தமிழக சட்டசபை கூட்டத்தொடர் 2026 LIVE : ஆளுநரின் மைக் ஆஃப் செய்யப்படவில்லை- அமைச்சர் ரகுபதி விளக்கம்

Updated: Tuesday, January 20, 2026, 12:46 [IST]

Subscribe to Oneindia Tamil

சென்னை: தமிழ்த் தாய் வாழ்த்து பாடுவதுதான் சட்டசபை மரபு, சட்டசபையிலேயே பிரச்சினை செய்ய ஆளுநர் முயன்றார், ஆளுநரின் மைக்கை யாரும் ஆஃப் செய்யப்படவில்லை என சட்டத்துறை அமைச்சர் ரகுபதி விளக்கம் அளித்துள்ளார்.

Tamil Nadu Assembly Session Tamil Nadu RN Ravi Politics

Jan 20, 2026, 12:03 pm IST

சபாநாயகர் அப்பாவு செய்தியாளர் சந்திப்பு

சபை மரபு, சட்டதிட்டத்திற்கு உட்பட்டு நாங்கள் பேசுகிறோம்- அப்பாவு

அரசின் குறைகளைச் சொல்ல ஆளுநர் ஒன்றும் அரசியல்வாதி இல்லை- அப்பாவு

ஆளுநர் மாளிகையை விட்டு வெளியேறி ஒரு அரசியல் கட்சியில் சேர்ந்துவிட்டுப் பேசலாம்- அப்பாவு

ஆளுநர் என்பவர் அரசியலமைப்பின் பிரதிநிதி, சபையின் மாண்பை அவர் மதிக்க வேண்டும்- அப்பாவு

Jan 20, 2026, 12:03 pm IST

ஆளுநர் மைக் அணைக்கப்பட்டதாக எழுந்த குற்றச்சாட்டுக்கும் சபாநாயகர் அப்பாவு விளக்கம்

ஆளுநர் தனது பணியைத் தாண்டி, அவையில் பேசுவது மரபு இல்லை- சபாநாயகர் அப்பாவு

அப்படித் தாண்டி பேசும்போது தான் தலையிட வேண்டி இருக்கிறது- சபாநாயகர் அப்பாவு

சபாநாயகர் என்ற முறையில் நான் பேசும்போது, மற்ற மைக்குகள் நிறுத்தப்படும் - சபாநாயகர் அப்பாவு

அப்படி தான் ஆளுநர் மைக் நிறுத்தப்பட்டு இருக்கலாம்- சபாநாயகர் அப்பாவு

Jan 20, 2026, 11:47 am IST

தமிழக சட்டசபை கூட்டத் தொடர் வரும் 24 ஆம் தேதி வரை நடைபெறும்- அப்பாவு

22, 23- ஆம் தேதி ஆளுநர் உரை மீதான விவாதம் நடைபெறும்

வரும் 24 ஆம் தேதி வரை சட்டசபை கூட்டத்தை நடத்த அலுவல் ஆய்வுக் குழு கூட்டத்தில் முடிவு

சேந்தமங்கலம் எம்எல்ஏ மறைவுக்கு இரங்கல் தெரிவித்து நாளைய கூட்டம் ஒத்தி வைப்பு

Jan 20, 2026, 11:22 am IST

தமிழ்த் தாய் வாழ்த்து பாடுவதுதான் சட்டசபை மரபு, சட்டசபையிலேயே பிரச்சினை செய்ய ஆளுநர் முயன்றார், ஆளுநரின் மைக்கை யாரும் ஆஃப் செய்யப்படவில்லை- அமைச்சர் ரகுபதி விளக்கம்

Jan 20, 2026, 11:21 am IST

ஆளுநர் வெளியேறிய நிலையில், அவரது உரையை அப்பாவு வாசித்து வருகிறார். தொழிலாளர் நலத்துறை சார்பில் 3 லட்சம் வேலைவாய்ப்புகள் உருவாக்கப்பட்டுள்ளன. ஒருங்கிணைந்த விளையாட்டு அறிவியல் மையம் அமைக்கப்பட்டுள்ளது. ஜல்ஜீவன் திட்டத்தில் வழங்க வேண்டிய 3,112 கோடியை மத்திய அரசு வழங்கவில்லை என்று தெரிவிக்கப்பட்டுள்ளது.

Jan 20, 2026, 11:02 am IST

திமுக ஆட்சியில் சட்டம் ஒழுங்கு பிரச்சனை தலைவிரித்தாடுகிறது. ஆளுநர் மீது தவறான எண்ணத்தை திமுக உருவாக்குகிறது. ஆளுநர் தவறை சுட்டிக் காட்டியுள்ளார் என்று எடப்பாடி பழனிசாமி தெரிவித்துள்ளார். திமுக ஆட்சியில் சட்டம் ஒழுங்கு பிரச்சனை தலைவிரித்தாடுகிறது. ஆளுநர் மீது தவறான எண்ணத்தை திமுக உருவாக்குகிறது. ஆளுநர் தவறை சுட்டிக் காட்டியுள்ளார் என்று எடப்பாடி பழனிசாமி தெரிவித்துள்ளார்.

Jan 20, 2026, 10:54 am IST

தொழிலாளர் நலத்துறை சார்பில் 3 லட்சம் வேலைவாய்ப்புகள் உருவாக்கப்பட்டுள்ளன. ஒருங்கிணைந்த விளையாட்டு அறிவியல் மையம் அமைக்கப்பட்டுள்ளது. ஜல்ஜீவன் திட்டத்தில் வழங்க வேண்டிய 3,112 கோடியை மத்திய அரசு வழங்கவில்லை என்று ஆளுநர் உரையில் தெரிவிக்கப்பட்டுள்ளது.

Jan 20, 2026, 10:47 am IST

தனியார் வேலைவாய்ப்பு முகாம் மூலமாக 5 ஆண்டுகளில் 3 லட்சம் பேருக்கு பணி வழங்கப்பட்டுள்ளது. 41 புதிய அரசு தொழில் பயிற்சி மையங்கள் திறக்கப்பட்டுள்ளன - ஆளுநர் உரை

Jan 20, 2026, 10:45 am IST

தமிழ்நாட்டில் கலைஞர் கனவு இல்ல திட்டத்தின் மூலம் 1 லட்சம் வீடுகள் கட்டப்பட்டுள்ளன. போதை இல்லா தமிழ்நாடு இயக்கம் என்ற முன்னோடி திட்டம் செயல்படுத்தப்பட்டுள்ளது. தமிழ்நாட்டில் காலனி என்ற சொல்லை நீக்கி அரசாணை வெளியிடப்பட்டுள்ளதாக ஆளுநர் உரையில் தெரிவிக்கப்பட்டுள்ளது.

Jan 20, 2026, 10:41 am IST

ஆளுநர் வெளிநடப்பு செய்த நிலையில், ஆளுநர் உரையை சபாநாயகர் அப்பாவு தமிழில் வாசித்து வருகிறார். 4,432 பள்ளிகளின் உட்கட்டமைப்பு மேம்படுத்தப்பட்டுள்ளாகவும், திறமை வாய்ந்த வீரர்கள் அடையாளம் காணப்பட்டு சர்வதேச விளையாட்டுப் போட்டிகளுக்கு பயிற்சி வழங்கப்பட்டு வருவதாகவும் அப்பாவு தெரிவித்துள்ளார்.

Jan 20, 2026, 10:29 am IST

அரசு ஊழியர்களின் குறைகளை தீர்ப்பதற்கான அம்சங்கள் உரையில் இல்லை. தமிழக அரசுத் துறையில் கீழ்மட்ட ஊழியர்களிடையே கடும் அதிருப்தி நிலவுகிறது என்று ஆளுநர் மாளிகை தரப்பில் தெரிவிக்கப்பட்டுள்ளது.

Jan 20, 2026, 10:18 am IST

இந்தியாவின் தற்கொலை தலைநகராக தமிழ்நாடு கருதப்படுகிறது. தமிழ்நாட்டில் ஓராண்டில் 20 ஆயிரம் பேர் தற்கொலை செய்துள்ளனர். தினமும் 65 பேர் தற்கொலை செய்து வருகின்றனர் என்று ஆளுநர் மாளிகை தரப்பில் குற்றம் சாட்டப்பட்டுள்ளது.

Jan 20, 2026, 10:18 am IST

இளைஞர்களின் எதிர்காலத்தை சீரழிக்கும் போதை மருந்து விவகாரம் புறக்கணிக்கப்பட்டுள்ளது. போதை காரணமாக ஓராண்டில் 2 ஆயிரம் இளைஞர்கள் தற்கொலை செய்துள்ளனர். பள்ளி மாணவர்களிடையே போதைப் பழக்கம் அதிகரித்துள்ளது என்று மக்கள் மாளிகை வெளியிட்டுள்ள அறிக்கையில் தெரிவிக்கப்பட்டுள்ளது.

Jan 20, 2026, 10:14 am IST

பல ஆயிரம் கோயில்களில் அறக்காவல் குழுக்கள் அமைக்கப்படவில்லை. சட்டமன்றத்தில் தேசிய கீதம் மீண்டும் அவமதிக்கப்பட்டுள்ளது என்று ஆளுநர் மாளிகை தரப்பில் கூறப்பட்டுள்ளது.

Jan 20, 2026, 10:11 am IST

பாலியல் சம்பவங்கள் 33 சதவீதம் அதிகரித்துள்ளது. தமிழகத்தில் பெண்கள் பாதுகாப்பு முற்றிலும் புறக்கணிக்கப்பட்டுள்ளது. பட்டியலின பெண்கள் மீதான பாலியல் அத்துமீறல் அதிகரித்துள்ளது என்று ஆளுநர் மாளிகை விளக்கம்.

Jan 20, 2026, 10:11 am IST

ஆளுநர் உரையில் உண்மைக்கு முற்றிலும் புறம்பான தகவல்கள் இருந்தன. ரூ. 12 லட்சம் கோடி முதலீடுகள் வந்ததாக என்று கூறுவது தவறானது. முதலீடுகளை ஈர்ப்பதில் 4 ஆம் இடத்தில் இருந்த தமிழ்நாடு இப்போது 6 ஆம் இடத்திற்குச் சென்றுவிட்டது. பெரும்பாலான ஒப்பந்தங்கள் காகிதங்கள் நிலையிலேயே உள்ளன. பெண்கள் பாதுகாப்பு புறக்கணிப்பு, பாலியல் சம்பவங்கள் 33 சதவீதம் அதிகமாகியுள்ளதாகவும் ஆளுநர் மாளிகை விளக்கத்தில் தெரிவிக்கப்பட்டுள்ளது.

Jan 20, 2026, 10:04 am IST

சட்டமன்ற வெளிநடப்பு குறித்து ஆளுநர் மாளிகை விளக்கம் அளித்துள்ளது. சட்டமன்றத்தில் ஆளுநரை உரையாற்றவிடவில்லை, ஆளுநர் ரவி உரையாற்றியபோது மைக் ஆஃப் செய்யப்பட்டதாகவும், ஆளுநர் உரையில் பல ஆதாரமற்ற கூற்றுகள் இருந்ததாகவும் தெரிவிக்கப்பட்டுள்ளது.

Jan 20, 2026, 10:00 am IST

உரையை வாசிக்காமல் ஆளுநர் சென்ற நிலையில், அதன் தமிழாக்கத்தை சபாநாயகர் அப்பாவு வாசித்து வருகிறார்.

Jan 20, 2026, 9:55 am IST

ஆளுநர் உரையோடு அவை தொடங்க வேண்டும் என்ற பேரவை விதியை அரசியல் அமைப்பில் திருத்த முயல்வோம். நாடாளுமன்றத்தில் திருத்தம் கொண்டுவர பிற மாநில கட்சிகளோடு சேர்ந்து திமுக நடவடிக்கை எடுக்கும் என்று முதல்வர் ஸ்டாலின் தெரிவித்துள்ளார்.

Jan 20, 2026, 9:54 am IST

தமிழகத்தில் பாதுகாப்பு இல்லை எனக் கூறி சட்டமன்றத்தில் அதிமுகவினர் முழக்கமிட்டு, வெளிநடப்பு செய்தனர்.

Jan 20, 2026, 9:52 am IST

தமிழகத்தில் சட்டம் ஒழுங்கு பாதிப்பு என கூறி சட்டமன்றத்தில் அதிமுக எம்எல்ஏக்கள் அமளியில் ஈடுபட்டுள்ளனர்.

Jan 20, 2026, 9:52 am IST

ஆளுநர் வெளியேறிய நிலையில், ஆளுநர் உரையில் உள்ளது மட்டுமே அவைக் குறிப்பில் இடம்பெறும் என்று முதலமைச்சர் ஸ்டாலின் தீர்மானம் கொண்டு வந்தார். அதைத்தொடர்ந்து, உறுப்பினர்களின் ஆதரவுடன் தீர்மானம் நிறைவேற்றப்பட்டதாக சபாநாயகர் அப்பாவு அறிவித்துள்ளார்.

Jan 20, 2026, 9:46 am IST

ஆட்டுக்கு தாடியும், நாட்டுக்கு ஆளுநரும் எதற்கு என அண்ணா கூறியிருந்தார். ஆளுநர் ஏற்கனவே நடந்து கொண்டதைப் போல இப்போது மீண்டும் நடந்து கொண்டுள்ளார். அரசமைப்பை ஆளுநர் மீறியுள்ளார். உரையை வாசிக்காமல் ஆளுநர் சென்றதை சட்டப்பேரவை ஏற்கவில்லை. மக்கள் சபையை ஆளுநர் அவமதித்துள்ளார் என்று முதல்வர் ஸ்டாலின் கூறியுள்ளார்.

Jan 20, 2026, 9:44 am IST

மக்கள் சபையை ஆளுநர் அவமதித்துள்ளார் என்று முதல்வர் ஸ்டாலின் கூறியுள்ளார்.

Jan 20, 2026, 9:44 am IST

தேசிய கீதம் பாடப்பட வேண்டும் என்று ஆளுநர் வலியுறுத்திய நிலையில், பேரவை மரபின்படி தமிழ்த்தாய் வாழ்த்தே பாடப்படும் என்று சபாநாயகர் அப்பாவு பதில் அளித்ததையடுத்து ஆளுநர் வெளியேறினார்.

Jan 20, 2026, 9:43 am IST

சட்டமன்றக் கூட்டத் தொடர் தொடங்கும் முன் தேசிய கீதம் பாடப்பட வேண்டும் என்று வலியுறுத்தி வெளியேறினார் ஆளுநர் ஆர்.என்.ரவி.

Jan 20, 2026, 9:41 am IST

தமிழக சட்டமன்றத்தின் நடப்பாண்டு முதல் கூட்டம் ஆளுநர் உரையுடன் தொடங்கியது.

Jan 20, 2026, 9:36 am IST

நடப்பு ஆண்டுக்கான முதல் தமிழக சட்டசபை கூட்டத் தொடர் தமிழ்த்தாய் வாழ்த்துடன் தொடங்கியுள்ளது.

Jan 20, 2026, 9:36 am IST

ஆளுநரைத் தொடர்ந்து தற்போது சட்டமன்றத்திக்கு முதல்வர் மு.க.ஸ்டாலினும், எதிர்க்கட்சித் தலைவர் எடப்பாடி பழனிசாமியும் வருகை தந்துள்ளனர்.

7:00 AM, 20 Jan

பரபரப்பான அரசியல் சூழ்நிலையில் தமிழ்நாடு சட்டசபை கூட்டத் தொடர் இன்று (20.1.26) கூடுகிறது. 2026 ஆம் ஆண்டின் முதல் கூட்டத் தொடர் இதுவாகும். சரியாக இன்று காலை 9.30 மணியளவில் சென்னை தலைமை செயலகத்தில் கூட்டத் தொடர் தொடங்கும். இன்று ஆளுநர் உரைக்கு திட்டமிடப்பட்டுள்ளது. இதற்காக சட்டசபை வரும் ஆளுநர் ஆர்.என் ரவிக்கு மரபுப்படி வரவேற்பு அளிக்கப்படவுள்ளது.

7:18 AM, 20 Jan

பொதுவாக சட்டசபை நிகழ்வுகள் ஆளுநர் உரையுடன் தொடங்கும். அரசின் கொள்கைகள், திட்டங்கள் உள்ளிட்டவற்றை ஆளுநர் குறிப்பிடுவார். ஆனால் ஆளுநர் ஆர்.என். ரவிக்கும், தமிழ்நாடு அரசுக்கும் மோதல் போக்கு நிலவி வருவதால் கடந்த 2024 மற்றும் 2025 வருடங்களில் ஆளுநர் உரையாற்றவில்லை என்பது குறிப்பிடத்தக்கது.

7:38 AM, 20 Jan

தேசிய கீதம் இசைக்கப்படவில்லை உள்ளிட்ட காரணங்களை கூறி அவர் உரையை புறக்கணித்திருந்தார். அதற்கு எதிர்ப்பு தெரிவித்து அவர் சட்டசபையை விட்டே வெளியேறியிருந்தார். இது அரசியலில் பெரும் பரபரப்பை ஏற்படுத்தியுள்ளது. சட்டமன்ற தேர்தல் அறிவிப்பு எப்போது வேண்டுமானாலும் வெளியாகலாம் என்பதால், இந்த கூட்டத் தொடர் முக்கியத்துவம் வாய்ந்ததாக கருதப்படுகிறது.

8:15 AM, 20 Jan

2024, 2025 ஆம் ஆண்டில் நடைபெற்ற சட்டசபைக் கூட்டத் தொடரில் ஆளுநர் ஆர்.என்.ரவி உரையைப் புறக்கணித்திருந்த நிலையில், ஆளுநர் இன்று உரையாற்றுவாரா அல்லது கடந்த முறையைப் போல கூட்டத் தொடரைப் புறக்கணிப்பாரா என்கிற எதிர்பார்ப்பு எழுந்துள்ளது.

8:29 AM, 20 Jan

சட்டசபை கூட்டத் தொடருக்கு வரும் ஆளுநர் ஆர்.என்.ரவிக்கு பேண்டு வாத்தியம் முழங்க காவல் துறை அணிவகுப்பு மரியாதை வழங்கப்படவுள்ளது.

8:50 AM, 20 Jan

சட்டசபை கூட்டத் தொடரில் ஆளுநா் ஆங்கிலத்தில் உரையாற்றுவார். பின்னர், பேரவைத் தலைவா் அப்பாவு ஆளுநா் உரையை தமிழில் வாசிப்பார்.

9:02 AM, 20 Jan

பேரவைத் தலைவா் அப்பாவு ஆளுநா் உரையை தமிழில் வாசித்த பின்னர், அவை நாள் முழுவதும் ஒத்திவைக்கப்படும். பின்னர், அலுவல் ஆய்வுக் குழு கூடி ஆளுநா் உரைக்கு நன்றி தெரிவிக்கும் தீா்மானம் மீதான விவாதத்தை எத்தனை நாள்கள் நடத்த வேண்டும் என்பது குறித்து ஆலோசனை மேற்கொள்ளப்படும்.

9:07 AM, 20 Jan

2022 ஆம் ஆண்டுக்குப் பிறகு தமிழக அரசின் உரையை ஆளுநர் ஆர்.என்.ரவி முழுமையாக வாசிக்கவில்லை. இந்நிலையில், இந்த கூட்டத் தொடரில் ஆளுநர் ஆர்.என்.ரவி உரையாற்றுவாரா என்கிற எதிர்பார்ப்பு எழுந்துள்ளது.

9:15 AM, 20 Jan

2023 ஆம் ஆண்டில் நடைபெற்ற சட்டசபை கூட்டத் தொடரில் ஆளுநர் உரையாற்றுகையில், சுயமரியாதை, அம்பேத்கர், பெரியார், கலைஞர் ஆகிய வார்த்தைகளை வாசிக்கவில்லை. 2024 ஆம் ஆண்டு கூட்டத் தொடரில் தேசிய கீதம் பாடப்படவில்லை என்று கூறி ஆளுநர் உரையை வாசிக்காமல் சென்றார். அதேபோல, 2025 ஆம் ஆண்டிலும் தேசிய கீதம் பாடப்படவில்லை என்று கூறி ஆளுநர் வெளியேறினார். இந்நிலையில், இந்த கூட்டத்தொடரில் ஆளுநர் உரையாற்றுவாரா என்கிற எதிர்பார்ப்பு எழுந்துள்ளது.

9:23 AM, 20 Jan

சட்டமன்ற தேர்தல் அறிவிப்பு எப்போது வேண்டுமானாலும் வெளியாகலாம் என்பதால், இந்த கூட்டத் தொடர் முக்கியத்துவம் வாய்ந்ததாக கருதப்படுகிறது. இந்நிலையில், சற்று நேரத்தில் கூடும் சட்டசபை கூட்டத் தொடரின் ஆளுநர் உரையில் அரசின் சாதனைகள், கொள்கை முடிவுகள், வருங்கால திட்டங்கள் இருக்கும் என்று எதிர்பார்க்கப்படுகிறது. இந்த முறை ஆளுநர் ரவி உரையாற்றுவாரா அல்லது கடந்தமுறை போல புறக்கணிப்பாரா என்கிற எதிர்பார்ப்பு எழுந்துள்ளது.

9:25 AM, 20 Jan

சற்று நேரத்தில் சட்டமன்ற கூட்டத் தொடர் தொடங்கவுள்ளது. சட்டமன்றத்திற்கு வந்த ஆளுநர் ஆர்.என்.ரவிக்கு பூங்கொத்து கொடுத்து சபாநாயகர் வரவேற்றார். நடப்பாண்டின் முதல் கூட்டத் தொடர் சற்று நேரத்தில் ஆளுநர் உரையுடன் தொடங்கவுள்ளது.

9:30 AM, 20 Jan

ஆளுநர் ஆர்.என்.ரவிக்கு கலைஞர் கருணாநிதி தொடர்பான புத்தகம் மற்றும் தமிழ்ஸ் என்கிற புத்தகத்தை சபாநாயகர் வழங்கினார்.

9:36 AM, 20 Jan