பிக்பாஸ் வீட்டிற்குள் மீண்டும் ஆரி... உற்சாகத்தில் ரசிகர்கள்

By V Vasanthi

Updated: Tuesday, December 14, 2021, 23:50 [IST]

Subscribe to Oneindia Tamil

சென்னை: பிக்பாஸ் நிகழ்ச்சியை பற்றிய ரசிகர்களின் கருத்துக்கு ஆரி விளக்கம் கொடுத்துள்ளார்.

தனது மனதை கவர்ந்த போட்டியாளர் யார் என்ற கேள்விக்கு ஆரியின் பதில் அசத்தலாக உள்ளது.

ஆரி கூறிய செய்தியைக் கேட்டதும் ரசிகர்கள் கொண்டாட்டத்தில் திகைத்து வருகின்றனர்.

ரசிகர்களை கவரும் ரியாலிட்டி ஷோ

பிக் பாஸ் நிகழ்ச்சி ஒவ்வொரு சீசனிலும் வெற்றியை தொடர்ந்து தான் அடுத்தடுத்த சீசன்கள் ஒளிபரப்பாகி வருகிறது. தற்போது ரியாலிட்டி ஷோக்களுக்கு ரசிகர்களின் மத்தியில் நல்ல வரவேற்பு கிடைத்துள்ளது. கொஞ்சம் நாளைக்கு முன்னாடி வரைக்கும் ரசிகர்கள் அதிகமாக பிறமொழி சீரியல்கள் தமிழில் மொழிபெயர்க்கப்பட்டு ஒளிபரப்பாகி வருவதை ஆர்வத்தோடு ரசித்து வந்தனர். ஆனால் அதற்கு எல்லாம் மாற்றம் கொடுக்கும் வகையில் தமிழில் வரும் ரியாலிட்டி ஷோக்கள் தற்போது பட்டி தொட்டியெல்லாம் பட்டையை கிளப்பி கொண்டிருக்கிறது.

இவர்களை கவர்ந்த ஆரி

பல திரைப்படங்களில் நடித்து வாங்கும் பெயர்களை கூட ரியாலிட்டி ஷோக்களில் கலந்து கொண்டு பல போட்டியாளர்கள் தட்டி விடுகிறார்கள். அந்த மாதிரி அனைத்து ரசிகர்களின் மனதையும் கவர்ந்த ஒரு போட்டியாளராக வலம் வந்து கொண்டிருக்கும் ஆரி தற்போது தன்னுடைய ரசிகர்களுக்கு இன்ப அதிர்ச்சியைக் கொடுத்திருக்கிறார். இதுவரைக்கும் 4 சீசன்கள் முடிவடைந்து இருந்தாலும் யாரும் ஆரியைப் போல ரசிகர்களின் மனதில் இடத்தைப் பிடிக்கவில்லை என்று ரசிகர்கள் கூறிவருகின்றனர். தற்போது ஐந்தாவது சீசனில் 70 நாட்கள் முடிவடைந்துவிட்ட நிலையில் ஆரியை ரசிகர்கள் ரொம்பவே மிஸ் பண்ணி வருகின்றனர்.

ஆரிக்கு பிடித்த போட்டியாளர்

பிக்பாஸ் நிகழ்ச்சியை ஆரியும் பார்த்துக்கொண்டுதான் இருக்கிறாராம். அதனால் ரசிகர்கள் பலர் ஆரியிடம் இந்த சீசனில் உங்கள் மனதை கவர்ந்த போட்டியாளர் யார் என்று கேட்டு வருகிறார்களாம். அதற்கு இந்த சீசன்களில் இவர்கள் அனைவருமே தனித்துவமாக விளையாட்டை விளையாடி வருகிறார்கள். அதனால் அதனை பார்க்கும் போது நன்றாகத்தான் இருக்கிறது. யாரும் யாரையும் கூட்டு சேர்ந்து விளையாடாமல் தனியாக விளையாடுவதால் அவர்களின் திறமையும் நன்றாக மெருகேறி வருகிறது. அதனால் குறிப்பிட்டு இவரை தான் பிடிக்கும் என்று எந்த போட்டியாளரை பற்றியும் தன்னால் கருத்து தெரிவிக்க முடியாது என்று கூறியுள்ளார்.

ஆரி சொன்ன ரகசியம்

பிக்பாஸ் நிகழ்ச்சியில் தான் மீண்டும் கலந்து கொள்ள வாய்ப்பு இருப்பதாக கூறிய வார்த்தை ரசிகர்களுக்கு கொண்டாட்டத்தை கொடுத்திருக்கிறது. அது மட்டுமல்லாமல் இந்த சீசனில் தான் கலந்துகொள்ள வாய்ப்பு இருப்பதாகவும், அப்படி கலந்து கொண்டால் தன்னுடைய நிலைப்பாடு பற்றி தெளிவாக கூறுவேன் என்று கூறியுள்ளார். ஆரியின் என்ட்ரி மீண்டும் பிக்பாஸில் இருக்கிறது என்று தெரிந்ததும் ரசிகர்கள் கொண்டாட்டத்தில் இருந்து வருகின்றனர். எப்போது இவர் கலந்து கொள்வார் என்று தான் பலர் கேட்டு வருகிறார்கள். இந்த வீட்டிற்குள் சென்று ரசிகர்களுக்கு இன்ப அதிர்ச்சி கொடுப்பார் என்று எதிர்பார்க்கப்படுகிறது.