இமாசல பிரதேசம் பாஜகவுக்கு தான்.. ஆனாலும் காங்கிரசும் மோசம் இல்லை.. டைம்ஸ் நவ் -இடிஜி எக்சிட் போல்

சிம்லா: இமாச்சல பிரதேசத்தில் பாஜக வெற்றி பெறும் என்றும், அந்த கட்சி 34-42 இடங்களில் வெற்றி பெற வாய்ப்பு இருப்பதாக டைம்ஸ் நவ்- இடிஜி வெளியிட்ட தேர்தலுக்கு பிந்தைய கருத்துக் கணிப்பு முடிவுகள் வெளியாகியுள்ளன.

இயற்கை எழில் கொஞ்சும் அழகை கொண்ட மாநிலம் இமாசல பிரதேசம். இமாசல பிரதேசம் என்றாலே ஷிம்லாவும் அங்குள்ள குளுமையான சூழலுமே பலருக்கும் நினைவு வரும். குளுமையான தட்பவெப்ப நிலை கொண்ட இமாசல பிரதேசத்த்தில் தற்போது தேர்தலால் அனல் பறக்கிறது.

மொத்தம் 68 தொகுதிகளை கொண்ட இமாசல பிரதேசத்தில் தற்போது பாஜக ஆட்சியில் உள்ளது.

இமாச்சல பிரதேச சட்டசபை தேர்தல்

ஆட்சியை தக்க வைத்துக்கொள்ள வேண்டும் என்பதில் தீவிரம் காட்டி வரும் பாஜக தேர்தல் வேலைகளில் படு சுற்று சுறுப்பாக ஈடுபட்டது. அதேநேரத்தில் பறிகொடுத்த ஆட்சியை மீண்டும் கைப்பற்றிவிட வேண்டும் என்பதில் காங்கிரஸ் கட்சி ஆர்வம் காட்டி வந்தது. ஆம் ஆத்மி, பகுஜன் சமாஜ் கட்சிகளும் இமாசல பிரதேச சட்டமன்ற தேர்தலில் போடியிட்டன. தேர்தலில் 65.92 சதவீத வாக்குகள் பதிவானது. ஆம் ஆத்மி கட்சி தங்கள் இமாசல பிரதேசத்தில் தடம் பதிக்கலாம் என்ற உற்சாகத்துடன் இருந்தது.

எந்த கட்சிக்கு வெற்றி வாய்ப்பு

இந்த பரபரப்புக்கு மத்தியில் கடந்த மாதம் 12 ஆம் தேதியே வாக்குப்பதிவு நடைபெற்று முடிந்தாலும் வாக்கு எண்ணிக்கை வரும் வியாழக்கிழமைதான் நடைபெறுகிறது. இமாசல பிரதேசத்தில் தனிப்பெரும்பான்மையுடன் ஆட்சி அமைக்க 35 தொகுதிகளில் வெற்றி பெற வேண்டும். குஜராத் இரண்டாம் கட்ட தேர்தல் முடிந்த நிலையில், இமாசல பிரதேச சட்டமன்ற தேர்தலில் எந்த கட்சி வெற்றி பெற என்ற தேர்தலுக்கு பிந்தைய கருத்துக்கணிப்பு முடிவுகள் வெளியாகியுள்ளன. அதன் விவரத்தை காணலாம்.

பாஜகவுக்கு வெற்றி

அதன்படி டைம்ஸ் நவ் -இடிஜி நடத்திய கருத்து கணிப்பில், மீண்டும் இமாச்சல பிரதேசத்தில் பாஜகவே வெற்றி பெறும் என்று தெரிவித்துள்ளது. அதன்படி பாஜக 34 முதல் 42 இடங்களில் வெற்றி பெறும் என்றும் காங்கிரஸ் 24 முதல் 32 இடங்களில் வெற்றி பெறும் என்றும்.. அரவிந்த் கெஜ்ரிவாலின் ஆம் ஆத்மி ஒரு இடங்களில் கூட வெற்றி பெற வாய்ப்பு இல்லை என்று தெரிவிகிக்கப்பட்டுள்ளது.

இமாச்சல பிரதேசத்தில் கடும் போட்டி

குஜராத்தை பொறுத்தவரை பாஜக மீண்டும் அங்கு ஆட்சியை பிடிக்கும் என்றே தேர்தலுக்கு பிந்தைய கருத்துக்கணிப்புகள் பெரும்பாலும் சொல்கின்றன. ஆனால் இமாசல பிரதேசத்தில் கடும் போட்டி நிலவும் என தெரிகிறது. காங்கிரஸ் கட்சியும் நெருங்கி வருவதால் அங்கு தொங்கு சட்டசபை ஏற்படக்கூட வாய்ப்பு உள்ளது. இதனால், இமாசல பிரதேச தேர்தல் முடிவுகள் பெரும் எதிர்பார்ப்பை எகிற வைத்துள்ளன.

English summary

The results of the post-election poll published by Times Now-ETG have revealed that the BJP will win in Himachal Pradesh and the party is likely to win 34-42 seats.