யாரையும் இழிவுபடுத்தக்கூடாது.. மீறினால் சட்டப்படி நடவடிக்கை...எச்சரித்த புஸ்சி ஆனந்த்

விஜய் அறிவுறுத்தலை மீண்டும் யாரேனும் மீறினால், இனி அவர்களை இயக்கத்தை விட்டு நீக்குவதோடு அவர்கள் மீது சட்டப்பூர்வ நடவடிக்கை மேற்கொள்ளப்படும் என்று விஜய் மக்கள் இயக்க அகில இந்திய தலைவர் புஸ்சி ஆனந்த் கூறியுள்ளார்.

சென்னை: யாரையும் எக்காலத்திலும் இழிவு படுத்தும் வகையில் பத்திரிக்கை , இணைய தளங்களில் போஸ்டர்களின் என எந்தத்தளத்திலும் எழுதவோ, பதிவிடவோ, மீம்ஸ் உள்ளிட்ட எதனையும் இயக்கத்தினர் வெளியிடக்கூடாது என்று விஜய் மக்கள் இயக்க அகில இந்திய தலைவர் புஸ்சி ஆனந்த் கூறியுள்ளார். மீறுபவர்கள் மீது சட்டப்பூர்வ நடவடிக்கை மேற்கொள்ளப்படும் என்றும் புஸ்சி ஆனந்த் எச்சரித்துள்ளார்.

விஜய் நடிக்கும் பீஸ்ட் திரைப்படம் ஏப்ரல் 13 ஆம் தேதி வெளியாகிறது. இந்தப் படத்தைத்தொடர்ந்து இயக்குநர் வம்சி பைடிபள்ளியுடன் கைகோர்க்கிறார் விஜய். 'தளபதி 66' என அடைமொழியிடப்பட்ட அந்தப் படத்தில் விஜய்க்கு ஜோடியாக ராஷ்மிகா மந்தனா நடிக்கிறார். அவரது பிறந்த நாளான நேற்று இந்த அறிவிப்பு வெளியிடப்பட்டது.

விஜய் ரசிகர்கள் ராஷ்மிகா மந்தனாவை எவ்வளவு தான் வேண்டாம் என சொல்லி வந்தாலும், அவர் தான் விஜய்யின் தளபதி 66 படத்துக்கு ஹீரோயின் என தற்போது அதிகாரப்பூர்வமாக அறிவிக்கப்பட்டுள்ளார். இந்த அறிவிப்பை பெரும்பாலான விஜய் ரசிகர்களும் வேறு வழியின்றி ஏற்று வருகின்றனர்.

தளபதி 66 பட பூஜை

எஸ்.வி.சி. கிரியேஷன் தயாரிக்கும் இந்தப் படத்திற்கு இசையமைப்பாளர் தமன் இசையமைக்கிறார். தமிழ், தெலுங்கு இரண்டு மொழிகளில் படம் வெளியாக உள்ளது. இந்நிலையில் இந்தப் படத்தின் படப்பிடிப்பு பூஜையுடன் இன்று சென்னையில் தொடங்கியுள்ளது. இது தொடர்பான புகைப்படங்கள் சமூக வலைதளங்களில் வைரலாக பரவி வருகின்றன.

மீம்ஸ் மரண பங்கம்

சிலர், ராஷ்மிகா தயவுசெய்து வேணாம். அப்படியே போட்டாலும் படம் தொடங்கி இருபது நிமிஷத்தில் அவர் கதையை முடித்துவிடுங்கள் என்றெல்லாம் விமர்சித்து கிண்டல் செய்து ரசிகர்கள் பதிவிட்டனர். இது பலரது மனதை காயப்படுத்தியிருக்கும் என்றாலும் பட பூஜையில் உற்சாகமாகவே பங்கேற்றார் ராஷ்மிகா.

புஸ்சி ஆனந்த் அறிக்கை

இந்த நிலையில் விஜய் மக்கள் இயக்க அகில இந்திய தலைவர் புஸ்சி ஆனந்த் தனது ட்விட்டர் பக்கத்தில் அறிக்கை ஒன்றை பதிவிட்டுள்ளார். அதில் அரசுப்பதவிகளில் உள்ளோர்களை, அரசியல் கட்சித்தலைவர்களை மற்றும் யாரையும் எக்காலத்திலும் இழிவு படுத்தும் வகையில் பத்திரிக்கை , இணைய தளங்களில் போஸ்டர்களின் என எந்தத்தளத்திலும் எழுதவோ, பதிவிடவோ, மீம்ஸ் உள்ளிட்ட எதனையும் இயக்கத்தினர் வெளியிடக்கூடாது என்று குறிப்பிட்டுள்ளார்.

கடும் நடவடிக்கை

இது நம்முடைய தளபதி விஜய் அவர்களின் உத்தரவின் பேரில் ஏற்கனவே பலமுறை இயக்கத்தைச் சேர்ந்தவர்களுக்கு அறிவுறுத்தியிருக்கிறோம். அதனை மீறியவர்கள் மீது நடவடிக்கை எடுத்து இயக்கத்தை விட்டும் நீக்கியுள்ளோம்.

சட்டப்படி நடவடிக்கை பாயும்

இருப்பினும் நம் தளபதி அவர்களின் அறிவுறுத்தலை மீண்டும் யாரேனும் மீறினால், இனி அவர்களை இயக்கத்தை விட்டு நீக்குவதோடு அவர்கள் மீது சட்டப்பூர்வ நடவடிக்கை மேற்கொள்ளப்படும் என்பதை தளபதி விஜய் உத்தரவின் பேரில் இயக்கத்தை சேர்ந்தவர்களுக்கு தெரியப்படுத்திக்கொள்கிறேன் என்று புஸ்ஸி ஆனந்த் தனது ட்விட்டர் பக்கத்தில் பதிவிட்டுள்ளார்.

English summary

Bussy Anand Statement: (புஸ்சி ஆனந்த் அறிக்கை) Bussy Anand the All India leader of the Vijay Makkal iyakkam, has said that the movement should not publish anything, including memes, on any site, such as posters or posters on the press or website, in a way that would insult anyone at any time. Bussy Anand also warned that legal action would be taken against the violators.