சோனமுத்தா இந்த ஏப்ரலும் இல்லையாம்.. ஆகஸ்ட் 15-ல்தான் ரஜினிகாந்த் கட்சி பெயர் அறிவிப்பாம்? வருஷம்?
சென்னை: நடிகர் ரஜினிகாந்த் தமது கட்சியின் பெயரை ஏப்ரல் மாதம் அறிவிப்பதை ஒத்திவைத்துள்ளாராம். வரும் ஆகஸ்ட் 15-ந் தேதியன்று ரஜினிகாந்த் கட்சியின் பெயரை அறிவிக்க வாய்ப்புள்ளதாகவும் கூறப்படுகிறது.
Recommended Video
சென்னை ராகவேந்திரா திருமண மண்டபத்தில் அரைநாள் கூத்தாக ரஜினிகாந்த் நடத்திய மக்கள் மன்றத்தின் மாவட்ட செயலாளர்கள் கூட்டத்தை முன்வைத்துதான் எத்தனை ட்வீஸ்ட்.. அப்பப்பா. அதுவும் அந்த 2 மணிநேர ஆலோசனை கூட்டத்திலேயே ஏமாற்றம் அடைந்துவிட்டேன் என ரஜினிகாந்த் போட்ட பிட் இருக்கே அடேங்கப்பா
இன்னும் ஏகப்பட்ட நாளைக்கான விவாதமாக இருக்கப் போகிறார் ரஜினிகாந்த். இந்த நிலையில் ரஜினிகாந்த் தமது மக்கள் மன்ற நிர்வாகிகள் அடிப்படை கட்டமைப்பு பணிகளை மேற்கொள்ளாததில் கடும் அதிருப்தியில் இருப்பது உறுதியாகி இருக்கிறது
இதனைத்தான் ஏமாற்றம் அடைந்துவிட்டதாக ரஜினி கூறியிருக்கிறார். இந்நிலையில் இன்னும் 4 மாதங்களுக்குள் அனைத்து கட்டமைப்பு பணிகளையும் முடிக்க வேண்டும் என்று ரஜினிகாந்த் உத்தரவிட்டிருக்கிறாராம்.
இதனடிப்படையில் தற்போது ஆகஸ்ட் 15-ந் தேதி ரஜினிகாந்த் கட்சி பெயரை அறிவிக்க திட்டமிட்டுள்ளார். இதற்காகத்தான் இந்த 4 மாத கெடு விதித்திருக்கிறார் என ஒரு புதிய தகவல் பரவி வருகிறது. ஏற்கனவே ரஜினி கட்சி ஆரம்பிப்பார் என கூறப்பட்ட பல டிசம்பர், ஏப்ரல் மாதங்கள் உருண்டோடிவிட்டன. ஆண்டுகளும் காணாமல் போய்விட்டன.
இப்போது ரஜினி முகாமுக்கு ஒரு ஆகஸ்ட் 15-ந் தேதி கிடைக்கிறது. இந்த ஆகஸ்ட் 15-ந் தேதிக்காவது எந்த ஆண்டு என்கிற விமோசனம் கிடைத்தால் நன்றாகத்தான் இருக்கும்!
சோனமுத்தா!