Click it and Unblock the Notifications
Don't Miss
-
தங்கம் விலை வரலாற்று உச்சம்.. மீண்டும் மீண்டுமா.. எப்பதான் தங்கம் வாங்க முடியும்..?! -
தமிழக வெற்றிக் கழகத்தின் தலைவராச்சே.. ஓட்டுப் போடாமல் விட்டுடுவாரா.. சென்னைக்கு விரைந்த விஜய்! -
பூமிக்கு கடைசி மெசேஜ்.. Mars-இல் இருந்து வந்த "குட்பை".. அசைவின்றி கிடக்கும் ஏர்கிராப்ட்.. 72 முறை நடந்தது! -
PBKS vs MI : பும்ரா பந்தில் அடித்த அந்த சிக்ஸ்.. எனது ரொம்ப நாள் ஆசை.. ஓபனாக சொன்ன அஷுதோஷ் சர்மா! -
சுக்கிரனின் நட்சத்திர பெயர்ச்சி: ஏப்ரல் 25 முதல் அடுத்த 10 நாட்கள் இந்த 3 ராசிக்கு அதிர்ஷ்டமா இருக்கப் போகுது. -
உலகம் முழுவதும் ராயல் என்ஃபீல்டு பைக்கை வாடகைக்கு எடுக்கலாம்! எப்படி தெரியுமா? -
பாவனி ஆற்றின் நடுவே 700 ஆண்டுகளாக மூழ்கியிருக்கும் கோட்டை – இன்னும் 2 மாதங்களுக்கு பொதுமக்கள் செல்லலாம்! -
பிளஸ்-2 படித்திருந்தால் போதும்...மத்தியஅரசு வேலை தயார்..!!
நாளை தாக்கலாகிறது தமிழக பட்ஜெட்... காவிரி மேலாண்மை வாரியத்திற்கு சிறப்பு தீர்மானம்?
2018-19ம் நிதியாண்டிற்கான முழு நிதிநிலை அறிக்கையை தாக்கல் செய்வதற்கான சட்டசபை பட்ஜெட் கூட்டம் நாளை தொடங்குகிறது.
சென்னை : 2018-19 நிதியாண்டுக்கான பட்ஜெட் நாளை தமிழக சட்டசபையில் தாக்கல் செய்யப்படுகிறது, துணை முதல்வர் ஓ.பன்னீர்செல்வம் நிதிநிலை அறிக்கையை தாக்கல் செய்கிறார். இந்த பட்ஜெட் தாக்கலின் போதே காவிரி மேலாண்மை வாரியம் தொடர்பாக சிறப்பு தீர்மானம் நிறைவேற்றப்படும் என்றும் தலைமைச் செயலக வட்டாரங்கள் தெரிவிக்கின்றன.
பட்ஜெட் கூட்டத் தொடர் நாளை காலை 10.30 மணிக்கு தொடங்குகிறது. 2018-19-ம் ஆண்டுக்கான பட்ஜெட்டை சட்டசபையில் துணை முதல்வர் ஓ.பன்னீர்செல்வம் தாக்கல் செய்கிறார். 2019ல் நாடாளுமன்றத் தேர்தல், தமிழகத்தில் விரைவில் உள்ளாட்சித் தேர்தலை நடத்த திட்டமிட்டிருப்பதால் பட்ஜெட்டில் சில புதிய அறிவிப்புகள் வெளியாகலாம் என எதிர்பார்க்கப்படுகிறது.
எனினும் தமிழக அரசு ஏற்கனவே கடனில் தத்தளிக்கும் நிலையில் புதிய அறிவிப்புகள் எந்த அளவிற்கு இருக்கும் என்பதும் கேள்விக்குறியாகவே உள்ளது. அரசின் நிகர கடன் தொகையானது ஒவ்வொரு ஆண்டும் அதிகரித்து வரும் நிலையில், அனைத்துத் துறைகளிலும் வருமானத்தை பெருக்கும் வகையிலான அறிவிப்புகள் இதில் இடம்பெறலாம் என்று எதிர்பார்க்கப்படுகிறது.
குறிப்பாக தனியார் வசம் உள்ள கணிம வள மற்றும் கிரானைடு குவாரிகளை அரசே ஏற்று நடத்தும் அறிவிப்பு பட்ஜெட்டில் இடம்பெற வாய்ப்பிருப்பதாக கூறப்படுகிறது. மேலும் சில இலவச திட்டங்கள் நிதி ஒதுக்கப்படாமல் சத்தமில்லாமல் மூடுவிழா காணப்படலாம் என்றும் நிதியமைச்சக வட்டாரங்கள் கூறுகின்றன.
மொத்தத்தில் தமிழக பட்ஜெட் புதிய அறிவிப்புகள் இல்லாமல், நிதி ஒதுக்கீடு மற்றும் வருவாயை பெறுக்குவதற்கான அறிவிப்புகளை உள்ளடக்கிய அம்சங்களாகவே இருக்கும் என்று கூறப்படுகிறது. இதனிடையே காவிரி மேலாண்மை வாரியம் அமைப்பது தொடர்பான சிறப்பு தீர்மானமும் பட்ஜெட் தாக்கலைத் தொடர்ந்து சட்டசபையில் சிறப்பு தீர்மானமாக நிறைவேற்றப்படும் என்று தெரிகிறது.
