தெலுங்கானா: மாஜி 'நக்சலைட்' சீதாக்காவுக்கு பழங்குடிகள் துறை- ரேவந்த் ரெட்டி கேபினட் இலாகா அறிவிப்பு!

Updated: Thursday, December 7, 2023, 19:02 [IST]

Subscribe to Oneindia Tamil

ஹைதராபாத்: தெலுங்கானாவில் முதல் முறையாக ஆட்சி அமைத்துள்ள காங்கிரஸ் அரசாங்கத்தில் முன்னாள் நக்சலைட் சீதாக்காவுக்கு பழங்குடிகள் நலத்துறை ஒதுக்கப்பட்டுள்ளது.

தெலுங்கானா சட்டசபை தேர்தலில் 64 இடங்களிலும் பிஆர்எஸ் கட்சி 39 இடங்களிலும் பாஜக 8 இடங்களிலும் வென்றது. ஓவைசியின் மஜ்லிஸ் கட்சி வழக்கம் போல 7 இடங்களைக் கைப்பற்றியது.

In Telangana, Congress Chief Revanth Reddy will take oath as Chief Minister With 12 Ministers including Former Maoist seethakka.

தெலுங்கானா மாநிலம் 2014-ல் உருவானது. 2014, 2018 தெலுங்கானா தேர்தலில் பிஆர்எஸ் கட்சியே ஆட்சியை பிடித்தது. முதல்வராக 2 முறையும் சந்திரசேகர ராவ் பதவி வகித்தார். தெலுங்கானாவில் தற்போது நடைபெற்ற 3-வது தேர்தலில் காங்கிரஸ் அமோக வெற்றியை அறுவடை செய்துள்ளது.

தெலுங்கானாவில் முதல் முறையாக ஆட்சியை அமைத்துள்ள காங்கிரஸ் கட்சி, முதல்வராக ரேவந்த் ரெட்டியை அறிவித்துள்ளது. ஹைதராபாத் எல்.பி. ஸ்டேடியத்தில் பல்லாயிரக்கணக்கானோர் முன்னிலையில் முதல்வராக ரேவந்த் ரெட்டி இன்று பதவியேற்றார். தெலுங்கானா மாநில ஆளுநர் தமிழிசை சவுந்தரராஜன், ரேவந்த் ரெட்டிக்கு பதவி பிரமாணம் செய்து வைத்தார்.

ரேவந்த் ரெட்டி தலைமையிலான அமைச்சரவையில் மொத்தம் 12 பேர் இடம் பெற்றுள்ளனர்.

1) கொண்டா சுரேகா
2) கோமதி ரெட்டி வெங்கட் ரெட்டி
3) ஜூபாலி கிருஷ்ணா ராவ்
4) பாட்டி விக்ரமார்கா
5) உத்தம் குமார் ரெட்டி
6) பொன்னம் பிரபாகர்
7) சீதாக்கா
8) ஸ்ரீதர் பாபு
9) தும்மல நாகேஸ்வர ராவ்
10) பொங்குலெட்டி சீனிவாச ரெட்டி
11) தாமோதர ராஜநரசிம்மா

State Congress president Revanth Reddy becomes the new Chief Minister of Telangana, Bhatti Vikramarka his Deputy. pic.twitter.com/rjnpsATY9T
— ANI (@ANI) December 7, 2023

ஆகியோர் அமைச்சர்களாக பதவியேற்றனர். இவர்களில் பாட்டி விக்ரமார்கா, உத்தம் குமார் ரெட்டி இருவரும் முதல்வர் பதவிக்காக முட்டி மோதியவர்கள். இவர்களில் பாட்டி விக்ரமார்கா துணை முதல்வராகி உள்ளார்.

15 ஆண்டுகள் மாவோயிஸ்டாக வாழ்ந்தவர் சீதாக்கா. 1994-ம் ஆண்டு முதல் பொது அரசியல் நீரோட்டத்தில் இணைந்துள்ளார். முதலில் தெலுங்குதேசம் கட்சியில் இருந்தார். தற்போது காங்கிரஸ் கட்சியில் பெண்களின் முகமாக தெலுங்கானாவில் சீதாக்கா உருவெடுத்துள்ளார்.

தெலுங்கானா அமைச்சரவை பதவியேற்பு விழாவுக்கு முன்னாள் முதல்வர்கள் சந்திரசேகர ராவ், சந்திரபாபு நாயுடு, கர்நாடகா முதல்வர் சித்தராமையா, துணை முதல்வர் டிகே சிவகுமார், தமிழ்நாடு முதல்வர் மு.க.ஸ்டாலின், ஆந்திரா முதல்வர் ஜெகன் மோகன் ரெட்டி ஆகியோர் அழைக்கப்பட்டனர். மூத்த காங்கிரஸ் தலைவர்களான சோனியா காந்தி, ராகுல் காந்தி, காங்கிரஸ் பொதுச்செயலாளர் பிரியங்கா காந்தி ஆகியோரும் இப்பதவியேற்பு விழாவில் பங்கேற்றனர்.

#WATCH | Congress leader Revanth Reddy takes oath as the Chief Minister of Telangana at Hyderabad's LB stadium; Governor Tamilisai Soundararajan administers him the oath of office. pic.twitter.com/TBtZRE0YQD
— ANI (@ANI) December 7, 2023

முதல்வர் ரேவந்த் ரெட்டி தலைமையிலான அமைச்சரவை இலாகாக்கள் விவரம் அறிவிக்கப்பட்டுள்ளது. முதல்வர் பதவிக்கான ரேஸில் இருந்த உத்தம் குமார் ரெட்டிக்கு உள்துறை இலாகா வழங்கப்பட்டுள்ளது. சீதாக்காவுக்கு பழங்குடிகள் நலத்துறை ஒதுக்கப்பட்டுள்ளது.