நெஞ்சை பிடித்துக்கொண்டு சரிந்த.. ரஷ்ய பாதுகாப்புத்துறை அமைச்சர்! அங்கதான் ட்விஸ்டே! அதிர்ந்த புடின்

Updated: Sunday, April 17, 2022, 15:21 [IST]

Subscribe to Oneindia Tamil

மாஸ்கோ: ரஷ்ய பாதுகாப்புத்துறை அமைச்சர் செர்ஜெய் ஷிகோவிற்கு ஹார்ட் அட்டாக் ஏற்பட்டதாக கடந்த சில நாட்களுக்கு முன்பே தகவல்கள் வந்தன. இந்த சம்பவம் தற்போது அதிர வைக்கும் சில தகவல்கள் வந்துள்ளன.

ரஷ்யா

ரஷ்ய பாதுகாப்புத்துறை அமைச்சர் செர்ஜெய் ஷிகோ அதிபர் புடினுக்கு மிகவும் நெருக்கமானவர். புடினின் நெருங்கிய வட்டாரத்தில் இருக்கும் தலைவர்களில் இவரும் முக்கியமானவர். உக்ரைனில் ரஷ்யா போர் தொடுத்துள்ளது. இதில் ரஷ்யா கடுமையான பின்னடைவை சந்தித்துள்ளது. இது போக ரஷ்யா மீது பல்வேறு நாடுகள் பொருளாதார ரீதியாக போர் தொடுத்துள்ளது.

செர்ஜெய் ஷிகோ

இப்படிப்பட்ட நிலையில்தான் ஒரு நாட்டின் பாதுகாப்புத்துறை அமைச்சர் அதிகம் தேவைப்படுவார். பாதுகாப்புத்துறை அமைச்சரின் ஒவ்வொரு முடிவும், மூவும் அதிக கவனம் பெறும். ஆனால் ரஷ்ய பாதுகாப்புத்துறை அமைச்சர் செர்ஜெய் ஷிகோ கடந்த ஒரு மாதமாகவே வெளியே தென்படவில்லை. பொது இடங்களுக்கு அவர் வரவில்லை. மக்களை சந்திக்கவில்லை. செய்தியாளர்களையும் சந்திக்கவில்லை.

என்ன ஆச்சு?

இந்த நிலையில்தான் இவருக்கு ஹார்ட் அட்டாக் ஏற்பட்டதாக கடந்த சில நாட்களுக்கு முன் செய்திகள் வெளியாகின. மீட்டிங் ஒன்றில் இருந்த இவர் சட்டென நெஞ்சை பிடித்துக்கொண்டு சரிந்ததாக கூறப்படுகிறது. இதையடுத்து அவருக்கு ஹார்ட் அட்டாக் ஏற்பட்டதாக உறுதி செய்யப்பட்டது. இவர் தற்போது சிகிச்சை பெற்று வருகிறார். இந்த நிலையில்தான் ரஷ்ய பாதுகாப்புத்துறை அமைச்சர் செர்ஜெய் ஷிகோவிற்கு இயற்கை காரணங்களால் ஹார்ட் அட்டாக் ஏற்படவில்லை என்று கூறப்படுகிறது.

சந்தேகம்

அதாவது இவருக்கு செயற்கையான காரணங்களால் ஹார்ட் அட்டாக் ஏற்பட்டதாக கூறப்படுகிறது. ஆனால் அந்த செயற்கை காரணம் என்ன என்று தெளிவாக குறிப்பிடப்படவில்லை. முன்னதாக ரஷ்ய பாதுகாப்புத்துறை அமைச்சர் செர்ஜெய் ஷிகோ மீது அதிபர் புடின் கோபத்தில் இருந்ததாகவும், போரில் பின்னடைவு அடைந்தது பற்றி இவரிடம் விளக்கம் கேட்டதாகவும் கூறப்பட்டது. போரில் எப்படி பின்னடைவை சந்தித்தோம்.

கேள்வி மேல் கேள்வி

ஏன் உக்ரைனின் பெரிய நகரங்களை கைப்பற்ற முடியவில்லை என்று புடின் ரஷ்ய பாதுகாப்புத்துறை அமைச்சர் செர்ஜெய் ஷிகோவிடம் கேட்டதாக தகவல்கள் வந்தன. அதோடு அங்கு போருக்கு ஒதுக்கப்பட்ட நிதியை பல்வேறு ஜெனரல்கள் திருடிவிட்டதாகவும் கூறப்பட்டது. இவர்கள் மீது புடின் கோபமாக உள்ளதாக கூறப்பட்ட நிலையில்தான் ரஷ்ய பாதுகாப்புத்துறை அமைச்சர் செர்ஜெய் ஷிகோவிற்கு இயற்கை அல்லாத வேறு காரணங்களால் ஹார்ட் அட்டாக் ஏற்பட்டதாக தகவல் வெளியாகி உள்ளது.