டெல்லி தேர்தல் முடிவுகள் LIVE: 48 இடங்களை கைப்பற்றிய பாஜக! “தாமரை மலராத இடமே இல்லை” - மோடி பெருமிதம்

Updated: Saturday, February 8, 2025, 19:56 [IST]

Subscribe to Oneindia Tamil

டெல்லி: டெல்லி யூனியன் பிரதேச சட்டசபை தேர்தல் வாக்கு எண்ணிக்கையில் பாஜக 48 இடங்களைக் கைப்பற்றுகிறது. ஆளும் ஆம் ஆத்மி கட்சிக்கு 22 இடங்கள் கிடைக்கின்றன. காங்கிரஸ் கட்சி ஒரு இடத்தில் கூட வெல்லவில்லை. டெல்லியில் 10 ஆண்டுகால ஆம் ஆத்மி ஆட்சியை வீழ்த்தி 27 ஆண்டுகளுக்குப் பின் பாஜக ஆட்சி அமைக்கிறது.

delhi election 2025 delhi election result 2025 2025 2025

8:31 PM, 8 Feb

“டெல்லியில் நடந்த ஒவ்வொரு ஊழலும் விசாரிக்கப்படும். கொள்ளையடிக்கப்பட்டது எல்லாம் திரும்பக் கொண்டுவரப்படும்” என்று பிரதமர் மோடி பேசியுள்ளார்.

8:19 PM, 8 Feb

டெல்லியின் தீர்ப்பை பணிவுடன் ஏற்கிறோம் - ராகுல் காந்தி

"டெல்லியின் தீர்ப்பை நாங்கள் பணிவுடன் ஏற்றுக்கொள்கிறோம். அனைத்து காங்கிரஸ் தொண்டர்களுக்கும், ஆதரவளித்த அனைத்து வாக்காளர்களுக்கும் மனமார்ந்த நன்றி. டெல்லியின் முன்னேற்றத்திற்கும் டெல்லி மக்களின் உரிமைகளுக்கும், ஊழலுக்கு எதிராகவும் இந்தப் போராட்டம் தொடரும்." என காங்கிரஸ் எம்.பி ராகுல் காந்தி எக்ஸ் தளத்தில் தெரிவித்துள்ளார்.

7:55 PM, 8 Feb

டெல்லியின் 70 சட்டப்பேரவைத் தொகுதிகளிலும் வாக்கு எண்ணிக்கை நிறைவடைந்துள்ளது. வாக்கு எண்ணிக்கை முடிவில், பாஜக 48 இடங்களைக் கைப்பற்றி உள்ளது. ஆளும் ஆம் ஆத்மி கட்சி 22 இடங்களில் வென்றுள்ளது. காங்கிரஸ் கட்சி ஒரு இடத்தில் கூட வெல்லவில்லை. டெல்லியில் 27 ஆண்டுகளுக்குப் பின் பாஜக ஆட்சி அமைக்கிறது.

7:41 PM, 8 Feb

“டெல்லியில் காங்கிரஸ் கட்சி 6வது முறையாக ஒரு இடத்தில் கூட வெல்ல முடியவில்லை. தோற்பதில் தொடர்ந்து தங்கப் பதக்கம் பெற்று வருகிறது காங்கிரஸ் கட்சி” என பிரதமர் நரேந்திர மோடி பேசியுள்ளார்.

7:19 PM, 8 Feb

டெல்லியில் தாமரை மலராத இடமே இல்லை - பிரதமர் மோடி

டெல்லி சட்டப்பேரவைத் தேர்தல் வெற்றியைத் தொடர்ந்து, பாஜக சார்பில் நடைபெற்ற கூட்டத்தில் பேசிய பிரதமர் மோடி, “டெல்லியில் தாமரை மலராத பகுதியே இல்லை. எல்லா மொழி பேசும் மக்களும் பாஜகவுக்கு வாக்களித்துள்ளனர்” எனக் கூறியுள்ளார்.

6:58 PM, 8 Feb

இரட்டிப்பாகத் தருவோம் - பிரதமர் மோடி

"டெல்லி மக்களுக்கு நன்றி. டெல்லி எங்களுக்கு முழு மனதுடன் அன்பை வழங்கியுள்ளது. இரட்டிப்பு அன்பை நாங்கள் வளர்ச்சி என்ற வடிவத்தில் உங்களுக்கு திருப்பித் தருவோம் என்று மக்களுக்கு மீண்டும் உறுதியளிக்கிறேன்" என பிரதமர் நரேந்திர மோடி பேசியுள்ளார்.

6:55 PM, 8 Feb

டெல்லி வெற்றி - பிரதமர் மோடி பேச்சு

"இன்று டெல்லி மக்களின் மனதில் உற்சாகமும் நிம்மதியும் நிலவுகிறது. மோடியின் உத்தரவாதத்தில் நம்பிக்கை வைத்த டெல்லி மக்களுக்கு நான் தலை வணங்கி நன்றி கூறுகிறேன்" என்று பிரதமர் நரேந்திர மோடி பேசியுள்ளார்.

5:41 PM, 8 Feb

டெல்லி மக்களுக்கு பிரதமர் மோடி நன்றி

டெல்லி சட்டப்பேரவைத் தேர்தலில் பாஜக வெற்றி பெற்றுள்ளதை தொடர்ந்து மக்களுக்கு பிரதமர் நரேந்திர மோடி நன்றி தெரிவித்துள்ளார்.

5:27 PM, 8 Feb

டெல்லியில் 48 இடங்களைக் கைப்பற்றும் பாஜக!

டெல்லி சட்டமன்றத் தேர்தலில் பாஜக 41 இடங்களில் வெற்றி பெற்றுள்ளது. 7 இடங்களில் முன்னிலை வகிக்கிறது. டெல்லியில் ஆம் ஆத்மி கட்சி 21 இடங்களில் வெற்றி பெற்றுள்ளது. 1 இடத்தில் முன்னிலை வகிக்கிறது. காங்கிரஸ் கட்சி போட்டியிட்ட அனைத்து இடங்களிலும் தோல்வியைத் தழுவியுள்ளது.

4:21 PM, 8 Feb

மக்கள் முடிவை ஏற்கிறேன் - அரவிந்த் கெஜ்ரிவால்

டெல்லி சட்டமன்றத் தேர்தல் முடிவை ஏற்பதாக அரவிந்த் கெஜ்ரிவால் வெளியிட்ட வீடியோவில் பேசியுள்ளார்.

Top Fight - பிஜ்வாசன்

கைலாஷ் கெலாட்

(பாஜக)

Won

சுரேந்தர் பரத்வா

(ஆம் ஆத்மி)

Lost

Top Fight - துவாரகா

பார்டியம் ராஜ்புத்

(பாஜக)

Won

வினய் மிஸ்ரா

(ஆம் ஆத்மி)

Lost

Top Fight - ரோகிணி

விஜேந்தர் குப்தா

(பாஜக)

Won

பிரதீப் மிட்டல்

(ஆம் ஆத்மி)

Lost

Top Fight - வசீர்பூர்

பூனம் சர்மா

(பாஜக)

Won

ராஜேஷ் குப்தா

(ஆம் ஆத்மி)

Lost

3:44 PM, 8 Feb

4089 வாக்குகளில் தோற்ற கெஜ்ரிவால்

புதுடெல்லி தொகுதியில் 3 முறை முதல்வராக இருந்த அரவிந்த் கெஜ்ரிவால், 4089 வாக்குகள் வித்தியாசத்தில் தோல்வியைத் தழுவினார். பாஜகவின் பர்வேஷ் ஷாகிப் சிங் 30088, கெஜ்ரிவால் 25999, காங்கிரஸின் சந்தீப் தீட்சித் 4568 வாக்குகள் பெற்றனர்.

Top Fight - படேல் நகர்

பர்வேஷ் ரத்தன்

(ஆம் ஆத்மி)

Won

ராஜ்குமார் ஆனந்த்

(பாஜக)

Lost

Top Fight - முஸ்தபாபாத்

மோகன் சிங் பிஷ்ட்

(பாஜக)

Won

அடில் அகமது கான்

(ஆம் ஆத்மி)

Lost

Top Fight - நங்லோய் ஜாட்

மனோஜ் குமார் ஷோக்கீன்

(பாஜக)

Won

ரகுவிந்தர் ஷோக்கீன்

(ஆம் ஆத்மி)

Lost

3:27 PM, 8 Feb

டெல்லியில் பரபர உத்தரவு

டெல்லி தலைமை செயலகத்தில் ஆவணங்களை எடுத்துச் செல்ல அதிரடி தடை விதிக்கப்பட்டுள்ளது

3:26 PM, 8 Feb

675 வாக்குகளில் தோற்ற மணீஷ் சிசோடியா

ஜங்க்புரா தொகுதியில் டெல்லி முன்னாள் துணை முதல்வர் மணீஷ் சிசோடியா 675 வாக்குகள் வித்தியாசத்தில் தோல்வியைத் தழுவினார். இத்தொகுதி வாக்கு விவரம்: பாஜக தர்வீந்தர் சிங் மார்வா- 38859, ஆம் ஆத்மி மணீஷ் சிசோடியா- 38184, காங்கிரஸ் பர்ஹத் சூரி- 7350

3:22 PM, 8 Feb

பாஜக 25-ல் வெற்றி

டெல்லியில் முடிவுகள் அறிவிக்கப்பட்ட38 இடங்களில் பாஜக 25; ஆம் ஆத்மி 13 இடங்களில் வெற்றி பெற்றுள்ளன

Top Fight - கரவால் நகர்

கபில் மிஸ்ரா

(பாஜக)

Won

மனோஜ் தியாகி

(ஆம் ஆத்மி)

Lost

Top Fight - கரோல் பாக்

விஷேஷ் ரவி

(ஆம் ஆத்மி)

Won

துஷ்யந்த் கவுதம்

(பாஜக)

Lost

Top Fight - மங்கோல் புரி

ராஜ் குமார் சவுகான்

(பாஜக)

Won

ராகேஷ் ஜாதவ்

(ஆம் ஆத்மி)

Lost

3:04 PM, 8 Feb

பாஜக கொண்டாட்டம்

27 ஆண்டுகளுக்குப் பின் தலைநகர் டெல்லியில் ஆட்சியை கைப்பற்றியதை பாஜக தொண்டர்கள் கட்சி தலைமை அலுவலகத்தில் கொண்டாடினர்.

#WATCH | Delhi: BJP workers celebrate outside party office as the party is set to form the government in Delhi

As of now, BJP has won 19 seats and is leading on 28 seats#DelhiElections2025 pic.twitter.com/2lyafaZixl
— ANI (@ANI) February 8, 2025

Top Fight - ராஜிந்தர் நகர்

உமாங் பஜாஜ்

(பாஜக)

Won

துர்கேஷ் பதக்

(ஆம் ஆத்மி)

Lost

2:43 PM, 8 Feb

மக்கள் தீர்ப்பை ஏற்கிறோம்

டெல்லி தேர்தலில் மக்கள் அளித்த தீர்ப்பை தலைவணங்கி ஏற்கிறோம்; வெற்றி பெற்ற பாஜகவுக்கு வாழ்த்துகள்- அரவிந்த் கெஜ்ரிவால்

#WATCH | On #DelhiElection2025, AAP national convener and former Delhi CM, Arvind Kejriwal, "We accept the mandate of the people with great humility. I congratulate the BJP for this victory and I hope they will fulfil all the promises for which people have voted them. We have… pic.twitter.com/VZOwLS8OVH
— ANI (@ANI) February 8, 2025

2:42 PM, 8 Feb

கல்காஜி தொகுதியில் அதிஷி வெற்றி

டெல்லி முதல்வர் அதிஷி கல்காஜி தொகுதியில் போராடி வென்றார்

#WATCH | Outgoing CM and AAP candidate from Kalkaji assembly seat, Atishi greets the people of her constituency after registering her victory against BJP's Ramesh Bidhuri#DelhiElections2025 pic.twitter.com/NTMA13Rm4O
— ANI (@ANI) February 8, 2025

2:41 PM, 8 Feb

நன்றி தெரிவித்த பிரதமர் மோடி

டெல்லி தேர்தலில் பாஜகவுக்கு வாக்களித்து வெற்றி பெற வைத்த வாக்காளர்களுக்கு பிரதமர் மோடி நன்றி தெரிவித்துள்ளார்.

2:37 PM, 8 Feb

2% வாக்கு வித்தியாசம்

டெல்லி தேர்தலில் பாஜக 45.95% வாக்குகளையும் ஆம் ஆத்மி 43.68% வாக்குகளையும் பெற்றுள்ளன.

8:23 PM, 7 Feb

எக்ஸிட் போல் முடிவுகள்

2025 டெல்லி சட்டசபை தேர்தல் தொடர்பான பெரும்பாலான தேர்தலுக்குப் பிந்தைய கருத்து கணிப்பு முடிவுகள் டெல்லியில் 27 ஆண்டுகளுக்கு பின்னர் பாஜக ஆட்சி அமையும் என தெரிவித்துள்ளன

8:23 PM, 7 Feb

ஆம் ஆத்மி அதிரடி வெற்றிகள்

2015, 2020-ம் ஆண்டு டெல்லி சட்டசபை தேர்தல்களில் ஆம் ஆத்மி கட்சி 67 மற்றும் 62 இடங்களைக் கைப்பற்றி அதிரடி வெற்றியைப் பெற்றிருந்தது

8:23 PM, 7 Feb

முதலாவது ஆம் ஆத்மி அரசு

2013-ம் ஆண்டு டெல்லி சட்டசபை தேர்தலில் ஆம் ஆத்மி அதிக இடங்களைக் கைப்பற்றினாலும் காங்க்கிரஸ் ஆதரவுடன் 45 நாட்கள் மட்டுமே ஆட்சியில் இருந்தது; தமது முதல்வர் பதவியை கெஜ்ரிவால் ராஜினாமா செய்து ஆட்சியை கலைக்க பரிந்துரைத்தார். இதனால் ஜனாதிபதி ஆட்சி அமல்படுத்தப்பட்டது.

8:24 PM, 7 Feb

களத்தில் 699 வேட்பாளர்கள்

டெல்லியில் 70 தொகுதிகளில் ஒரே கட்டமாக பிப்ரவரி 5-ந் தேதி வாக்குப் பதிவு நடைபெற்றது. மொத்தம் 699 வேட்பாளர்கள் போட்டியிட்டனர். இந்த தேர்தலில் 60% வாக்குகள் பதிவாகி இருந்தன

5:42 AM, 8 Feb

5,000 பணியாளர்கள்

டெல்லி தேர்தல் வாக்கு எண்ணிக்கை பணியில் 5,000-க்கும் மேற்பட்டோர் ஈடுபடுத்தப்பட்டுள்ளனர். ஒவ்வொரு தொகுதியிலும் வாக்குப் பதிவு ஒப்புகைச் சீட்டான விபேட் சரிபார்ப்புக்கும் தனியாக ஊழியர்கள் நியமனம் செய்யப்பட்டுள்ளனர்

5:43 AM, 8 Feb

19 வாக்கு எண்ணிக்கை மையங்கள்

டெல்லியில் மொத்தம் 19 இடங்களில் வாக்குகள் எண்ணும் மையங்கள் அமைக்கப்பட்டுள்ளன. வாக்கு எண்ணும் பணிக்கான பாதுகாப்புப் பணியில் சுமார் 10,000 பேர் ஈடுபடுத்தப்பட்டுள்ளனர். 2 துணை ராணுவ கம்பெனி படையினரும் டெல்லி வாக்கு எண்ணிக்கை பாதுகாப்புப் பணியில் இறக்கப்பட்டுள்ளனர்.

5:43 AM, 8 Feb

60.54% வாக்குகள் பதிவு

டெல்லி சட்டசபைக்கான தேர்தலில் கடந்த பிப்ரவரி 5-ந் தேதி வாக்குப் பதிவு நடைபெற்றது. இத்தேர்தலில் 60.54% வாக்குகள் பதிவாகின. 2020-ம் ஆண்டு வாக்குப் பதிவை ஒப்பிடுகையில் 2.5% குறைவாகும். 50,42,988 ஆண் வாக்காளர்களும் 44,08,606 பெண் வாக்காளர்களும் வாக்களித்தனர்.

5:43 AM, 8 Feb

அதிகபட்ச வாக்குப் பதிவு

முஸ்தாபாத் பகுதியில்தான் மிக அதிகபட்சமாக 69.01% வாக்குகள் பதிவாகின. மெஹ்ரவுலி பகுதியில் குறைந்தபட்சமாக 53.02% வாக்குகள் பதிவாகின.

5:43 AM, 8 Feb

விஐபி தொகுதிகள் எவை?

ஆம் ஆத்மி தலைவர் அரவிந்த் கெஜ்ரிவால் போட்டியிடும் புது டெல்லி, டெல்லி முதல்வர் அதிஷி போட்டியிடும் கல்காஜி, முன்னாள் துணை முதல்வர் மணீஷ் சிசோடியா போட்டியிடும் ஜங்புரா, சுகாதாரத்துறை அமைச்சர் சவுரவ் பரத்வாஜ் போட்டியிடும் கிரேட்டர் கைலாஷ் உள்ளிட்டவை விஐபி தொகுதிகள்.

5:43 AM, 8 Feb

எக்ஸிட் போல் முடிவுகள் சொன்னது என்ன?

தேர்தலுக்குப் பிந்தைய கருத்து கணிப்பு முடிவுகள்தான் எக்ஸிட் போல் என்பவை. 6 எக்ஸிட் போல் முடிவுகள், 27 ஆண்டுகளுக்குப் பின்னர் பாஜக, டெல்லியில் ஆட்சியை கைப்பற்றும் என கணித்திருந்தன. 2 எக்ஸிட் போல் முடிவுகள், ஹாட்ரிக் வெற்றியுடன் 4-வது முறையாக டெல்லியில் ஆம் ஆத்மி ஆட்சியை தக்க வைக்கும் என தெரிவித்திருந்தன.

5:53 AM, 8 Feb

பலத்த பாதுகாப்பு

டெல்லியில் வாக்கு எண்ணும் மையங்களில் நேற்று இரவு முதல் பலத்த பாதுகாப்பு பணிகள் மேற்கொள்ளப்பட்டுள்ளன. வாக்கு எண்ணிக்கை மையங்களில் துணை ராணுவப் படையினரும் பாதுகாப்புப் பணியில் நிறுத்தப்பட்டுள்ளனர்.

#WATCH | Delhi | Security heightened at the counting centre as the counting of votes for #DelhiAssemblyElection2025 will be conducted on 8th February. Visuals from a counting centre in ITI Nand Nagri. pic.twitter.com/fHxIFev322
— ANI (@ANI) February 7, 2025

5:58 AM, 8 Feb

'அடடே' பட்டேல்நகர் தொகுதி

பட்டேல்நகர் தனித் தொகுதியில் ஆம் ஆத்மி வேட்பாளராக போட்டியிடுகிறவர் பர்வேஷ் ரத்தன்; பாஜகவின் முன்னாள் அமைச்சர் ராஜ்குமார் ஆனந்த் எதிர்த்து போட்டியிடுகிறார். 2020-ம் ஆண்டு தேர்தலில் ராஜ்குமார் ஆனந்த், ஆம் ஆத்மி வேட்பாளராகவும் பாஜக வேட்பாளராக பர்வேஷ் ரத்தனும் போட்டியிட்டனர்.

6:09 AM, 8 Feb

சத்ராபூர் தொகுதியில் சரித்திரம்

சத்ராபூர் தொகுதியில் 2020-ம் ஆண்டு ஆம் ஆத்மி வேட்பாளராகப் போட்டியிட்டு 3,720 வாக்குகளில் வென்றவர் கர்தார் சிங் தன்வார். இந்த முறை கர்தார் சிங் தன்வார் பாஜக வேட்பாளராகவும் 2020-ல் பாஜக வேட்பாளராகப் போட்டியிட்ட பிரம்சிங் தன்வார் தற்போது ஆம் ஆத்மி வேட்பாளராகவும் போட்டியிடுகிறார்.

6:10 AM, 8 Feb

கிராரி தொகுதி

2020-ம் ஆண்டு சட்டசபை தேர்தலில் கிராரி தொகுதியில் ஆம் ஆத்மி வேட்பாளர் ரிதுராஜ் கோவிந்த், பாஜகவின் அனில் ஜாவை 5,654 வாக்குகள் வித்தியாசத்தில் தோற்கடித்தார். இந்த முறை ரிதுராஜ் கோவிந்துக்கு சீட் மறுக்கப்பட்ட நிலையில் அனில் ஜா கட்சி தாவி அதே தொகுதியில் ஆம் ஆத்மி வேட்பாளராக இம்முறை களம் காண்கிறார்.

6:13 AM, 8 Feb

பாஜகவுக்கு ஓடிய ஆம் ஆத்மி, காங்கிரஸ் தலைகள் போட்டியிடும் தொகுதிகள்

டெல்லி காங்கிரஸ் கமிட்டியின் முன்னாள் தலைவர் அரவிந்த் சிங் லவ்லி- காந்திநகர், ஆம் ஆத்மி கட்சியின் முன்னாள் அமைச்சர் கைலாஷ் கலோட் பிஜ்வாசன் தொகுதி, காங்கிரஸ் தலைவர்களான ராஜ்குமார் சவுகான் - மங்கோல்புரி, முன்னாள் எம்.எல்.ஏ நீரம் பசோயா- கஸ்தூர்பா நகர்யில் போட்டியிடுகின்றனர்.

6:13 AM, 8 Feb

காங்கிரஸுக்கு தாவிய ஆம் ஆத்மி 'தலைகள்' போட்டியிடும் தொகுதிகள்

ஆம் ஆத்மியில் இருந்து காங்கிரஸுக்கு தாவிய தரம் பால் லக்ரா- முன்ட்கா தொகுதி, அப்துல் ரகுமான்- சீலாம்பூர், காங்கிரஸில் இணைந்த ஆம் ஆத்மி கவுன்சிலர் ராஜேஷ் குப்தா போட்டியிடும் கிராரி தொகுதி, ஆம் ஆத்மி கட்சி முன்னாள் எம்.எல்.ஏ.க்களான தேவேந்தர் ஷெராவத், ஹாஜி இஸ்ராக் போட்டியிடும் பிஜ்வாசன், பாபர்பூர் தொகுதிகளும் கவனம் பெற்றுள்ளன.

6:19 AM, 8 Feb

வேட்பாளர்கள் வழிபாடு

வாக்கு எண்ணிக்கை தொடங்கும் நிலையில் டெல்லி தேர்தலில் போட்டியிட்ட வேட்பாளர்கள் அதிகாலை முதலே கோவில்களில் வழிபாடு செய்து வருகின்றனர்.கரோல்பாக் தொகுதி பாஜக வேட்பாளர் துஷ்யந்த் கவுதம், ஜன்தீவ்லான் கோவிலில் வழிபாடு செய்தார்

#WATCH | Delhi | On the Delhi Assembly election result day, BJP candidate from Karol Bagh assembly constituency, Dushyant Gautam visits and offers prayers at the Jhandewalan Temple. pic.twitter.com/G0shoOzo30
— ANI (@ANI) February 8, 2025

6:22 AM, 8 Feb

கூட்டணி ஆட்சியா?

டெல்லியில் தொங்கு சட்டசபை ஏற்படும் நிலையில் கூட்டணி ஆட்சி அமையுமா? என்ற கேள்விக்கு பதிலளித்த புதுடெல்லி தொகுதி காங்கிரஸ் வேட்பாளர் சந்தீப் தீட்சித், கூட்டணி குறித்து கட்சி மேலிடமே முடிவெடுக்கும்; முதலில் வாக்குகள் எண்ணட்டும்.. பின்னர் பார்க்கலாம் என்றார்.

6:32 AM, 8 Feb

கெஜ்ரிவால் போட்டியிடும் புதுடெல்லி தொகுதி

டெல்லி முன்னாள் முதல்வரும் ஆம் ஆத்மி தலைவருமான அரவிந்த் கெஜ்ரிவால் போட்டியிடும் தொகுதி புதுடெல்லி. இத்தொகுதியில் பாஜகவின் பர்வேஷ் வர்மா, காங்கிரஸ் கட்சியின் சந்தீப் தீட்சித் (முன்னாள் முதல்வர் ஷீலா தீட்சித் மகன்) போட்டியிடுகின்றனர். அரவிந்த் கெஜ்ரிவால் இத்தொகுதியில் 2013, 2015, 2020 ஆகிய 3 தேர்தல்களில் தொடர்ந்து வென்றவர். 2020-ம் ஆண்டு தேர்தலில் 21,687 வாக்குகளில் அர்விந்த் கெஜ்ரிவால் வென்றிருந்தார்..

6:41 AM, 8 Feb

முதல்வர் அதிஷி போட்டியிடும் கல்காஜி

டெல்லி முதல்வர் அதிஷி போட்டியிடும் தொகுதி கல்காஜி. பாஜகவின் ரமேஷ் பிதுரி, காங்கிரஸின் அல்கா லம்பா எதிர்த்து போட்டியிடுகின்றனர். 2020-ம் ஆண்டு தேர்தலில் பாஜகவின் தரம்பீர் சிங்கை 11,393 வாக்குகள் வித்தியாசத்தில் அதிஷி தோற்கடித்தார்.

6:45 AM, 8 Feb

சோம்நாத் பார்தி போட்டியிடும் மால்வியா நகர்

ஆம் ஆத்மி மூத்த தலைவரான சோம்நாத் பார்தி மால்வியா நகரில் போட்டியிடுகிறார். மால்வியா நகர் தொகுதியில் 3 முறை பிரம்மாண்டமான வெற்றியைப் பெற்றவர் சோம்நாத் பார்தி. தற்போது பாஜகவின் சதீஷ் உபாத்யாய், காங்கிரஸின் ஜிதேந்திர குமார் கோச்சார் ஆகியோரை மால்வியா நகரில் எதிர்கொள்கிறார் சோம்நாத் பார்தி. 2015, 2020 தேர்தல்கலளில் சுமார் 50%-க்கும் அதிகமான வாக்குகளை சோம்நாத் பார்தி பெற்றிருந்தார்.

6:52 AM, 8 Feb

ஆம் ஆத்மி ஆட்சிதான் - மணீஷ் சிசோடியா

டெல்லி மக்களுக்காக பல்வேறு திட்டங்களை செயல்படுத்தி இருக்கிறோம்; டெல்லியில் குழந்தைகளின் கல்விக்கான திட்டங்களை நடைமுறைப்படுத்தி இருக்கிறோம். இதனால் ஆம் ஆத்மி கட்சியே மீண்டும் ஆட்சி அமைக்கும் என்ற நம்பிக்கை உள்ளது- முன்னாள் துணை முதல்வர் மணீஷ் சிசோடியா

7:03 AM, 8 Feb

டெல்லியில் தாமரை மலரும்- பாஜக

டெல்லியில் பாஜகவின் தாமரை ஆட்சி மலரும் என்ற நம்பி9க்கை உள்ளது; ஆம் ஆத்மி கட்சிக்கு ஹாட்ரிக் வெற்றி கிடைக்காது என்பது உறுதி; டெல்லி வக்காளர்களின் மனநிலை என்ன என்பதை எக்ஸிட் போல் முடிவுகள் வெளிப்படுத்தி இருக்கின்றன- மால்வியா நகர் பாஜக வேட்பாளர் சதீஷ் உபாத்யாய்

7:08 AM, 8 Feb

பாஜகவின் விஜேந்தர் குப்தா வென்ற ரோஹினி

பாஜக மூத்த தலைவர் விஜேந்தர் குபா 2 முறை வென்ற தொகுதி ரோஹி. 2015, 2020-ல் விஜேந்தார் குப்தா வென்ற இத்தொகுதியில் ஆம் ஆத்மியின் பிரதீப் மிட்டல் கடும் போட்டியை கொடுத்து வருகிறார். 2020 தேர்தலில் தம்மை எதிர்த்துப் போட்டியிட்ட ஆம் ஆத்மியின் ராமேஷ் நமா பன்ஷிவாலாவை 12,000 வாக்குகளில் தோற்கடித்தார் விஜேந்தர் குப்தா.

7:32 AM, 8 Feb

மணீஷ் சிசோடியா களம் காணும் ஜங்புரா

டெல்லி முன்னாள் துணை முதல்வர் மணீஷ் சிசோடியா களம் காணும் தொகுதி ஜங்புரா. டெல்லி மதுபான கொள்கை முறைகேடு வழக்கில் நீண்ட சிறைவாசம் அனுபவித்தவர். மணீஷ் சிசோடியாவை எதிர்த்து பாஜகவின் தர்வீந்தர் சிங் மார்வா, காங்கிரஸ் பர்ஹத் சூரி போட்டியிடுகின்றனர். 2020-ம் ஆண்டு தேர்தலில் இத்தொகுதியில் ஆம் ஆத்மி கட்சி வேட்பாளர் பிரவீன் குமார் சுமார் 15,000 வாக்கு வித்தியாசத்தில் வென்றிருந்தார்.

7:32 AM, 8 Feb

கிரேட்டர் கைலாஷ் தொகுதி

ஆம் ஆத்மி மூத்த தலைவர்களில் ஒருவரான சவுரவ் பரத்வாஜ், 2013-ம் ஆண்டு முதல் தொடர்ந்து போட்டியிட்டு வென்று வரும் தொகுதி இது. தற்போது பாஜகவின் ஷிகா ராய், காங்கிரஸின் கார்வித் சிங்வி போட்டியிடுகின்றனர்.

7:41 AM, 8 Feb

பட்பார்கஞ்ச் தொகுதி

டெல்லி முன்னாள் துணை முதல்வர் மணீஷ் சிசோடியாவின் கோட்டையாக கருதப்படும் தொகுதி இது. கடந்த 3 தேர்தல்களில் தொடர்ந்து மணீஷ் சிசோடியா வென்ற தொகுதி. தற்போது ஆம் ஆத்மியின் ஆவாத் ஓஜா இத்தொகுதியில் களம் காண்கிறார். பாஜகவின் ரவீந்தர் சிங் நேகி, காங்கிரஸின் அனில் சவுத்ரி ஆகியோர் எதிர்த்து போட்டியிடுகின்றனர்.

7:41 AM, 8 Feb

ஓஹ்லா தொகுதி

ஆம் ஆத்மியின் மற்றொரு மூத்த தலைவர் அமானுல்லா கான் மீண்டும் இத்தொகுதியில் களம் காண்கிறார். 2 முறை இத்தொகுதியில் வென்ற அமானுல்லா கான் ஹாட்ரிக் வெற்றி பெறுவாரா என்பது எதிர்பார்ப்பு. காங்கிரஸின் அரிபா கான், பாஜகவின் மணீஷ் சவுத்ரி ஆகியோர் போட்டியிடுகின்றனர்.

7:46 AM, 8 Feb

4-வது முறையாக கெஜ்ரிவால் முதல்வர்- ஆம் ஆத்மி

ஆம் ஆத்மி ஆட்சியை அகற்ற பாஜக முயற்சித்தது; ஒவ்வொரு முயற்சியும் மக்கள் ஆசீர்வாதத்தால் முறியடிக்கப்பட்டது. 4-வது முறையாக டெல்லி முதல்வராக அரவிந்த் கெஜ்ரிவால் தேர்ந்தெடுக்கப்படுவார்; மக்கள் அவரை தேர்ந்தெடுப்பர் என்ற நம்பிக்கை உள்ளது. குறைந்தபட்சம் 40 முதல் 45 தொகுதிகளில் ஆம் ஆத்மி வெல்லும்- கிரேட்டர் கைலாஷ் தொகுதி வேட்பாளர் சவுரவ் பரத்வாஜ்

7:49 AM, 8 Feb

2015, 2020-ல் டெல்லி தேர்தல் முடிவுகள் என்ன?

2015-ம் ஆண்டு டெல்லி தேர்தலில் ஆம் ஆத்மி கட்சி 67; பாஜக 3 இடங்களில் வென்றன; 2020-ம் ஆண்டு தேர்தலில் ஆம் ஆத்மி 62, பாஜக 8 இடங்களில் வென்றன. இரு தேர்தல்களிலும் காங்கிரஸ் ஒரு தொகுதியில் கூட வெல்லவில்லை.