சங்கீதாவை பிரிஞ்சதுமே திரிஷாவுடன் குளோஸா? தவெக தலைவரின் அரசியல் கணக்கை மாற்றிய அந்த ரகசிய சந்திப்பு

Updated: Friday, March 6, 2026, 16:38 [IST]

Subscribe to Oneindia Tamil

சென்னை: தமிழக அரசியலில் நடிகர் விஜய் எடுத்துள்ள தவெக என்ற புதிய அவதாரம், ஆரம்பம் முதலே பல விவாதங்களை கிளப்பி வருகிறது.. சினிமா பிரபலங்கள் அரசியலுக்கு வரும்போது அவர்களின் திரைத்துறை சார்ந்த நட்புகளும், தனிப்பட்ட வாழ்க்கை முறைகளும் பொதுவெளியில் விமர்சனத்திற்கு உள்ளாவது தமிழகத்திற்குப் புதியதல்ல.. ஆனால், விஜய் விவகாரம் சற்று வித்தியாசமாக உள்ளது...!!

அரசியல் மற்றும் சினிமா கலக்கும் தருணங்கள் தமிழகத்தில் புதிதல்ல.. ஆனால் சில நேரங்களில் ஒரு சிறிய நிகழ்வு கூட பெரிய அரசியல் விவாதமாக மாறிவிடும்.. அப்படித்தான் விஜய் - திரிஷா சம்பந்தப்பட்ட சர்ச்சைகளும்..

Vijay Trisha Sangeetha TVK Leader Tamilaga Vettri Kazhagam

இது ஒரு சாதாரண சினிமா நட்பு சம்பவமாக பார்க்கப்பட வேண்டுமா அல்லது அரசியல் கோணத்தில் மதிப்பிட வேண்டுமா என்பது குறித்து பல தரப்புகளில் கருத்துக்கள் எழுந்துள்ளன..

தவெக தலைவர்

தற்போதைய சூழலில் நடிகை த்ரிஷாவுடனான நட்பு மற்றும் சங்கீதா தொடர்பான வதந்திகள் சோஷியல் மீடியாவில் பேசுபொருளாக மாறியுள்ளது.. ஒரு அரசியல் கட்சித் தலைவர் இப்படிச் செய்யலாமா என்கிற கேள்வி எழும்போது, அந்த செயலின் பின்னணியில் உள்ள உண்மைத்தன்மை மற்றும் அதன் அரசியல் தாக்கம் ஆகியவற்றை நடுநிலையுடன் அலசுவதும் அவசியமாகிறது..

பொதுவாக ஒரு கட்சியின் தலைவராக உருவெடுப்பவர் பொதுவாழ்வில் ஒழுக்கமான பிம்பத்தைக் கொண்டிருக்க வேண்டும் என்று மக்கள் எதிர்பார்ப்பது இயல்பானது..

விஜய் - த்ரிஷா விவகாரம்

விஜய் - த்ரிஷா விவகாரத்தை பொறுத்தவரை, இது வெறும் சினிமா நட்பா அல்லது அதற்கு அப்பால் ஏதேனும் உண்டா என்பது இன்றுவரை அதிகாரப்பூர்வமாக உறுதிப்படுத்தப்படாத ஒன்று..

சங்கீதா தொடர்பான வழக்குகள் அல்லது குற்றச்சாட்டுகள் நிலுவையில் இருப்பதாகக் கூறப்படுவதை நாம் சட்டப்பூர்வமாகவும், ஆதாரப்பூர்வமாகவும் அணுக வேண்டும்..

ஒரு அரசியல் தலைவர் தனது பொது வாழ்க்கையில் எடுக்கும் ஒவ்வொரு நடவடிக்கையும் மக்களாலும், கட்சி தொண்டர்களாலும் வேறுபட்ட பார்வையில் பார்க்கப்படும் என்பது அரசியல் நிதர்சனம்..

சங்கீதா கேஸ்

ஒரு நபரின் தனிப்பட்ட வாழ்க்கை என்பது அவர் அரசியலுக்கு வரும்போது பொது வாழ்க்கையின் ஒரு அங்கமாக மாறிவிடுகிறது.. எனவே, இதை வெறும் "பர்சனல்" என்று கடந்து செல்வது ஒரு அரசியல் தலைவருக்கு சவாலான காரியம்.. அதேநேரம், உறுதிப்படுத்தப்படாத தகவல்களின் அடிப்படையில் ஒருவரின் அரசியல் தகுதியை எடைபோடுவதும் தர்மமல்ல..

தேர்தல் நெருங்கும் வேளையில் இத்தகைய சர்ச்சைகள் கட்சித் தொண்டர்களிடையே ஒருவித குழப்பத்தை ஏற்படுத்தக்கூடும்.. குறிப்பாக குடும்ப பெண்களின் வாக்குகளை பெறுவதில் இது பின்னடைவைத் தர வாய்ப்புள்ளது..

திரிஷா கிசுகிசு

அதுமட்டுமல்ல, எதிர்க் கட்சிகள் இத்தகைய தனிப்பட்ட விமர்சனங்களை அரசியல் ஆயுதமாக பயன்படுத்தக்கூடும் என்பதால், தொண்டர்கள் தங்கள் தலைவரின் பிம்பத்தை பாதுகாக்கப் போராட வேண்டிய சூழல் உருவாகிறது..

அதற்காக த்ரிஷாவுடனான நட்பை ஒரு "சினிமா நட்பு" எனச் சுருக்கிவிட முடியுமா அல்லது இது விஜய் எடுத்த -"புத்திசாலித்தனமான முடிவு" தானா என்பதிலும் மாற்றுக் கருத்துக்கள் உள்ளன.. ஒருவேளை இத்தகைய கிசுகிசுக்கள் கவனத்தை ஈர்க்கும் உத்தியாகக் கருதப்பட்டால், அது நீண்ட கால அரசியலில் எதிர்மறையான விளைவையே தரும்..

எனவே, தமிழக அரசியல் களம் எப்போதும் தனிநபர் விமர்சனங்களைத் தாண்டி கொள்கை ரீதியாக நகர வேண்டும் என்பதே நடுநிலையாளர்களின் விருப்பம்..

புத்திசாலித்தனமான முடிவு?

சில அரசியல் பார்வையாளர்கள் இதை விஜய்யின் புத்திசாலித்தனமான முடிவாகவும் பார்க்க முயற்சிக்கிறார்கள்.. சினிமா நட்பை தொடர்வது அவரது இயல்பான தன்மை என்பதை காட்டும் முயற்சியாகவும் இதை விளக்குகிறார்கள்.. அதாவது தனது வாழ்க்கையை செயற்கையாக மாற்றாமல் இருப்பது ஒரு நேர்மையான அணுகுமுறையாகவும் அவர்கள் கருதுகின்றனர்..

ஆனால் இறுதியாக முடிவு செய்யப் போவது மக்கள் மனநிலையே என்பது அரசியல் உண்மை.. ஒரு சம்பவம் சிலருக்கு சாதாரணமாக தோன்றலாம்.. ஆனால் தேர்தல் அரசியலில் அதே விஷயம் சில நேரங்களில் பெரிய விவாதமாக மாறிவிடும்..

அரசியல் உலகத்தில் தனிப்பட்ட வாழ்க்கையும் பொது வாழ்க்கையும் பல நேரங்களில் கலந்துவிடுகிறது.. அந்த எல்லையை எங்கே வரைய வேண்டும் என்பது தான் ஒரு தலைவரின் மிகப்பெரிய சோதனை ஆகிறது..

அரசியல் தூய்மை

விஜய் ஒரு தேர்ந்த அரசியல்வாதியாகத் தன்னை நிலைநிறுத்திக் கொள்ள வேண்டுமானால், இத்தகைய சர்ச்சைகளுக்குத் முற்றுப்புள்ளி வைத்துவிட்டு மக்களின் தேவைகளை நோக்கித் தன் பயணத்தைத் தொடர வேண்டும்..

தனிப்பட்ட விவகாரங்கள் ஒருவரின் அரசியல் வாழ்வைத் தீர்மானிக்கக் கூடாது என்றாலும், ஒரு தலைவன் என்பவன் முன்னுதாரணமாக இருக்க வேண்டும் என்பதே எதார்த்தம்.. தேர்தல் களத்தில் மக்களின் தீர்ப்பு என்பது ஒருவரின் கொள்கைக்கும், நேர்மைக்கும் வழங்கப்படும் அங்கீகாரமாகவே இருக்கும்..!!