நாட்படு தேறல்- 8-வது பாடல்.... 3 தலைமுறை வாழ்வியல் மாற்றங்களுடன் கண்ணீரை வரவழைக்கும் தாலாட்டு பாடல்!
சென்னை: கவிப்பேரரசு வைரமுத்துவின் நாட்படு தேறல் தொகுப்பின் 8-வது பாடல் வெளியிடப்பட்டுள்ளது. மூன்று தலைமுறை வாழ்வியல் மாற்றங்களுடன் நெகிழ்ச்சிக் கண்ணீரை வரவழைக்கும் தாலாட்டு பாடலாக இந்த 8-ம் பாடல் அமைந்துள்ளது பெரும் வரவேற்பைப் பெற்றுள்ளது.
கவிப்பேரரசு வைரமுத்து நாட்படு தேறல் என்ற தலைப்பில் 100 பாடல்களை உருவாக்கி உள்ளார். 100 இசையமைப்பாளர்கள், 100 இயக்குனர்கள், 100 பாடகர்களுடன் வைரமுத்துவின் 100 பாடல்கள் உருவாக்கப்பட்டுள்ளன.
ஏப்ரல் 18-ந் தேதி கலைஞர் டிவி மற்றும் இசையருவி சேனல்களில் முதல் பாடல் ஒளிபரப்பானது. தற்போது 8-வது பாடல் வெளியிடப்பட்டுள்ளது. மூன்று தலைமுறை வாழ்வியல் மாற்றங்களுடன் நெகிழ வைக்கும் தாலாட்டுப் பாடலாக இது அமைந்துள்ளது.
இது தொடர்பாக தமது ட்விட்டர் பக்கத்தில் வைரமுத்து பதிவிட்டுள்ளதாவது:
நாட்படு தேறல்
எட்டாம் பாடல்
ஒரே பாட்டுக்குள்
மூன்று தாலாட்டு
1960 - 1990 - 2020
மூன்று தலைமுறைகளின்
வாழ்வியல் மாற்றங்கள்
பி.சுசீலா - சித்ரா - ஹரிணி
இது ஒரு சோதனை முயற்சி
என் திரைப்பயணத்தில்
இப்படியொரு தாலாட்டு எழுதியதில்லை.
இதில்
ஏதோ ஒரு தலைமுறையில்
நீங்களும் இருப்பீர்கள்
நாட்படு தேறலின் 8-வது பாடல்:
Click it and Unblock the Notifications
Sign in with Google