இது மகிழ்ச்சி தரும் மாதமாக அமையும். கணவனின் அத்தியாவசிய தேவையை பூர்த்தி செய்து பாராட்டுப் பெறுவீர்கள். வேலைக்குச் செல்லும் பெண்களுக்கு நல்ல பலன் கிடைக்கும். அதே நேரத்தில் உயர் அதிகாரிகளின் கோபத்திற்கு ஆளாகாமல் நடந்து கொள்ள வேண்டும்.
அதிர்ஷ்டம் தரும் நாள்கள்: நவம்பர் 19 20 23 24 26 27 28 29 டிசம்பர் 1 5 6 7 9 12 13 14
அதிர்ஷ்ட எண்கள்: 8,9,4,3
சந்திராஷ்டம நாள்கள்: டிசம்பர் 3 பிற்பகல் முதல் 4 5 பிற்பகல் வரை.
பரிகாரம்: சனிபகவான் வழிபாடும்,
'ஓம் அருளுங்கால் இனியவனே போற்றி,
ஓம் அண்டியவர்க்கு அருள்பவனே போற்றி'
பாராயணம் செய்வதும் நன்மை தரும்.
| தேதி | 2 - கார்த்திகை - பராபவ வருடம் புதன் |
| நாள் | புதன் |
| திதி | நவமி (up to November 19, 7:06 am) |
| நட்சத்திரம் | அவிட்டம் (up to 4:34 am) சதயம் (up to November 19,6:10 am) பூரட்டாதி (up to November 20,6:56 am) |
| யோகம் | சித்த-அமிர்த யோகம் |
| நல்ல நேரம் | 11:15 - 12:00 pm / 4:45 - 5:45 pm |
| கௌரி நல்ல நேரம் | 10:45 - 11:45 am / 6:30 - 7:30 pm |
| இராகு காலம் | மதியம் 12.00 - 1.30 |
| எமகண்டம் | காலை 7.30 - 9.00 |
| குளிகை | காலை 10.30 - 12.00 |
| சூலம் | வடக்கு |
| பரிகாரம் | பால் |
| சந்திராஷ்டமம் | ஆயில்யம் |
| சூரியோதயம் | 6:12 AM |
| சூரிய அஸ்தமனம் | 5:35 PM |
| சந்திரோதயம் | Nov 18 12:54 PM |
| சந்திர அஸ்தமனம் | Nov 19 1:01 AM |