நடுத்தெருவில் ரசிகர்கள் கேட்ட கேள்வி… ‘SK 26’ அப்டேட் சொன்ன சிவகார்த்திகேயன்! இதை கவனிச்சீங்களா?

சென்னை: தமிழ் சினிமாவில் இன்று "மாஸ் ஹீரோ" என்ற அடையாளத்தை தன் சொந்த உழைப்பால் உருவாக்கிக் கொண்டவர் சிவகார்த்திகேயன். சாதாரண நடுத்தர குடும்பத்தில் பிறந்து, எந்த சினிமா பின்புலமும் இல்லாமல் விஜய் டிவி மேடையில் மிமிக்ரி ஆர்டிஸ்டாக தொடங்கியவர், இன்று கோலிவுட்டில் முன்னணி நடிகர்களில் ஒருவராக உயர்ந்து நிற்கிறார். ஆரம்ப காலத்தில் "டிவியிலிருந்து வந்தவன் ஹீரோவா?" என்று கேலி செய்தவர்களும் இன்று அவரின் வளர்ச்சியை பார்த்து ஆச்சரியப்படுகிறார்கள்.

இந்த நிலையில் சமீபத்தில் நடுத்தெருவில் சாதாரணமாக நடந்து சென்ற சிவகார்த்திகேயனை சில ரசிகர்கள் சுற்றி வளைத்துள்ளனர். அப்போது அவரிடம், "சார், உங்க அடுத்த படம் அப்டேட் எப்போது வரும்?" என்று கேட்டிருக்கிறார்கள். அதற்கு எந்த தயக்கமும் இல்லாமல், சிரித்த முகத்தோடு "அடுத்த வாரம் சொல்றேன்" என்று சிவகார்த்திகேயன் பதிலளித்துள்ளார்.

சிவகார்த்திகேயனின் அடுத்த படம்

இந்த சின்ன வீடியோ தான் இப்போது சமூக வலைத்தளங்களில் வைரலாகி வருகிறது. பெரிய மேடையில் இல்லை, பிரமாண்டமான பிரஸ் மீட் இல்லை... சாமான்ய ரசிகரிடம் நடுத்தெருவிலேயே தன்னுடைய அடுத்த பட அப்டேட்டை சொல்லி சென்றது தான் ரசிகர்களை அதிகமாக கவர்ந்திருக்கிறது.

சமீபத்தில் வெளியான 'பராசக்தி' படத்தில் சிவகார்த்திகேயன் காட்டிய வேற லெவல் நடிப்பு, அவரை "காமெடி ஹீரோ" என்ற இமேஜிலிருந்து முழுமையாக வெளியே கொண்டு வந்தது. அந்தப் படம் தியேட்டரிலேயே இல்லாமல், ஓடிடி ரிலீஸிலும் நல்ல வரவேற்பைப் பெற்றது. "ஒரு பக்கம் நாட்டுக்காக நடிக்கும் படம், இன்னொரு பக்கம் தாய் மொழிக்காக நடிக்கும் படம்" என்று சிவகார்த்திகேயன் பேசிய வார்த்தைகள் கூட ரசிகர்கள் மத்தியில் வைரலானது. இதனால், அவரின் அடுத்த படத்தில் என்ன மாதிரியான கதையை தேர்வு செய்திருப்பார் என்ற எதிர்பார்ப்பு இன்னும் அதிகமாகியுள்ளது.

புதிய முயற்சி

மேலும், சிவகார்த்திகேயன் தற்போது நடிகர் மட்டுமல்ல, தயாரிப்பாளராகவும் தன்னை நிரூபித்துக் கொண்டிருக்கிறார். அவரின் தயாரிப்பு நிறுவனத்தின் மூலம் இளம் இயக்குநர்களுக்கு வாய்ப்பு கொடுத்து வருவதும், புதிய முகங்களை அறிமுகப்படுத்துவதும் பலரின் கவனத்தை ஈர்த்துள்ளது. அதனால், SK 26 வெறும் ஒரு ஹீரோ படம் மட்டுமல்லாமல், கொஞ்சம் வித்தியாசமான கான்செப்ட் கொண்ட படமாக இருக்கலாம் என்ற பேச்சும் சினிமா வட்டாரத்தில் ஓடிக்கொண்டிருக்கிறது.

பிறந்தநாள் ஸ்பெஷல்

இன்னொரு சுவாரசியமான விஷயம் என்னவென்றால், பிப்ரவரி 17 சிவகார்த்திகேயனின் பிறந்தநாள். பொதுவாக, அவருடைய பிறந்தநாள்களில் தான் டைட்டில் டீசர், ஃபர்ஸ்ட் லுக், அல்லது பெரிய அப்டேட் போன்றவை வெளியாகும் பழக்கம் இருக்கிறது. அதனால் இந்த முறை கூட, "அடுத்த வாரம் அப்டேட்" என்று அவர் சொன்னது, பிறந்தநாள் ஸ்பெஷலாக ஒரு அதிகாரப்பூர்வ அறிவிப்பு வரும் என்பதற்கான முன்னறிவிப்பாக ரசிகர்கள் எடுத்துக் கொண்டிருக்கிறார்கள்.

சாதாரணமாக ரோட்டில் நடந்து போகும் போதே ரசிகர்களோடு நின்று பேசுவது, செல்ஃபி எடுக்க அனுமதிப்பது, எந்த பெரிய ஸ்டார் ஆட்டிட்யூடும் இல்லாமல் பழகுவது - இதெல்லாம் தான் சிவகார்த்திகேயனை ரசிகர்கள் இன்னும் அதிகமாக நேசிக்க காரணம். அதனாலேயே, SK 26 பற்றிய ஒரு சின்ன வார்த்தை கூட, இப்போது சோஷியல் மீடியாவில் பெரிய அப்டேட்டாக மாறி பேசப்படுகிறது. அடுத்த வாரம் வரப்போகும் அதிகாரப்பூர்வ அறிவிப்பு என்ன, எந்த இயக்குநர், எந்த ஜானர், யார் ஹீரோயின் என்பதெல்லாம் தான் இப்போது ரசிகர்கள் மத்தியில் ஹாட் டாப்பிக்காக இருக்கிறது.