கும்பம் மாதாந்திர ராசிபலன் - Aquarius Monthly Horoscope in Tamil

கும்ப ராசி அன்பர்களே...

மாதத் தொடக்கத்தில் சிறப்பான காரியங்கள் நடக்கும். கணவன் மனைவிக்கிடையே ஒற்றுமை அதிகரிக்கும். அதே நேரத்தில் ஒருவர் பேச்சை ஒருவர் தட்டாமல் நடந்து கொள்ள வேண்டும். பிள்ளைகளின் நடவடிக்கையை அணுக்கமாக கண்காணிக்க வேண்டும். திருமண நிகழ்ச்சிகளில் கலந்து கொள்ளுகின்ற வாய்ப்பு அதிகரிக்கும். குடும்பத்தில் சுப நிகழ்ச்சிகள் நடப்பதற்கான ஏற்பாடுகள் செய்யப்படும். நண்பர்களின் வருகையால் வீடு கலகலப்பாக இருக்கும்.

வியாபாரம் வெற்றிகரமாக நடக்கும். கையில் தாராளமாக காசு புழங்கும். தேவையில்லாத செலவுகள் வந்தும் சிரமப்படுத்தும்‌. பண வரவு செலவுகளில் எச்சரிக்கையாக இருக்க வேண்டும். தொழில் காரணமாக வெளியூருக்கு செல்ல வேண்டிய நிலை உண்டாகும்‌. வேலை நிமித்தமாக சில நாட்கள் குடும்பத்தை பிரிந்து செல்ல வேண்டிய நிலையும் ஏற்படும். பிள்ளைகளின் நடவடிக்கையை சற்று கவனமாக பார்க்க வேண்டும்‌. குடும்ப பொறுப்பை அவர்களுக்கு நுட்பமாக உணர்த்த வேண்டும்.

அலுவலகத்தில் வேலை அழுத்தம் ஏற்படுவதற்கான வாய்ப்பு உண்டு. மேல் அதிகாரிகளின் அன்பை பெறுவதற்கு கடுமையாக உழைக்க வேண்டும். இடமாற்றம், வேலை உயர்வு போன்ற காரியங்களை எதிர்பார்த்து காத்திருப்பவர்களுக்கு மாத இறுதியில் நல்ல செய்தி கிடைக்கும். அரசு பணியில் இருப்பவர்கள் தங்களுடைய வேலையின் பொறுப்பை உணர்ந்து பணி செய்ய வேண்டும்.

தொழிலில் இருந்த மறைமுக எதிர்ப்புகள் மறையும். ‌ போட்டியாளர்களின் இடையூறுகளை தாண்டி அவர்கள் பொறாமைப்படும் அளவிற்கு வளர்ச்சி பெறுவீர்கள். கொடுக்கல் வாங்கலில் மிக எச்சரிக்கையாக இருக்க வேண்டும்.

குடும்பப் பெண்களுக்கு ஆனந்தத்தை அளிக்கின்ற மாதமாக வைகாசி அமையும்‌. நீண்ட காலமாக நினைத்து இருந்த ஆசை நிறைவேறும். பிள்ளைகளின் அனுசரணையும் ஒத்துழைப்பும் மிகுந்த மகிழ்ச்சியை கொடுக்கும். வேலை பார்க்கும் பெண்களுக்கு இந்த மாத இறுதிப் பகுதியில் ஒரு நல்ல செய்தி கிடைக்கும்.

அதிர்ஷ்ட எண்கள்: 8,9,4,3

அதிர்ஷ்டம் தரும் நாள்கள்: மே 18, 20, 21, 22, 23, 26, 27, 28, 29 ஜூன் 1, 2, 3, 4, 6, 7, 8

சந்திராஷ்டம நாள்கள்: மே 26 காலை முதல் 27 28 காலை வரை.

பரிகாரம்: சனிபகவான் வழிபாடும்,
'ஓம் அருளுங்கால் இனியவனே போற்றி,
ஓம் அண்டியவர்க்கு அருள்பவனே போற்றி'
பாராயணம் செய்வதும் நன்மை தரும்.