ம.பி.யில் நகராட்சி அதிகாரியை கிரிக்கெட் பேட்டால் வெறித்தனமாக அடித்த பாஜக எம்.எல்.ஏ. கைது

இந்தூர்: மத்திய பிரதேசத்தில் ஆக்கிரமிப்புகளை அகற்றிய நகராட்சி அதிகாரியை பொதுமக்கள் முன்னிலையில் கிரிக்கெட் பேட்டால் அடித்து துவைத்த பாஜக எம்.எல்.ஏ. ஆகாஷ் விஜயவர்ஜியா கைது செய்யப்பட்டுள்ளார்.

பாரதிய ஜனதா கட்சியின் மூத்த தலைவர்களில் ஒருவர் கைலாஷ் விஜயவர்ஜியா. இவரது மகன் ஆகாஷ், பாஜக எம்.எல்.ஏ.வாக உள்ளார்.

இந்தூரில் நகராட்சி அதிகாரிகள் குழுவினர் ஆக்கிரமிப்புகளை அகற்றிக் கொண்டிருந்தனர். இதற்கு ஆக்கிரமிப்பாளர்கள் எதிர்ப்பு தெரிவித்தனர்.

அந்த ஆக்கிரமிப்பாளர்களுக்கு பாஜக எம்.எல்.ஏ. ஆகாஷூம் ஆதரவாக களமிறங்கினார். ஆனால் நகராட்சி அதிகாரிகள் ஆக்கிரமிப்புகளை அகற்றுவதில் உறுதியாக இருந்தனர்.

#WATCH Madhya Pradesh: Akash Vijayvargiya, BJP MLA and son of senior BJP leader Kailash Vijayvargiya, thrashes a Municipal Corporation officer with a cricket bat, in Indore. The officers were in the area for an anti-encroachment drive. pic.twitter.com/AG4MfP6xu0

— ANI (@ANI) June 26, 2019

இதில் ஆத்திரமடைந்த ஆகாஷ், கிரிக்கெட் பேட்டால் மாநகராட்சி அதிகாரியை பொதுமக்கள் முன்னிலையில் வெளுவெளுவென வெளுத்தார். போலீசார் முன்னிலையில்தான் இச்சம்பவம் நடந்துள்ளது.

போலீசார் தடுத்த போதும் அதையும் மீறி அதிகாரியை அடித்தார் ஆகாஷ். இது அப்பகுதி பொதுமக்களை அதிர்ச்சிக்குள்ளாக்கியது.

அதிகாரியை கிரிக்கெட் பேட்டால் அடித்து துவைக்கும் வீடியோவும் வெளியாகி நாடு முழுவதும் கடும் அதிர்வலைகளை ஏற்படுத்தியது. இதையடுத்து ஆகாஷ் விஜயவர்ஜியா மீது போலீசார் வழக்குப் பதிவு செய்து தற்போது கைது செய்துள்ளனர்.

English summary

BJP MLA Akash Vijayvargiya has been arrested for thrashing a Municipal Corporation officer in Indore.