ராஜ ராஜன் இந்துவானு பஞ்சாயத்து போகுது! ஆனா.. அவர் சமாதியே சந்துல தான் இருக்கு! பொங்கிய நடிகர் சாம்ஸ்

Updated: Friday, October 14, 2022, 19:36 [IST]

Subscribe to Oneindia Tamil

சென்னை : சோழ மன்னர் ராஜராஜ சோழன் இந்துவா? இல்லையா? என விவாதங்கள் எழுந்துள்ள நிலையில், அவர் சமாதியே ஒரு சந்தில் இருப்பதால் அதனை சீரமைக்க நடவடிக்கை எடுக்க வேண்டும் என பிரபல காமெடி நடிகர் சாம்ஸ் பேசியுள்ளார்.

கடந்த சில நாட்களுக்கு முன்னர் நிகழ்ச்சியில் கலந்து கொண்ட இயக்குனர் வெற்றிமாறன் ராஜராஜ சோழன் குறித்துப் பேசிய கருத்துகள் தான் தற்போது தமிழக அரசியல் களத்தில் பேசு பொருளாக இருக்கிறது. நடிகர்கள் தொடங்கி அரசியல் கட்சியினர் வரை இரு அணியாக பிரிந்து கருத்து தெரிவித்து வருகின்றனர்.

சென்னையில் நடைபெற்ற அந்த நிகழ்ச்சியில் பேசிய இயக்குனர் வெற்றிமாறன்," திருவள்ளுவருக்கு காவி உடை அணிவிப்பதாகட்டும், ராஜராஜ சோழனை இந்து அரசனாக்குவதாகட்டும் இப்படி தொடர்ந்து நடக்கிறது" என பேசினார்.

வெற்றிமாறன்

மேலும்," சினிமாவிலும் அடையாளங்கள் பறிக்கப்படுகின்றன. இந்த அடையாளங்களை நாம் காப்பாற்றிக்கொள்ள வேண்டும். நம்முடைய விடுதலைக்காக நாம் போராட வேண்டும் என்றால் நாம் அரசியல் தெளிவோடு இருக்க வேண்டும். நடக்கவிருந்த ஆர்எஸ்எஸ் பேரணியே இதற்கெல்லாம் ஒரு உதாரணம் தான் என நினைக்கிறேன். நாம் ஒன்றிணைந்து செயல்பட வேண்டும். நான் என்னால் முடிந்த பங்களிப்பைக் கொடுப்பேன்'' என்றார்.

ஆதரவும் எதிர்ப்பும்

இயக்குனர் வெற்றிமாறனின் கருத்துக்கு நடிகர்கள் ஒருபுறம் ஆதரவும் மற்றொரு தரப்பினர் எதிர்ப்பும் தெரிவித்து வருகின்றனர். நடிகரும் முன்னாள் எம்எல்ஏவும் கருணாஸ் வெற்றிமாறனுக்கு ஆதரவு தெரிவித்தார். அதே நேரத்தில் சரத்குமார் எதிர்ப்பு தெரிவித்தார்.

பலத்த விவாதம்

இதேபோல காங்கிரஸ் திமுக உள்ளிட்ட பல கட்சியினர் வெற்றிமாறனுக்கு ஆதரவாகவும், பாஜக அதிமுக உள்ளிட்ட பல கட்சிகள் வெற்றிமாறனுக்கு எதிராகவும் கருத்திட்டு வருகின்றனர். இதன் காரணமாக தற்போது திருவள்ளுவர், வள்ளலார் உள்ளிட்டோர் குறித்த விவாதங்களும் நடைபெற்று வருகிறது. இந்நிலையில் இந்து என்ற மதம் உள்ளதா? என சிலர் சமூக வலைதளங்களிலும் அரசியலிலும் கருத்துகளை பகிர்ந்து வருகின்றனர்.

காமெடி நடிகர் சாம்ஸ்

இந்நிலையில் இது தொடர்பாக பேசியுள்ள பிரபல காமெடி நடிகரான சாம்ஸ்," மன்னர் ராஜராஜா சோழன் இந்துவா? இல்லையா? என விவாதங்கள் எழுந்துள்ளது. அவரு சமாதியே ஒரு சந்தில் இருப்பதால் அதனை சீரமைக்க நடவடிக்கை எடுக்க வேண்டும் . மத்திய அரசோ அல்லது மாநில அரசு நினைவிடத்தை சீரமைத்தால் நன்றாக இருக்கும்" என்றார்.