மஞ்சள் கலர் பாம்பு.. கடித்தால் இனிக்கும்.. இணையத்தில் வைரலாகும் பரபரப்பு வீடியோ.. என்ன காரணம்?
இணையத்தில் வைரலாகிறது பாம்பு கேக்
நியூயார்க்:பாம்பு வடிவ கேக் ஒன்று இணையத்தில் வட்டமடித்து கொண்டிருக்கிறது.. ஏராளமான லைக்குகளையும் அள்ளி கொண்டிருக்கிறது.
அமெரிக்காவை சேர்ந்தவர் நடாலி சைட்செர்ப்.. இவர் கேக் வடிவமைப்பதில் பிரபலமானவர்.. கேக் தயாரிப்பதுதான் இவரது முழு நேர தொழில்.
ரேஸில் 6 பேர்.. அவரையும் விட்டு வைக்காத சிஎஸ்கே மேலிடம்.. தோனிக்கு பின் கேப்டனாக போவது யார்?
கேக்கை வைத்து டிசைன் டிசைனாக உருவங்களை வடிவமைப்பார்.. உயிரினங்களையும், பொருட்களையும் கேக்கிலேயே தயார் செய்வார்.
சிரமம்
இதில் மனித உருவம் செய்வது மிகவும் சிரமமான காரியம்.. ஆனால் அதையும் கேக் வைத்து நுட்பமாக வடிவமைத்திருக்கிறார்.. இந்த கேக்குகளை அந்த நாட்டு மக்கள் பெரிதும் ரசித்து வருகிறார்கள்.. பல கேக்குகள் சோஷியல் மீடியாவிலும் வைரலாகும்.. தத்ரூபமாக ஒவ்வொன்றையும் சிரமத்துடன் தயாரிப்பதுதான் இவரது வெற்றிக்கு காரணம்.
வீடியோ
இப்போதும் ஒரு கேக் செய்துள்ளார்.. அது பாம்பு வடிவ கேக் ஆகும்.. அதை வீடியோவாக எடுத்து தன்னுடைய இன்ஸ்டாகிராம் பக்கத்தில் வெளியிட்டார்.. பார்ப்பதற்கு அச்சுஅசல் பாம்பு போலவே உள்ளது.. அதன் தோல் மஞ்சள் நிறத்தில் உள்ளது.. அந்த வீடியோவில் பாம்பு காட்டப்படுகிறது.. பிறகு திடீரென்று ஒரு கத்தியை எடுத்து அந்த பாம்பை நடாலி வெட்டுகிறார்... அப்போதுதான் அது பாம்பு இல்லை, நிஜ கேக் என்பதையே நமக்கு தெரியவருகிறது.
லைக்குகள்
இந்த வீடியோவை பதிவிட்டதுமே, லட்சக்கணக்கானோர் லைக் செய்துவிட்டனர்.. தொடர்ந்து ஏராளமானோர் ஷேர் செய்தும் வருகின்றனர். பொதுவாக, கேக் வடிவமைத்தலில்கூட கின்னஸ் சாதனை உண்டு.. அப்படித்தான், கேரளாவில் தயாரிக்கப்பட்ட 6½ கிலோ மீட்டர் நீளமுடைய கேக் உலகின் மிக நீளமான கேக்காக கின்னஸ் உலக சாதனை புத்தகத்தில் இடம் பெற்றது.. 10 சென்டிமீட்டர் அகலமும், தடிமனும் கொண்ட அந்த வென்னிலா கேக், சுமார் 27,000 கிலோ எடை கொண்டது...
சாதனை
இதற்கு முன்னதாக, சீனா நாட்டின் சிக்சி கவுண்டி பேக்கரி உரிமையாளர்கள் இணைந்து 3.2 கிலோ மீட்டர் நீளமுடைய பழ கேக்கை தயாரித்து கின்னஸ் சாதனை படைத்திருந்தனர்.. அநேகமாக நடாலி செய்த பாம்பு கேக்கும் டிசைனுக்காகவே ஏதாவது ஒரு விருதை தட்டி செல்லும் என்கிறார்கள் இணையவாசிகள்... இப்போது இணையதளம் முழுக்க இந்த மஞ்சள் கலர் பாம்பு கேக்தான் வைரலாகி கொண்டிருக்கிறது.