நாடாளுமன்றத்தில் தடுத்தபாஜக எம்பிக்கள்- 'ஜெய்பீம்' என உரத்து முழங்கிய பிரியங்கா காந்தி- பரபர வீடியோ!

டெல்லி: நாடாளுமன்றத்துக்குள் தங்களை நுழையவிடாமல் தடுத்து முழக்கங்களை எழுப்பிய பாஜக எம்பிக்களுக்கு பதிலடி தரும் வகையில் அண்ணல் அம்பேத்கரின் முழக்கமான 'ஜெய்பீம்' என்பதை இடைவிடாமல் உரத்து முழங்கினார் காங்கிரஸ் பொதுச்செயலாளரான வயநாடு எம்பி பிரியங்கா காந்தி. பாஜக எம்பிக்கள், இந்தியா கூட்டணி எம்பிக்களை நாடாளுமன்றத்துக்குள் நுழைய விடாமல் தடுத்த வீடியோ காட்சிகளை காங்கிரஸ் கட்சி வெளியிட்டு பரபரப்பை ஏற்படுத்தி உள்ளது.

அண்ணல் அம்பேத்கரை இழிவுபடுத்தும் வகையில் மத்திய உள்துறை அமைச்சர் அமித்ஷா ராஜ்யசபாவில் பேசியதால் பெரும் கொந்தளிப்பு நிலவுகிறது. நாடாளுமன்ற வளாகமே இன்று போர்க்களமாக மாறியது.

நாடாளுமன்ற வளாகத்தில் இன்று காலை பாஜக மற்றும் இந்தியா கூட்டணி எம்பிக்கள் போட்டி போராட்டங்களை நடத்தினர். இந்தப் போராட்டங்களின் போது தள்ளு முள்ளு மற்றும் மோதல் ஏற்பட்டது. இதில் பாஜக எம்பி பிரதாப் சாரங்கியின் மண்டை உடைந்தது. இந்தியா கூட்டணி எம்பிக்களை நாடாளுமன்றத்துக்குள் நுழையவிடாமல் பாஜக எம்பிக்கள் தடுத்து நிறுத்தி முழக்கமிட்டனர்.

அப்போது பிரியங்கா காந்தி, மல்லிகார்ஜூன கார்கே உள்ளிட்டோர் அம்பேத்கரின் உருவப்படம் ஏந்தியபடி நாடாளுமன்றத்துக்குள் நுழைய முயன்றனர். ஆனாலும் பாஜக எம்பிக்கள் தொடர் முழக்கம் எழுப்பினர். இதனால் அங்கு பெரும் பதற்றம் ஏற்பட்டது. ஒரு கட்டத்தில் பிரியங்கா காந்தி உள்ளிட்டோர் ஜெய்பீம் என அம்பேத்கரின் முழக்கத்தை உரத்து எழுப்பினர். பின்னர் மல்லிகார்ஜூன கார்கேவும் ஜெய்பீம் என முழங்கியபடியே நாடாளுமன்றத்துக்குள் நுழைய முயன்றனர். இது தொடர்பான வீடியோக்களை காங்கிரஸ் கட்சி வெளியிட்டுள்ளது. பாஜகவினர் இந்தியா கூட்டணி எம்பிக்களை தடுத்து நிறுத்திய இந்த வீடியோ அதிகம் பகிரப்பட்டு வருகிறது.

English summary

In a significant incident, Priyanka Gandhi was obstructed by BJP MPs while entering Parliament, leading her to chant 'Jai Bhim'. This confrontation has ignited political discourse and highlighted tensions between Congress and BJP.