• search
For Quick Alerts
ALLOW NOTIFICATIONS  
For Daily Alerts

திமுகவில் மீண்டும் அழகிரியா?: கருத்து தெரிவிக்க கருணாநிதி மறுப்பு!

By Mathi
|

சென்னை: திமுகவில் மு.க. அழகிரி மீண்டும் சேர்த்துக் கொள்ளப்படுவாரா என்பது குறித்து கருத்து தெரிவிக்க அக்கட்சித் தலைவர் கருணாநிதி மறுத்துள்ளார்.

சென்னையில் நேற்று முன்தினம் செய்தியாளர்களூக்கு கருணாநிதி அளித்த பேட்டி:

செய்தியாளர்: பெங்களூரில் நடைபெறும் ஜெயலலிதா மீதான சொத்துக் குவிப்பு வழக்கில் 18 ஆண்டுகளுக்குப் பிறகு -- வரும் செப்டம்பர் 20ஆம் தேதியன்று தீர்ப்பு வழங்கப்படும் என்று நீதிபதி தெரிவித்திருக்கிறபோது, உங்களுடைய மனநிலை எப்படி இருக்கிறது?

பதில்: என்னுடைய மனநிலை எப்போதும் போலத்தான் இருக்கிறது.

Karunanidhi refuses to react to reports about patch up with Alagiri

செய்தியாளர்: ஜெயலலிதா மீதான சொத்து குவிப்பு வழக்கில் தீர்ப்புக்கான தேதியை நீதிபதி அறிவித்துள்ள இதே நாளில், தமிழக முதலமைச்சர் ஜெயலலிதாவை, மத்திய சட்ட அமைச்சர் சந்தித்துப் பேசியிருக்கிறாரே? இதை நீங்கள் எப்படி பார்க்கிறீர்கள்?

பதில்: இதற்காக மத்திய அரசை குறை கூறுவது முறையுமல்ல; நியாயமுமல்ல! மோடி தலைமையிலே பணியாற்றுகின்ற சட்ட அமைச்சர் எந்தவிதமான இழுக்கும் மத்திய அரசுக்கு ஏற்படாமல் நடந்து கொள்வார் என்று நான் நம்புகிறேன்

செய்தியாளர்: வர இருக்கிற தீர்ப்பு, தமிழக அரசியலில் எப்படிப்பட்ட மாற்றத்தை ஏற்படுத்தும் என்று நினைக்கிறீர்கள்?

பதில் : என்ன மாற்றத்தை ஏற்படுத்துகிறதோ இல்லையோ; மன மாற்றத்தை ஏற்படுத்தும்.

செய்தியாளர் : மு.க.அழகிரி மீண்டும் கழகத்தில் இணைத்துக் கொள்ளப்படுவார் என்று செய்தி வருகிறதே?

பதில் : பத்திரிகைகாரர்களுக்கு தீனி போட நான் விரும்பவில்லை.

செய்தியாளர் : கலாநிதி மாறன் சகோதரர்கள் உச்ச நீதிமன்றத்தில் இன்று தாக்கல் செய்த மனுவை, உச்ச நீதிமன்றம் தள்ளுபடி செய்திருக்கிறதே?

பதில் : நீங்கள் சொல்லித்தான் இந்த செய்தியே எனக்குத் தெரியும். இதில் கருத்துக் கூற விரும்பவில்லை.

இவ்வாறு கருணாநிதி கூறியுள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
DMK chief M Karunanidhi on Thursday refused to respond to reports suggesting rapprochement with his son and expelled party leader M K Alagiri, saying he doesn't want to feed the media with any information on this matter.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more