அதிமுக ஆட்சி மீது அமைச்சர்களுக்கே அதிருப்தி? பட்ஜெட்டை புறக்கணித்த 3 சீனியர்கள்
அமைச்சர்களுக்கு ஆட்சியாளர்கள் மீதும் நம்பிக்கையில்லை, பட்ஜெட் மீதும் நம்பிக்கையில்லை என்பதைத்தான் இந்த சம்பவம் காட்டுகிறது என்கிறார்கள் அரசியல் பார்வையாளர்கள்.
சென்னை: தமிழக பட்ஜெட்டை 3 அமைச்சர்கள் புறக்கணித்துவிட்டது ஆளும் தரப்பில் சலசலப்பை ஏற்படுத்தியுள்ளது.
2017-18ம் நிதியாண்டுக்கான தமிழக பட்ஜெட்டை நிதியமைச்சர் ஜெயக்குமார் இன்று காலை தாக்கல் செய்தார். இந்த பட்ஜெட் உரையின்போது 3 சீனியர் அமைச்சர்கள் சட்டசபையில் இல்லை.
வனத்துறை அமைச்சர் திண்டுக்கல் சீனிவாசன், சட்டத்துறை அமைச்சர் சி.வி.சண்முகம், சுகாதாரத்துறை அமைச்சர் விஜய பாஸ்கர் ஆகியோர் சட்டசபை கூட்டத்தில் கலந்து கொள்ளவில்லை.
சீனியர் அமைச்சர்களான இம்மூவரும், பட்ஜெட் உரை போன்ற ஒரு அதி முக்கிய நிகழ்வின்போது, வராததை பார்த்து,
அதிமுக எம்எல்ஏக்கள் மட்டுமல்ல, எதிர்க்கட்சி எம்எல்ஏக்களும் கூட சபையின் உள்ளே தங்களுக்குள் ஒருவருக்கொருவர் முனுமுனுத்துக்கொண்டதை பார்க்க முடிந்தது.

டெல்லியில் முகாம்
இரட்டை சிலை சின்னம் மற்றும் சசிகலா அதிமுக பொதுச்செயலாளராக தேர்ந்தெடுக்கப்பட்ட விவகாரம் குறித்து, தலைமைத் தேர்தல் ஆணையரை சந்திக்க தம்பிதுரையுடன் மூன்று அமைச்சர்களும் டெல்லியில் முகாமிட்டுள்ளதாக கூறப்படுகிறது.

ஏன் இன்று?
ஆனால், இந்த சந்திப்பை இவர்கள் நாளை கூட வைத்துக்கொண்டிருக்க முடியும். ஆனால் பட்ஜெட் உரை நிகழ்வு அன்று, இந்த 3 சீனியர்களும் சட்டசபைக்கு வராமல் டெல்லியில் முகாமிட்டுள்ளது திட்டமிட்ட புறக்கணிப்பாக இருக்கலாம் என்ற பேச்சு அடிபடுகிறது.

ஆட்சியை புறக்கணித்த அமைச்சர்கள்
பட்ஜெட்டை அமைச்சர்களே புறக்கணிப்பது என்பது, அவர்களது ஆட்சியையே அவர்களே புறக்கணிப்பதற்கு சமம். அமைச்சர்களுக்கு ஆட்சியாளர்கள் மீதும் நம்பிக்கையில்லை, பட்ஜெட் மீதும் நம்பிக்கையில்லை என்பதைத்தான் இந்த சம்பவம் காட்டுகிறது என்கிறார்கள் அரசியல் பார்வையாளர்கள்.

அதிருப்தி
தற்போதைய அமைச்சரவையில் பலருக்கும் டி.டி.வி.தினகரன் கட்டுப்பாட்டின்கீழ் செயல்படுவது பிடிக்கவில்லை என்று ஒரு தகவல் உலவுகிறது. குறிப்பாக ஆர்.கே.நகர் இடைத் தேர்தலில் டி.டி.வி.தினகரன் போட்டியிட உள்ளதாக அறிவித்துள்ள நிலையில் அவர்கள் அதிருப்தி அதிகரித்துள்ளதாம்.
-
அசத்தி காட்டிய தமிழ்நாடு.. ஐடியா கேட்டு வந்த உத்தரப் பிரதேசம்! வழிகாட்ட நம்ம ரெடி! -
இந்தியா முழுவதும் சனிக்கிழமை அன்று ரமலான் பண்டிகை.. சவுதி அரேபியாவில் இன்று ரம்ஜான் கொண்டாட்டம்! -
நாளை மறுநாள் ரமலான் பண்டிகை கொண்டாடப்படும்.. தலைமை ஹாஜி அறிவிப்பு! -
கோடை மழைக்கு எண்ட் கார்டு.. வெதர்மேன் கொடுத்த அப்டேட்! இனிதான் சம்பவம் இருக்கு -
முடியல.. கொளுத்துது வெயில்! வெளியே போகாதீங்க! தமிழக சுகாதாரத்துறை வெளியிட்ட முக்கிய வார்னிங்! -
தங்கம் விலை பவுனுக்கு ரூ.13 ஆயிரம் சரிவு.. இன்னும் ரூ.14 ஆயிரம் வரை குறைய வாய்ப்பு -
பேசியது 15 நிமிடம்.. காத்திருந்தது 2 மணி நேரம்! அமித்ஷாவை சந்திக்க ஹோட்டலில் காத்துக்கிடந்த எடப்பாடி -
சிலிண்டர் முன்பதிவு செய்பவர்களுக்கு ஷாக் நியூஸ்! இனி இது இல்லைனா கேஸ் வராது.. மத்திய அரசின் தடை? -
நள்ளிரவில் அமெரிக்கா எடுத்த முக்கியமான முடிவு.. மொத்தமாக சரிந்த தங்கம்.. இனிமேல் இப்படி தான்? -
கரூர் கூட்ட நெரிசலில் எடுக்கப்பட்டதாக சொல்லப்படும் டிரோன் காட்சி முதல்முறையாக வெளியீடு! -
பாகிஸ்தானை விட மோசமான நிலையில் இந்தியா.. உலகின் மகிழ்ச்சியான நாடுகள் ரிப்போர்ட்டில் செம பெரிய ஷாக்! -
170ல் அதிமுக.. பாஜக, பாமக, அமமுக உட்பட கூட்டணி கட்சிக்கு 64 தொகுதிகள்.. எடப்பாடி போட்டுள்ள கணக்கு!












Click it and Unblock the Notifications