கரண்ட் கட்.. செந்தில் பாலாஜி சொன்ன ஒரே ஒரு வார்த்தை.. குபீருன்னு குவிந்த அணில் மீம்ஸ்!

Updated: Wednesday, June 23, 2021, 21:50 [IST]

Subscribe to Oneindia Tamil

சென்னை: திமுக ஆட்சிக்கு வந்த பிறகு அடிக்கடி மின் வெட்டு பிரச்சினை ஏற்பட, அணில்கள் கரண்ட் கம்பியில் தாவி சேதம் ஏற்படுத்துவதும் ஒரு காரணம் என்று மின் துறை அமைச்சர் செந்தில் பாலாஜி சொன்னாலும் சொன்னார், சமூக வலைத்தளங்கள் முழுக்க மீம்களால் நிரம்பி வழிகிறது.

உலகத்தின் மிகப்பெரிய ஆபத்தாம்

அணில்கள்தான் இந்த உலகம் பார்த்த மிகப்பெரிய ஆபத்து. அவஞ்சர்ஸ் கூடி விட்டன என்று கூறுகிறார் இந்த நெட்டிசன். ஊரையே அணில்கள் நாசம் செய்வது போன்ற ஒரு படத்தையும் அவர் இணைத்துள்ளார்.

10 வருஷமா வெளிநாடு

10 வருசமா வெளிநாட்டுல இருந்தோம். இப்போதான், தமிழ்நாடு வந்து கம்பிக்கு கம்பி தாவுனோம். அதான் கம்ப்ளைன்ட் செய்கிறார்கள் என 10 வருடமாக மின் வெட்டு இல்லாததை சொல்லிக்காட்டுகிறது இந்த மீம்.

அணில் இருக்கு

இனிமேல் கரண்ட் பிரச்சினை என்று வீட்டுக்கு எலக்ட்ரிஷியனை கூப்பிட்டால், சந்திரமுகி படத்து மாந்ரீகர் போல, வீட்டில் அணில் நடமாட்டம் இருக்குன்னு சொல்வாரோ என கூறுகிறது இந்த மீம்.

தெர்மாகோல் பற்றி கிண்டல் செஞ்சீங்களே

தெர்மாகோல் தண்ணீர் நீராவியாக மாறுவதை 32 சதவீதம் குறைக்க முடியும். ஆனால் நாம் அப்படிச் செய்த கடந்த ஆட்சி அமைச்சரை கிண்டல் செய்தோம். இப்போ அணில் பிரச்சினையில் இந்த ஆட்சி அமைச்சர் கிண்டலுக்குள்ளாகியுள்ளார் என்கிறார் இந்த நெட்டிசன்.