அடல் பிஹாரி வாஜ்பாயின் கனவை உ.பி அரசு நிஜமாக்கியுள்ளது! முதல்வர் யோகி ஆதித்யநாத் பெருமிதம்

லக்னோ: உத்தரப் பிரதேச தலைநகர் லக்னோவை சர்வதேச தரத்திற்கு உயர்த்த வேண்டும் என்பது அடல் பிஹாரி வாஜ்பாய் என்றும் அதை பாஜக உ.பி பாஜக நிஜமாக்கி வருகிறது எனவும் முதலமைச்சர் யோகி ஆதித்யநாத் கூறியுள்ளார்.

எதிர்வரும் 2024ம் ஆண்டு நாடாளுமன்ற தேர்தல் நடைபெற உள்ள நிலையில், உத்தரப் பிரதேசம் தொடர்பாக பேச்சு பரவலாக அடிப்பட்டு வருகிறது. அம்மாநிலத்தில் யோகி ஆதித்யநாத் செய்த சாதனைகளை பாஜவினர் தொடர்ந்து பட்டியலிட்டு வருகின்றனர். இந்நிலையில், கடந்த சில நாட்களாக அவர் பல்வேறு திட்டங்களை தொடங்கி வைத்து வருகிறார். இந்த ஆண்டு தொடக்கத்தில் உத்தரப் பிரதேசத்தில் நடைபெற்ற உலக முதலீட்டாளர்கள் மாநாடு அனைவரின் கவனத்தையும் ஈர்த்திருந்தது.

இந்த மாநாடு குறித்து பேசிய அவர், "முதலீட்டாளர்கள் மாநாடு வழக்கமாக டெல்லி, மும்பையில்தான் நடக்கும். ஆனால் நாங்கள் முதலீட்டாளர்களை உத்தரப் பிரதேசத்திற்கு கொண்டு வந்துள்ளோம். எதை முடியாது என்று சொன்னார்களோ, அதை நாங்கள் வெற்றிகரமாக நடத்திக்காட்டியிருக்கிறோம். அதேபோல பட்ஜெட்டில் முன்னெப்போதும் இல்லாத அளவுக்கு அதிக அளவில் நிதியை ஒதுக்கியுள்ளோம். இந்த பட்ஜெட்டில் உட்கட்டமைப்பு, சுகாதாரம் மற்றும் கல்விக்கு முக்கியத்துவம் அளித்திருக்கிறோம்.

மாநிலத்தின் ஒவ்வொரு மாவட்டத்திலும் புதிய மருத்துவக்கல்லூரி உருவாக்கப்படும். உட்கட்டமைப்பில் ஏராளமான திட்டங்கள் அறிவிக்கப்பட்டுள்ளன. இனி மாநிலத்தின் ஒவ்வொருவருக்கும் வீடு உறுதி செய்யப்படும். வீடுகளில் குடிநீர் மற்றும் கழிவுநீர் வெளியேற்றும் வசதிகள் உறுதி செய்யப்படும். தேசிய தலைநகருக்கு அளிக்கப்பட்டிருக்கும் முக்கியத்துவத்தை போல மாநில தலைநகர்களுக்கும் போதிய அளவு முக்கியத்துவம் கொடுக்கப்படும். லக்னோ புதிய உட்கட்டமைப்புடன் சிறப்பாக மேம்படுத்தப்படும். லக்னோவின் உட்கட்டமைப்பு எங்களுக்கு மிகப்பெரிய சவாலாக இருக்கிறது. இதன் காரணமாக போக்குவரத்தில் கடும் நெருக்கடி ஏற்பட்டுள்ளது.

எனவே நாங்கள் தலைநகரை மறு கட்டமைப்பு செய்கிறோம். இதில் பழைய சிக்கல்களுக்கு உரிய தீர்வு காணப்படும். இதேபோன்று திட்டங்கள் நாடு முழுவதும் அமல்படுத்தப்படும் எனில் நாடு 2047ம் ஆண்டு வல்லரசாகும். அடல் பிஹாரி வாஜ்பாய் லக்னோவை மேம்படுத்துவது குறித்து கனவு கண்டார். அதை நாங்கள் நிஜமாக்கி வருகிறோம்" என்று கூறியுள்ளார்.

English summary

Chief Minister Yogi Adityanath has said that Atal Bihari Vajpayee should raise the capital of Uttar Pradesh Lucknow to international standards and BJP UP BJP is making it a reality.