அமெரிக்காவை அச்சுறுத்தும் அதிபயங்கர புயல் ஃபுளோரன்ஸ்.. 10 லட்சம் பேர் வெளியேற்றம்!!

அமெரிக்காவை அச்சுறுத்தும் ஃபுளோரன்ஸ் புயலால் 10 லட்சத்துக்கும் மேற்பட்ட மக்கள் பாதுகாப்பான இடங்களுக்கு வெளியேற்றப்பட்டுள்ளனர்.

Updated: Wednesday, September 12, 2018, 11:49 [IST]

Subscribe to Oneindia Tamil

மக்களுக்கு அறிவுறுத்தல்

இந்த புயலால் அமெரிக்காவின் தென்கிழக்கு கடற்கரை பகுதி பலத்த சேதத்தை சந்திக்கும் என தெரிவிக்கப்பட்டுள்ளது. மிரட்டும் ஃபுளோரன்ஸ் புயலால் வடக்கு கரோலினா, தெற்கு கரோலினா, மற்றும் விர்ஜினியா பகுதிகளில் வசிக்கும் மக்கள் தங்கள் வீடுகளை விட்டு வெளியேறுமாறு அறிவுறுத்தப்பட்டுள்ளது.

The #GOESEast satellite captured this close-up of the menacing eye of Category 4 #HurricaneFlorence this afternoon as the storm continues its trek toward the East Coast. Latest: https://t.co/AiRiNlrspa pic.twitter.com/eiTl40Qeyx
— NOAA Satellites (@NOAASatellites) September 11, 2018

50 செமீ மழை கொட்டும்

இதுவரை 10 லட்சத்துக்கும் மேற்பட்ட மக்கள் வெளியேற்றப்பட்டுள்ளனர். இந்த புயலால் கனமழை பெய்து வெள்ள பெருக்கு ஏற்படும் என அமெரிக்க வானியல் மையம் தெரிவித்துள்ளது. ஒரு சில இடங்களில் 50 சென்டி மீட்டருக்கு மேல் மழை கொட்டும் என்றும் எச்சரிக்கப்பட்டுள்ளது.

Watch tonight's sunset over #HurricaneFlorence, captured by the #GOESEast satellite, as the storm draws closer to the East Coast. Latest real-time imagery: https://t.co/bKPHNSAQeq pic.twitter.com/k79Q3v8CuR
— NOAA Satellites (@NOAASatellites) September 12, 2018

வடக்கு கரோலினாவின் வில்மிங்டன்

முதலில் வடக்கு அட்லாண்டிக் கடலை கடக்கும் இந்த புயல் பின்னர் பெர்முடா தீவு மற்றும் பஹாமாஸை வரும் செவ்வாய் மற்றும் புதன் கிழமைகளில் கடக்க உள்ளது. பின்னர் அமெரிக்காவின் வடக்கு கரோலினா பகுதியை கடக்க உள்ளது. முதல் வடக்கு கரோலினாவின் வில்மிங்டன் நகரை இந்த ஃபுளோரன்ஸ் புயல் தாக்கும் என தெரிவிக்கப்பட்டுள்ளது.

ட்ரம்ப் வலியுறுத்தல்

இதையடுத்து வில்மிங்டன் பல்கலைக்கழக மாணவர்கள் அப்பகுதியில் இருந்து வெளியேறுமாறு அறிவுறுத்தப்பட்டுள்ளனர். அமெரிக்க அதிபர் டொனால்டு ட்ரம்ப் மக்கள் பாதுகாப்பாக இருக்குமாறு தொடர்ந்து டிவிட்டரில் வலியுறுத்தி வருகிறார்.

#Florence is now a powerful Category 4 hurricane with maximum sustained winds of 130 mph. #GOESEast captured this close-up of the storm's eye as it continues tracking toward the southeastern U.S. Latest: https://t.co/vziaU0pOhE pic.twitter.com/SvHPKYGZsC
— NOAA Satellites (@NOAASatellites) September 10, 2018

மீனவர்களுக்கு எச்சரிக்கை

ஃபுளோரன்ஸ் புயல் காரணமாக மணிக்கு 215 கிலோ மீட்டர் வேகத்தில் காற்று வீசக் கூடும் என்று அமெரிக்க வானியல் துறை எச்சரிக்கை விடுத்துள்ளது. மேலும் கடல் பகுதியில் 12 அடி உயரத்திற்கு அலைகள் எழும்பும் என்பதால், மீனவர்கள் கடலுக்குச் செல்ல வேண்டாம் என்று எச்சரிக்கப்பட்டு உள்ளனர்.