Click it and Unblock the Notifications
Don't Miss
-
துபாயில் இருக்கும் இந்தியர்களே.. முதல்ல இதை படிங்க..! -
வெறும் ரூ.150 இருந்தால் போதும் – நீங்கள் விமானத்தில் பயணம் செய்யலாம்! -
தினமும் எவ்வளவு சர்க்கரை உட்கொள்வது பாதுகாப்பானது தெரியுமா? இத்தனை ஸ்பூனுக்கு மேல தெரியாம கூட சாப்பிடாதீங்க... -
யாருமே எதிர்பார்க்கல.. 8ஜிபி ரேம்.. 50எம்பி கேமரா.. புதிய Samsung 5ஜி மாடல் அறிமுகம்.. என்ன விலை? -
Actor Vijay Antony: பணத்திற்காக வாக்கை விற்காதீர்கள்.. தெளிவுபடுத்திய நடிகர் விஜய் ஆண்டனி! -
திறந்தநிலை படிப்புகளில் சேரும் மாணவர்களே உஷார்....ஏஐசிடிஇ எச்சரிக்கை...! -
ஹர்திக் பாண்டியாவுக்கு அடுத்த அடி.. கடும் அதிருப்தியில் மும்பை இந்தியன்ஸ் அணியின் அனுபவ வீரர் -
ஓட்டு போட வந்த பிரபலங்கள் எந்த கார்களில் வந்தார்கள் தெரியுமா? பாதிபேர் ஒரே மாதிரி கார்ல வந்திருக்காங்க!
தலையில் “ஹிஜாப்”.. கையில் “பேட்” - யார் இந்த “லேடி” விராட் கோலி! லடாக்கில் அசத்தும் சிறுமி மக்சூமா
லடாக்: இந்திய முன்னாள் கேப்டனும் நட்சத்திர வீரருமான விராட் கோலியைபோல் ஆக வேண்டும் என்ற கனவுடன் அசத்தலாக கிரிக்கெட் விளையாடும் லடாக்கை சேர்ந்த பள்ளி மாணவி மக்சூமாவின் வீடியோ சமூக வலைதளங்களில் அதிகளவில் பகிரப்பட்டு வருகிறது.
இந்து, முஸ்லிம், கிறிஸ்தவம் என பல மதங்கள் இருந்தாலும் இந்தியாவில் பலரால் விரும்பப்படும் பொதுவான மதமாக இருப்பது கிரிக்கெட். விளையாட்டை கடந்து இதனை ஒரு உணர்வாகவே கோடிக்கணக்கான மக்கள் கருதுகின்றனர்.
எனவேதான் கிரிக்கெட் இந்தியாவில், பல்லாயிரம் கோடிகளில் புரளும் வியாபாரமாகவும் மாறி இருக்கிறது. இந்தியாவின் வெறித்தனமான கிரிக்கெட் ரசிகர்கள் அணியின் வெற்றி தோல்வியை தங்களுடையதாக நினைத்து அதை வீரர்களிடம் பிரதிபலிக்கின்றனர்.
லடாக் மாணவி
அதேபோல் ஏராளமான சிறுவர்களும் இளைஞர்களும் கிரிக்கெட்டில் சாதிக்க வேண்டும் என்ற உத்வேகத்துடன் விளையாடி வருகின்றனர். அந்த வகையில் லடாக்கை சேர்ந்த பள்ளி மாணவி ஒருவர் கிரிக்கெட் விளையாடிய வீடியோ சமூக வலைதளங்களில் அதிகளவில் பகிரப்பட்டு வருகிறது. அதில் ஹிஜாப் அணிந்த பள்ளி மாணவி ஒருவர் அதிரடியாக பேட்டிங் செய்து அசத்தியுள்ளார்.
மாணவி மக்சூமா
லடாக்கை சேர்ந்த 6 ஆம் வகுப்பு மாணவியான மக்சூமா தான் சந்தித்த பந்துகளை எல்லாம் விளாசி தள்ளினார். இந்த வீடியோவை லடாக் பள்ளிக்கல்வி இயக்குநரகம் ட்விட்டரில் வெளியிட்டு உள்ளது. அப்போது அவரளித்த பேட்டியில், "என்னுடைய தந்தை வீட்டில் என்னை கிரிக்கெட் விளையாட ஊக்குவிக்கிறார்.
விராட் கோலி
என்னுடைய ஆசிரியர் பள்ளியில் கிரிக்கெட் விளையாட ஊக்குவிக்கிறார். விராட் கோலியை போன்று விளையாட அனைத்து முயற்சிகளையும் மேற்கொள்வேன்." என்றார். அத்துடன் இந்திய முன்னாள் கேப்டன் தோனியைபோல் ஹெலிகாப்டர் ஷாட் அடித்து ஆட தான் விரும்புவதாகவும் அவர் கூறி இருக்கிறார்.
ஹெலிகாப்டர் ஷாட்
இதுகுறித்து அவர் பேசுகையில், "நான் எனது சிறுவயதில் இருந்தே கிரிக்கெட் விளையாடி வருகிறேன். ஹெலிகாப்டர் ஷாட் ஆடுவது எப்படி என்று இன்றும் நான் கற்று வருகிறேன். 2 ரன்கள் ஓடிய பிறகு சோர்வடைந்து விடுகிறோம். அடுத்த ரன்னுக்கு ஓட முடியவில்லை. எனக்கு பிடித்து கிரிக்கெட் வீரர் விராட் கோலிதான்." என்றார்.
