Replacing old political vehicle.. சாரி சாரி! நிர்மலா சீதாராமனின் டங் ஸ்லிப் ஆனதால் அவையில் சிரிப்பலை

நாடாளுமன்றத்தில் அமைச்சர் நிர்மலா சீதாராமன் வாய் தவறி கூறிய வார்த்தையால் அவையில் சிரிப்பலை

டெல்லி: நாடாளுமன்றத்தில் பட்ஜெட் தாக்கல் செய்து அந்த உரையை வாசித்துக் கொண்டிருந்த நிதியமைச்சர் நிர்மலா சீதாராமன், பொல்யூட்டிிங் என்பதற்கு பதிலாக பொலிட்டிகல் என கூறியது அவையில் சிரிப்பலையை ஏற்படுத்தியது.

2023-2024 ஆம் ஆண்டுக்கான நிதிநிலை அறிக்கையை நிதியமைச்சர் நிர்மலா சீதாராமன் தாக்கல் செய்தார். அவர் தனது 87 நிமிட உரையை வாசிக்கத் தொடங்கினார். இந்த பட்ஜெட் பாஜக அரசின் கடைசி முழு பட்ஜெட் என்பதால் இதில் எதிர்பார்ப்புகள் எழுந்தன.

இந்த பட்ஜெட்டில் தூய்மை இந்தியா திட்டம், உஜ்வாலா திட்டம், ஜன்தன் திட்டம் உள்ளிட்டவை குறித்து நிதியமைச்சர் பட்டியலிட்டு பேசினார். அப்போது மக்கள் எதிர்பார்த்தது போல் முக்கிய அறிவிப்பையும் அவர் வெளியிட்டிருந்தார்.

7 லட்சம் வருமானம்

புதிய வருமான வரி முறையில் இருப்போருக்கு ஆண்டு மொத்த வருமானம் ரூ 7 லட்சம் இருந்தால் வரி கிடையாது என அறிவித்தார். இந்த வரி உச்ச வரம்பை அதிகரித்து நிர்மலா சீதாராமன் வெளியிட்டது பொதுமக்களிடையே பெரும் வரவேற்பை பெற்றுள்ளது. இது குறித்து கடந்த ஆண்டே இந்த உச்ச வரம்பு அதிகரிக்கப்படும் என எதிர்பார்க்கப்பட்டது. ஆனால் இந்த நிதியாண்டில்தான் அந்த அறிவிப்பு வெளியாகியுள்ளது.

காற்று மாசு

காலாவதியான மாசை ஏற்படுத்தும் பழைய வாகனங்கள் அகற்றுவதற்கு மத்திய, மாநில அரசுகளின் பங்களிப்போடு கூடுதல் நிதி ஒதுக்கப்படும் என நிர்மலா தெரிவித்தார். இது குறித்த உரையை நிர்மலா சீதாராமன் பேச தொடங்கினார். அப்போது அவர் கூறுகையில் பழைய வாகனங்களை மாற்றும் திட்டம் இந்தியாவின் முக்கியமான கொள்கையாகும் என கூறிய அவர் replacing old political.. vehicle என வாய் தவறி கூறினார்.

ओल्ड पॉलिटिकल व्हीकल..Sorry Sorry
ओल्ड पॉल्यूटेड व्हीकल#Budget2023 #BudgetSession #NewTaxRegime#Old_Political_Vehicle pic.twitter.com/BEdxDqOG12

— Amit Prakash امیت پرکاش अमित प्रकाश (@amit_9798) February 1, 2023

வயிறு வலிக்க சிரிப்பு

அப்போது அவையில் சிரிப்பலை எழுந்தது. நிர்மலாவின் இந்த கூற்றிற்கு எதிர்க்கட்சிகளும் சிரித்தனர். உடனே தவறை உணர்ந்த நிர்மலா சீதாராமனும் சிரித்துவிட்டு சாரி சாரி என கூறி, தான் பேசியதை சரி செய்தார். replacing old polluting vehicle இந்திய பொருளாதாரத்தை உயர்த்துவதில் முக்கிய பங்கு இருக்கிறது. இதன் மூலம் காற்று மாசு கட்டுப்படுத்தப்படும். இதற்கு தேவையான நிதி ஒதுக்கப்பட்டுள்ளது என சரி செய்து பேசினார். இதையடுத்து சிரிப்பலை அடங்கியது.

பழைய வாகனங்களை அகற்றும் நடைமுறை

வரும் ஏப்ரல் 1ஆம் தேதி முதல் பழைய வாகனங்களை அகற்றும் பணிகள் தொடங்குகின்றன. இந்த வாகனங்களில் ஆம்புலன்ஸ் வாகனங்களும் அடங்கும். பட்ஜெட் வாசிக்கும் போது 1 மணி நேரத்திற்கு மேல் ஆகும் என்பதால் உறுப்பினர்களுக்கு போர் அடித்து விடக் கூடாது என்பதற்காகவே பட்ஜெட் உரையை சிலர் சுவாரஸ்யமாகவும் காமெடியாகவும் படிப்பார்கள். அந்த வகையில் நிர்மலா சீதாராமன் வாய் தவறி கூறியது அனைவரையும் வயிறு குலுங்க சிரிக்க வைத்துவிட்டது.

English summary

Finance Minister Nirmala says Replacing old Political vehicles by slip of the tongue instead of replacing old polluted vehicle which makes laughter in both houses of parliament.